9.04C Vancouver 9.04C VancouverOct 27, 2021 9:34 PM - The Canadian Press
ਅੱਜ ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੇ ਵੈਕਸੀਨ ਮੈਂਡੇਟ 'ਤੇ ਗੱਲ ਕੀਤੀ ਹੈ।
ਤਿੱਖੀ ਟਿੱਪਣੀ ਕਰਦਿਆਂ ਆਪਣੀ ਗੱਲਬਾਤ ਦੀ ਸ਼ੁਰੂਆਤ 'ਚ ਹੀ ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਟਰੂਡੋ ਨੂੰ ਸ਼ਰਮ ਆਉਣੀ ਚਾਹੀਦੀ ਹੈ ਕਿ ਉਨ੍ਹਾਂ ਪੈਂਡੈਮਿਕ ਨੂੰ ਚੋਣਾਂ ਦਾ ਮੁੱਦਾ ਬਣਾਇਆ।
ਉਨ੍ਹਾਂ ਕਿਹਾ ਕਿ ਟਰੂਡੋ ਦੇ ਵਿਪਰੀਤ ਕੰਜ਼ਰਵੇਟਿਵਸ ਨੇ ਚੋਣ ਪ੍ਰਚਾਰ ਦੌਰਾਨ ਸਾਰੇ ਹੈਲਥ ਗਾਈਡੈਂਸ ਦੀ ਪਾਲਣਾ ਕੀਤੀ।
ਐਰਿਨ ਓ'ਟੂਲ ਨੇ ਇਹ ਵੀ ਦੱਸਿਆ ਕਿ ਜਿਵੇਂ ਕਿ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ ਕਿ ਪਾਰਲੀਅਮੈਂਟ 'ਚ ਜਾਂਦੇ ਸਾਰੇ ਐਮ.ਪੀ. ਵੈਕਸੀਨੇਟਿਡ ਹੋਣੇ ਚਾਹੀਦੇ ਹਨ, ਉਸੇ ਅਨੁਸਾਰ ਕੰਜ਼ਰਵੇਟਿਵ ਕੌਕਸ ਦੇ ਸਾਰੇ ਐਮ.ਪੀ. ਆਪਣੇ ਵੈਕਸੀਨ ਸ਼ੌਟ ਹਾਸਿਲ ਕਰਨ ਦਾ ਪ੍ਰਮਾਣ ਪੇਸ਼ ਕਰਨਗੇ।
ਉਨ੍ਹਾਂ ਕਿਹਾ ਕਿ ਇਸ ਦੇ ਬਾਵਜੂਦ ਕੰਜ਼ਰਵੇਟਿਵ ਪਾਰਟੀ ਵੱਲੋਂ ਪ੍ਰੀਵਲੇਜ ਦਾ ਮਸਲਾ ਚੁੱਕਿਆ ਜਾਵੇਗਾ ਜੋ ਕਿ ਬੋਰਡ ਆਫ ਇਕਾਨਮੀ ਦੀ 19 ਅਕਤੂਬਰ ਦੀ ਬੈਠਕ ਨਾਲ ਸੰਬੰਧਤ ਹੋਵੇਗਾ।
ਉਨ੍ਹਾਂ ਇਹ ਵੀ ਕਿਹਾ ਕਿ ਉਹ ਖੁਦ ਅਤੇ ਉਨ੍ਹਾਂ ਦੀ ਪਾਰਟੀ ਵੈਕਸੀਨ ਦਾ ਸਮਰਥਨ ਕਰਦੀ ਹੈ ਅਤੇ ਲੋਕਾਂ ਨੂੰ ਵੈਕਸੀਨ ਹਾਸਿਲ ਕਰਨ ਲਈ ਉਤਸ਼ਾਹਿਤ ਕਰਦੀ ਹੈ।
