12.08C Vancouver 12.08C VancouverMar 24, 2023 8:03 PM - B.C. Government
ਜਿਵੇਂ ਸੂਬਾ ਕੰਮਪਲੈਕਸ-ਕੇਅਰ ਹਾਊਸਿੰਗ ਸਰਵਿਸਿਜ਼ (ਗੁੰਝਲਦਾਰ-ਸੰਭਾਲ ਵਾਲੀਆਂ ਰਿਹਾਇਸ਼ ਸੇਵਾਵਾਂ) ਨੂੰ ਖੇਤਰ ਵਿੱਚ ਸ਼ਾਮਲ ਕਰਦਾ ਹੈ, ਨਿਊ ਵੈਸਟਮਿੰਸਟਰ ਅਤੇ ਟ੍ਰਾਇ-ਸਿਟੀਜ਼ ਦੇ ਇਲਾਕੇ ਵਿੱਚ ਗੁੰਝਲਦਾਰ ਮਾਨਸਿਕ-ਸਿਹਤ ਅਤੇ ਨਸ਼ਾਖੋਰੀ ਦੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰ ਰਹੇ ਲੋਕਾਂ ਦੀ ਆਪਣੇ ਜੀਵਨ ਨੂੰ ਸਥਿਰ ਬਣਾਉਣ ਅਤੇ ਬੇਘਰੀ ਦੇ ਸਿਲਸਿਲੇ ਨੂੰ ਖਤਮ ਕਰਨ ਵਿੱਚ ਮਦਦ ਕਰਨ ਲਈ ਵਧੇਰੇ ਸਹਾਇਤਾਵਾਂ ਤੱਕ ਪਹੁੰਚ ਹੋਵੇਗੀ।
ਕੰਮਪਲੈਕਸ-ਕੇਅਰ ਹਾਊਸਿੰਗ ਉਹਨਾਂ ਲੋਕਾਂ ਨੂੰ ਸਵੈ-ਇੱਛਤ ਸੇਵਾਵਾਂ ਦਿੰਦੀ ਹੈ ਜੋ ਇੱਕੋ ਸਮੇਂ ‘ਤੇ ਮਾਨਸਿਕ-ਸਿਹਤ ਅਤੇ ਨਸ਼ਾਖੋਰੀ ਦੀਆਂ ਦੋਵੇਂ ਚੁਣੌਤੀਆਂ ਅਤੇ ਹੋਰ ਗੁੰਝਲਦਾਰ ਸਿਹਤ ਮੁੱਦਿਆਂ, ਜਿਵੇਂ ਕਿ ਦਿਮਾਗੀ ਸੱਟਾਂ ਦਾ ਸਾਹਮਣਾ ਕਰਦੇ ਹਨ। ਆਉਟਰੀਚ ਟੀਮਾਂ ਉਹਨਾਂ ਲੋਕਾਂ ਨਾਲ ਸੰਪਰਕ ਕਰਨਗੀਆਂ ਜੋ ਬੇਘਰੀ ਜਾਂ ਬੇਘਰ ਹੋਣ ਦੇ ਜੋਖਮ ਦਾ ਅਨੁਭਵ ਕਰ ਰਹੇ ਹਨ, ਅਤੇ ਉਹਨਾਂ ਨੂੰ ਅਜਿਹੀ ਰਿਹਾਇਸ਼ ਦੇਣ ਵਿੱਚ ਮਦਦ ਕਰਨਗੀਆਂ, ਜਿੱਥੇ ਉਹਨਾਂ ਨੂੰ ਲੋੜੀਂਦੀਆਂ ਸਹਾਇਤਾਵਾਂ ਮਿਲਣ।
"ਬੀ.ਸੀ. ਵਿੱਚ ਹਰ ਕੋਈ ਸੁਰੱਖਿਅਤ ਮਹਿਸੂਸ ਕਰਨ ਅਤੇ ਇੱਜ਼ਤ ਨਾਲ ਰਹਿਣ ਦਾ ਹੱਕਦਾਰ ਹੈ," ਮਾਨਸਿਕ ਸਿਹਤ ਅਤੇ ਨਸ਼ਾਖੋਰੀ ਮੰਤਰੀ ਜੈਨੀਫਰ ਵ੍ਹਾਈਟਸਾਈਡ ਨੇ ਕਿਹਾ। "ਕੰਮਪਲੈਕਸ-ਕੇਅਰ ਹਾਊਸਿੰਗ, ਰਿਹਾਇਸ਼ ਸੇਵਾਵਾਂ ਵਿੱਚ ਆਪਣੀ ਕਿਸਮ ਦੀ ਪਹਿਲੀ ਪਹੁੰਚ ਹੈ ਜੋ ਲੋਕਾਂ ਨੂੰ ਵਿਸਤ੍ਰਿਤ ਅਤੇ ਸੱਭਿਆਚਾਰਕ ਤੌਰ ‘ਤੇ ਸੁਰੱਖਿਅਤ ਸਹਾਇਤਾਵਾਂ ਦਿੰਦੀ ਹੈ, ਜਿਸ ਵਿੱਚ ਸਥਿਰਤਾ ਸਥਾਪਿਤ ਕਰਨ ਅਤੇ ਬੇਘਰ ਹੋਣ ਦੇ ਸਿਲਸਿਲੇ ਨੂੰ ਖਤਮ ਕਰਨ ਵਿੱਚ ਉਹਨਾਂ ਦੀ ਮਦਦ ਕਰਨ ਲਈ ਪ੍ਰਾਇਮਰੀ ਕੇਅਰ ਸ਼ਾਮਲ ਹੈ।"
ਨਿਊ ਵੈਸਟਮਿੰਸਟਰ, ਕੋਕੁਇਟਲਮ, ਪੋਰਟ ਕੋਕੁਇਟਲਮ, ਪੋਰਟ ਮੂਡੀ, ਐਨਮੋਰ ਅਤੇ ਬੈਲਕਾਰਾ ਵਿੱਚ ਮਾਰਚ 2023 ਵਿੱਚ ਸ਼ੁਰੂ ਕੀਤੀਆਂ ਗਈਆਂ ਕੰਮਪਲੈਕਸ-ਕੇਅਰ ਹਾਊਸਿੰਗ ਸੇਵਾਵਾਂ, 17 ਲੋਕਾਂ ਤੱਕ ਨੂੰ ਸੇਵਾਵਾਂ ਦੇਣਗੀਆਂ ਅਤੇ ਇਹ ਫਰੇਜ਼ਰ ਹੈਲਥ ਦੁਆਰਾ ਪ੍ਰਦਾਨ ਕੀਤੀਆਂ ਜਾਣਗੀਆਂ।
