ਬੈਲਾ ਕੂਲਾ ਹਮਲੇ ਦੀ ਜਾਂਚ ਦੌਰਾਨ ਫੜੇ ਗਏ ਦੋ ਹੋਰ ਗ੍ਰੀਜ਼ਲੀ

ਬੀ.ਸੀ.ਸੰਭਾਲ ਅਧਿਕਾਰੀ ਨੇ ਬੈਲਾ ਕੂਲਾ ਵਿਚ ਪਿਛਲੇ ਦਿਨੀਂ ਸਕੂਲੀ ਬੱਚਿਆਂ ਅਤੇ ਅਧਿਆਪਕਾਂ ਦੇ ਇੱਕ ਗਰੁੱਪ 'ਤੇ ਹੋਏ ਰਿੱਛ ਦੇ ਹਮਲੇ ਦੀ ਜਾਂਚ ਦੇ ਸਬੰਧ ਵਿਚ ਦੋ ਹੋਰ ਗ੍ਰੀਜ਼ਲੀ ਨੂੰ ਕਾਬੂ ਕੀਤਾ ਹੈ। ਇਸ ਦਾ ਉਦੇਸ਼ ਇਹ ਪਤਾ ਲਗਾਉਣਾ ਹੈ ਕਿ ਕਿਹੜਾ ਗ੍ਰੀਜ਼ਲੀ ਉਸ ਦਿਨ ਹਮਲੇ ਵਿਚ ਸ਼ਾਮਲ ਸੀ। ਅਧਿਕਾਰੀਆਂ ਨੇ ਕਿਹਾ ਕਿ ਪਿਛਲੇ ਹਫ਼ਤੇ ਹੋਏ ਹਮਲੇ ਦੇ ਫੋਰੈਂਸਿਕ ਸਬੂਤਾਂ ਦਾ ਵਿਸ਼ਲੇਸ਼ਣ ਕੀਤਾ ਜਾ ਰਿਹਾ ਹੈ।

ਕੰਜ਼ਰਵੇਸ਼ਨ ਔਫੀਸਰ ਸਰਵਿਸ ਨੇ ਕਿਹਾ ਕਿ ਥਰਮਲ ਕੈਮਰੇ ਨਾਲ ਲੈਸ ਡਰੋਨਾਂ ਦੀ ਵਰਤੋਂ ਇਸ ਹਮਲੇ ਵਿਚ ਸ਼ਾਮਲ ਮੰਨੇ ਜਾਣ ਵਾਲੇ ਕਿਸੇ ਵੀ ਗ੍ਰੀਜ਼ਲੀ ਦਾ ਪਤਾ ਲਗਾਉਣ ਲਈ ਕੀਤੀ ਜਾ ਰਹੀ ਹੈ,ਜਿਸ ਨੇ ਤਿੰਨ ਬੱਚਿਆਂ ਅਤੇ ਇੱਕ ਟੀਚਰ ਨੂੰ ਗੰਭੀਰ ਰੂਪ ਵਿਚ ਜ਼ਖਮੀ ਕਰ ਦਿੱਤਾ ਸੀ।

ਇਹ ਹਮਲਾ 20 ਨਵੰਬਰ ਨੂੰ ਹੋਇਆ ਸੀ,ਉਸ ਦਿਨ ਬੈਲਾ ਕੂਲਾ ਕਮਿਊਨਿਟੀ ਦੇ ਇੱਕ ਲੋਕਲ ਸਕੂਲ ਦੇ ਗ੍ਰੇਡ 4 ਅਤੇ 5 ਦੇ ਲਗਭਗ 20 ਸਟੂਡੈਂਟਸ ਅਤੇ ਟੀਚਰਜ਼ ਦਾ ਇੱਕ ਗਰੁੱਪ ਫੀਲਡ ਟ੍ਰਿਪ 'ਤੇ ਸੀ। ਇਸ ਘਟਨਾ ਦੇ ਸਬੰਧ ਵਿਚ ਇੱਕ ਗ੍ਰੀਜ਼ਲੀ ਮਾਦਾ ਅਤੇ ਉਸ ਦੇ ਦੋ ਬੱਚਿਆਂ ਦੀ ਭਾਲ ਦੌਰਾਨ ਬੀਤੇ ਦਿਨ ਦੋ ਰਿੱਛ ਫੜੇ ਗਏ ਸਨ ਪਰ ਜਾਂਚ ਵਿਚ ਪਾਇਆ ਗਿਆ ਕਿ ਉਨ੍ਹਾਂ ਵਿਚੋਂ ਕੋਈ ਵੀ ਹਮਲੇ ਵਿਚ ਸ਼ਾਮਲ ਨਹੀਂ ਸੀ।