13.89C Vancouver 13.89C VancouverApr 28, 2021 7:22 PM -
ਵਾਸ਼ਿੰਗਟਨ ਦੇ ਛੋਟੇ ਸ਼ਹਿਰ ਪਾਇੰਟ ਰੌਬਰਟਸ ਦੇ ਕਮਿਊਨਿਟੀ ਲੀਡਰਾਂ ਨੇ ਬੀ.ਸੀ. ਦੇ ਲੋਕਾਂ ਲਈ ਕੋਵਿਡ-19 ਵੈਕਸੀਨ ਖੁਰਾਕਾਂ ਲਈ ਪਹੁੰਚ ਕਰਨ ਦੀ ਪੇਸ਼ਕਸ਼ ਕੀਤੀ ਹੈ।
ਕੁਝ ਬੀ.ਸੀ. ਵਾਸੀਆਂ ਦੀਆਂ ਅਮਰੀਕਾ ਦੇ ਇਸ ਛੋਟੇ ਟਾਊਨ 'ਚ ਪ੍ਰਾਪਰਟੀਆਂ ਹਨ।
ਇਹ ਟਾਊਨ ਅਮਰੀਕਾ ਤੋਂ ਪਾਸੇ ਅਤੇ ਕੈਨੇਡਾ ਦੇ ਬਾਰਡਰ ਦੇ ਬੇਹੱਦ ਨੇੜੇ ਹੈ।
ਪਾਇੰਟ ਰੌਬਰਟਸ ਦੇ ਫਾਇਰ ਚੀਫ਼, ਕ੍ਰਿਸਟੋਫਰ ਕਾਰਲੇਟਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ 70% ਨਿਵਾਸੀ ਇਮਿਊਨਾਈਜ਼ ਹੋ ਚੁੱਕੇ ਹਨ।
ਉਨ੍ਹਾਂ ਕਿਹਾ ਕਿ ਟਾਊਨ ਦੀ ਕੋਸ਼ਿਸ਼ ਹੈ ਕਿ ਵੈਕਸੀਨ ਦੀ ਪੇਸ਼ਕਸ਼ ਬੀ.ਸੀ. 'ਚ ਰਹਿ ਰਹੇ ਅਮਰੀਕੀ ਲੋਕਾਂ ਅਤੇ ਉਨ੍ਹਾਂ ਬੀ.ਸੀ. ਵਾਸੀਆਂ ਲਈ ਕੀਤੀ ਜਾਵੇ ਜਿੰਨਾ ਦੀਆਂ ਇਸ ਟਾਊਨ 'ਚ ਪ੍ਰਾਪਰਟੀਆਂ ਹਨ।
ਯਾਦ ਰਹੇ ਇਸ ਤੋਂ ਪਹਿਲਾਂ ਅਲਾਸਕਾ 'ਚ ਅਧਿਕਾਰੀਆਂ ਨੇ ਬੀ.ਸੀ. ਦੇ ਉੱਤਰ 'ਚ ਸਥਿਤ ਛੋਟੇ ਸ਼ਹਿਰ ਸਟੀਵਰਟ 'ਚ ਨਿਵਾਸੀਆਂ ਨੂੰ ਵੈਕਸੀਨ ਹਾਸਿਲ ਕਰਨ ਦੀ ਪੇਸ਼ਕਸ਼ ਕੀਤੀ ਸੀ ਅਤੇ ਉਮੀਦ ਜ਼ਾਹਿਰ ਕੀਤੀ ਸੀ ਕਿ ਇਸ ਨਾਲ ਕੈਨੇਡਾ ਸਰਕਾਰ ਅਲਾਸਕਾ ਦੇ ਬਾਰਡਰ 'ਤੇ ਸਥਿਤ ਹੈਦਰ ਨਾਮ ਦੇ ਇਲਾਕੇ ਅਤੇ ਸਟੀਵਰਟ ਵਿਚਾਲੇ ਆਵਾਜਾਈ 'ਚ ਕੁਝ ਢਿੱਲ ਵਰਤੇਗੀ।
