19.17C Vancouver 19.17C VancouverJan 5, 2022 11:34 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਫਿਰ ਤੋਂ ਭਰੋਸਾ ਦਵਾਇਆ ਹੈ ਕਿ ਦੇਸ਼ ਵਿੱਚ ਕੋਵਿਡ-19 ਸੰਬੰਧੀ ਵੈਕਸੀਨ ਖੁਰਾਕਾਂ ਦੀ ਇੰਨੀ ਕੁ ਗਿਣਤੀ ਉਪਲਬਧ ਹੈ ਕਿ ਸਾਰੇ ਦੇਸ਼ਵਾਸੀਆਂ ਨੂੰ ਬੂਸਟਰ ਖੁਰਾਕਾਂ ਹਾਸਿਲ ਹੋ ਸਕਣ।
ਸਾਲ 2022 ਦੀ ਪਹਿਲੀ ਕੋਵਿਡ ਅਪਡੇਟ ਦੌਰਾਨ ਟਰੂਡੋ ਨੇ ਇੱਕ ਵਾਰ ਫਿਰ ਤੋਂ ਲੋਕਾਂ ਨੂੰ ਵੈਕਸੀਨ ਹਾਸਿਲ ਕਰਨ ਲਈ ਉਤਸ਼ਾਹਤ ਕੀਤਾ।
ਟਰੂਡੋ ਨੇ ਇਹ ਵੀ ਕਿਹਾ ਕਿ ਦੇਸ਼ 'ਚ ਜਾਰੀ ਮੌਜੂਦਾ ਵੇਵ ਦੌਰਾਨ, ਰੈਪਿਡ ਟੈਸਟਿੰਗ ਇੱਕ ਅਹਿਮ ਹਿੱਸਾ ਰਹਿਣ ਵਾਲਾ ਹੈ।
ਉਨ੍ਹਾਂ ਐਲਾਨ ਕੀਤਾ ਕਿ ਇਸ ਮਹੀਨੇ ਦੇਸ਼ ਦੇ ਸੂਬਿਆਂ ਨੂੰ 140 ਮਿਲੀਅਨ ਰੈਪਿਡ ਟੈਸਟ ਕਿਟ ਪ੍ਰਦਾਨ ਕੀਤੇ ਜਾ ਰਹੇ ਹਨ।
ਹਾਲਾਂਕਿ ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੇ ਫੈਡਰਲ ਸਰਕਾਰ ਦੀ ਕਾਰਗੁਜਾਰੀ 'ਤੇ ਸਵਾਲ ਚੁੱਕੇ ਹਨ।
ਉਨ੍ਹਾਂ ਕਿਹਾ ਕਿ ਇਸ ਮਹੀਨੇ ਵੰਢੇ ਜਾ ਰਹੇ ਰੈਪਿਡ ਟੈਸਟ ਕਿਟ ਦੇਰੀ ਨਾਲ ਲਿਆ ਗਿਆ ਫੈਸਲਾ ਹੈ।
ਉਨ੍ਹਾਂ ਇਹ ਵੀ ਕਿਹਾ ਕਿ ਟਰੂਡੋ ਸਰਕਾਰ ਵਪਾਰਾਂ ਨੂੰ ਫਾਈਨੈਂਸ਼ੀਅਲ ਸੱਪੋਰਟ ਪੈਕੇਜਿਸ ਦੇ ਕੇ ਲੌਕਡਾਊਨਸ ਨੂੰ ਇੰਸੈਂਟੀਵਾਈਜ਼ ਕਰ ਰਹੀ ਹੈ।
