10.19C Vancouver 10.19C VancouverJun 19, 2025 6:14 PM - The Canadian Press
ਐਡਮਿੰਟਨ ਦੇ ਇਕ ਵਰਕਰ ਦੀ ਦੋ ਸਾਲ ਪਹਿਲਾਂ ਸਮੋਕਹਾਊਸ ਵਿਚ ਫਸਣ ਕਾਰਨ ਹੋਈ ਮੌਤ ਦੇ ਮਾਮਲੇ ਵਿਚ ਓਨਟਾਰੀਓ ਸਥਿਤ ਸੋਫੀਨਾ ਫੂਡਜ਼ ਇੰਕ. ਕੰਪਨੀ ਨੂੰ $330,000 ਦਾ ਜੁਰਮਾਨਾ ਲੱਗਾ ਹੈ।ਅਦਾਲਤ ਨੇ ਅੱਜ ਫੈਸਲਾ ਸੁਣਾਉਂਦਿਆਂ ਕਿਹਾ ਕਿ ਕੰਮ ਦੌਰਾਨ ਵਰਕਰਜ਼ ਦੀ ਸੁਰੱਖਿਆ ਦਾ ਧਿਆਨ ਨਹੀਂ ਰੱਖਿਆ ਗਿਆ ਸੀ।
32 ਸਾਲਾ ਸਮੀਰ ਸੁਬੇਦੀ ਮਾਰਚ 2023 ਵਿਚ ਗੈਸ ਨਾਲ ਚੱਲਣ ਵਾਲੇ ਸਮੋਕਹਾਊਸ ਵਿਚ ਮੀਟ ਰੱਖਣ ਗਿਆ ਸੀ। ਇਸ ਦੇ ਅੰਦਰਲਾ ਦਰਵਾਜ਼ਾ ਖਰਾਬ ਹੋਣ ਕਾਰਨ ਮੁੜ ਨਾ ਖੁੱਲ੍ਹਿਆ ਜਿਸ ਵਿਚ ਫਸ ਜਾਣ ਕਾਰਨ ਉਸ ਦੀ ਮੌਤ ਹੋ ਗਈ। ਉਸ ਸਮੇਂ ਇੱਥੋਂ ਦਾ ਤਾਪਮਾਨ 92 ਡਿਗਰੀ ਸੈਲਸੀਅਸ ਸੀ।
ਬੀਤੇ ਦਿਨ ਕੰਪਨੀ ਨੂੰ ਸੁਰੱਖਿਆ ਦੇ ਪ੍ਰਬੰਧ ਨਾ ਕਰਨ ਲਈ ਦੋਸ਼ੀ ਠਹਿਰਾਇਆ ਗਿਆ ਸੀ ਅਤੇ ਕੰਪਨੀ ਵਿਰੁੱਧ 25 ਹੋਰ ਚਾਰਜਿਜ਼ ਨੂੰ ਹਟਾ ਦਿੱਤਾ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਰਕਮ ਨੂੰ ਕੰਮ ਦੌਰਾਨ ਟ੍ਰੇਨਿੰਗ ਪ੍ਰੋਗਰਾਮ ਲਈ ਖਰਚਿਆ ਜਾਣਾ ਹੈ। ਦੱਸ ਦੇਈਏ ਕਿ ਕੰਪਨੀ ਵਲੋਂ ਪਹਿਲਾਂ ਹੀ ਪੀੜਤ ਪਰਿਵਾਰ ਦੀ ਮਦਦ ਕੀਤੀ ਜਾ ਰਹੀ ਹੈ।
