29.82C Vancouver 29.82C VancouverSep 9, 2025 7:03 PM - Pervez Sandhu - Connect Newsroom
ਕਨੈਕਟ ਐਫ.ਐਮ. ਵੱਲੋਂ ਦੁੱਖਨਿਵਾਰਨ ਗੁਰਦਵਾਰਾ ਸਾਹਿਬ, ਗੁਰੂ ਨਾਨਕ ਫੂਡ ਬੈਂਕ ਅਤੇ ਸਾਂਝਾ ਟੀ.ਵੀ. ਨਾਲ ਮਿਲ ਕੇ ਸੋਮਵਾਰ ਨੂੰ ਪੰਜਾਬ 'ਚ ਹੜ੍ਹ ਪੀੜਤਾਂ ਲਈ ਇੱਕ ਰੇਡੀਓਥੌਨ ਦਾ ਪ੍ਰਬੰਧ ਕੀਤਾ ਗਿਆ।
ਇਸ ਦੌਰਾਨ ਸਰੀ ਅਤੇ ਆਲੇ ਦੁਆਲੇ ਦੇ ਇਲਾਕੇ ਤੋਂ ਇਲਾਵਾ ਕੈਲਗਰੀ ਅਤੇ ਐਡਮਿੰਟਨ ਤੋਂ ਸੰਗਤ ਨੇ ਦਿਲ ਖੋਲ੍ਹ ਕੇ ਦਾਨ ਕੀਤਾ।
ਸੋਮਵਾਰ ਨੂੰ ਰੇਡੀਓਥੌਨ 'ਚ ਇਕੱਤਰ ਹੋਈ ਰਾਸ਼ੀ ਦਾ ਰਨਨਿੰਗ ਟੋਟਲ ਸਾਡੇ ਸੱਤ ਲੱਖ ਡਾਲਰ ਦਾ ਰਿਹਾ।
ਰੇਡੀਓਥੌਨ ਤੋਂ ਇਕੱਤਰ ਹੋਈ ਰਾਸ਼ੀ ਨੂੰ ਪੰਜਾਬ 'ਚ ਖਡੂਰ ਸਾਹਿਬ ਵਿਖੇ ਪਦਮਸ਼੍ਰੀ ਪੁਰਸਕਾਰ ਨਾਲ ਸਨਮਾਨਿਤ ਸੰਤ ਸੇਵਾ ਸਿੰਘ ਕੋਲ ਪਹੁੰਚਾਇਆ ਜਾਵੇਗਾ, ਜੋ ਹੜ੍ਹ ਪੀੜਤਾਂ ਦੇ ਮੁੜ ਵਸੇਬੇ ਲਈ ਇਸ ਰਾਸ਼ੀ ਦੀ ਵਰਤੋਂ ਕਰਨਗੇ।
ਉਨ੍ਹਾਂ ਆਖਿਆ ਕਿ ਸਿੱਖ ਸੰਗਤ ਕਿਸੇ ਵੀ ਮੁਸੀਬਤ ਮੌਕੇ ਡਟ ਕੇ ਖੜਦੀ ਹੈ ਅਤੇ ਦਿਲ ਖੋਲ੍ਹ ਕੇ ਯੋਗਦਾਨ ਪਾਉਂਦੀ ਹੈ ਅਤੇ ਉਨ੍ਹਾਂ ਸੰਗਤ ਦਾ ਕੱਲ ਦੇ ਦਾਨ ਲਈ ਵੀ ਧੰਨਵਾਦ ਕੀਤਾ।
ਉੱਧਰ ਗਿਆਨੀ ਨਰਿੰਦਰ ਸਿੰਘ ਨੇ ਆਖਿਆ ਕਿ ਲੋਕਾਂ ਵੱਲੋਂ ਲਗਾਤਾਰ ਆ ਰਹੇ ਸਹਿਯੋਗ ਦੇ ਚਲਦੇ ਕਨੈਕਟ ਐਫ.ਐਮ. ਅਤੇ ਸਾਂਝਾ ਟੀ.ਵੀ. ਨਾਲ ਮਿਲ ਕੇ ਆਉਂਦੇ ਐਤਵਾਰ ਜਾਣੀ ਕਿ 14 ਸਿਤੰਬਰ ਨੂੰ ਸਰੀ 'ਚ ਗੁਰਦਵਾਰਾ ਦੁਖਨਿਵਾਰਨ ਸਾਹਿਬ ਵਿਖੇ ਫਿਰ ਤੋਂ ਔਨ ਲੋਕੇਸ਼ਨ ਕੀਤੀ ਜਾਵੇਗੀ ਅਤੇ ਉਸ ਦਿਨ ਵੀ ਸੰਗਤ ਕੋਲ ਪੰਜਾਬ ਹੜ੍ਹ ਪੀੜਤਾਂ ਲਈ ਆਪਣੀਆਂ ਡੋਨੇਸ਼ਨਸ ਨੂੰ ਜਾਰੀ ਰੱਖਣ ਦਾ ਮੌਕਾ ਹੋਵੇਗਾ।
ਸੋਮਵਾਰ ਨੂੰ ਕਨੈਕਟ ਐਫ.ਐਮ. ਦੇ ਦਫ਼ਤਰ ਬੱਚਿਆਂ ਤੋਂ ਬਜ਼ੁਰਗਾਂ ਤੱਕ ਹਰ ਉਮਰ ਦੇ ਲੋਕ ਇੱਕ ਪਾਸੇ ਡੋਨੇਸ਼ਨਸ ਲਈ ਅਤੇ ਦੂਜੇ ਪਾਸੇ ਵੋਲੰਟੀਅਰ ਕਰਨ ਲਈ ਪਹੁੰਚ ਰਹੇ ਸਨ।
ਇਸ ਦੌਰਾਨ ਪਹੁੰਚੀਆਂ ਸ਼ਖਸੀਅਤਾਂ 'ਚ ਬੀ.ਸੀ. ਦੇ ਪ੍ਰੀਮਿਅਰ ਡੇਵਿਡ ਇਬੀ, ਸਰੀ ਮੇਅਰ ਬ੍ਰੈਂਡਾ ਲੌਕ ਅਤੇ ਐਮ.ਪੀ. ਸੁੱਖ ਧਾਲੀਵਾਲ ਵੀ ਸ਼ਾਮਿਲ ਸਨ।
ਪ੍ਰੀਮਿਅਰ ਡੇਵਿਡ ਇਬੀ ਨੇ ਆਖਿਆ ਕਿ ਪੰਜਾਬ ਦੇ ਹਾਲਾਤਾਂ ਲਈ ਬੀ.ਸੀ. 'ਚ ਵਸਦੇ ਇੰਡੋ-ਕਨੇਡੀਅਨ ਮੂਲ ਦੇ ਲੋਕਾਂ ਦਾ ਦਰਦ ਅਤੇ ਭਾਵਨਾਵਾਂ ਉਹ ਵੀ ਮਹਿਸੂਸ ਕਰ ਰਹੇ ਹਨ।
ਕਨੈਕਟ ਐਫ.ਐਮ. ਦੀ ਮੈਨੇਜਮੈਂਟ ਅਤੇ ਟੀਮ ਨੇ ਰੇਡੀਓਥੌਨ 'ਚ ਸਹਿਯੋਗ ਲਈ ਸੰਗਤ ਅਤੇ ਵੋਲੰਟੀਅਰਸ ਦਾ ਧੰਨਵਾਦ ਕੀਤਾ।
