17.5C Vancouver 17.5C VancouverSep 16, 2020 10:28 PM -
ਫੈਡਰਲ ਕੰਜ਼ਰਵੇਟਿਵ ਲੀਡਰ, ਐਰਿਨ ਓ'ਟੂਲ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਪਰਿਵਾਰ ਅਤੇ ਕੁਝ ਪਾਰਟੀ ਵਰਕਰ ਸੈਲਫ ਆਈਸੋਲੇਟ ਕਰ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਇੱਕ ਪਾਰਟੀ ਵਰਕਰ ਕੋਵਿਡ-19 ਤੋਂ ਪੀੜਤ ਪਾਇਆ ਗਿਆ ਹੈ।
ਪਾਰਟੀ ਵੱਲੋਂ ਜਾਰੀ ਇੱਕ ਬਿਆਨ 'ਚ ਦੱਸਿਆ ਗਿਆ ਹੈ ਕਿ ਓ'ਟੂਲ ਪਰਿਵਾਰ ਨੂੰ ਫ਼ਿਲਹਾਲ ਵਾਇਰਸ ਸੰਬੰਧੀ ਕੋਈ ਲੱਛਣ ਨਹੀਂ ਹਨ, ਪਰ ਸਾਵਧਾਨੀ ਵਰਤਦੇ ਹੋਏ ਟੈਸਟ ਕਰਵਾਏ ਜਾ ਰਹੇ ਹਨ ਅਤੇ ਵਿਰੋਧੀ ਧਿਰ ਦੇ ਲੀਡਰ ਦੇ ਸੰਪਰਕ 'ਚ ਆਏ ਲੋਕਾਂ ਦੇ ਵੇਰਵੇ ਸਾਂਝੇ ਕੀਤੇ ਜਾ ਰਹੇ ਹਨ।
ਐਰਿਨ ਓ'ਟੂਲ ਨੇ ਅੱਜ ਐਲਬਰਟਾ ਦਾ ਦੌਰਾ ਕਰਨਾ ਸੀ।
ਉਨ੍ਹਾਂ ਕਿਊਬੈਕ ਦੇ ਪ੍ਰੀਮਿਅਰ ਫ੍ਰਾਂਸੂਆ ਲੈਗੌਲਟ ਨਾਲ ਵੀ ਮੁਲਾਕਾਤ ਕੀਤੀ ਸੀ।
ਕੰਜ਼ਰਵੇਟਿਵਸ ਦਾ ਕਹਿਣਾ ਹੈ ਕਿ ਪੀੜਤ ਪਾਇਆ ਗਿਆ ਸਟਾਫ਼ਰ ਓ'ਟੂਲ ਨਾਲ ਯਾਤਰਾ ਕਰਦਾ ਰਿਹਾ ਹੈ।
ਯਾਦ ਰਹੇ ਬਲੌਕ ਕਿਊਬੈਕੁਆ ਲੀਡਰ ਈਵ ਫ੍ਰਾਂਸੂਆ ਬਲਾਨਸ਼ੇ ਵੀ ਸੈਲਫ-ਆਈਸੋਲੇਸ਼ਨ 'ਚ ਹਨ, ਅਤੇ ਉਨ੍ਹਾਂ ਦੀ ਪਤਨੀ ਨੂੰ ਵਾਇਰਸ ਤੋਂ ਪੀੜਤ ਪਾਇਆ ਗਿਆ ਹੈ।
