15.94C Vancouver 15.94C VancouverNov 28, 2024 5:58 PM - Connect Newsroom
ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਦੀ ਪਾਰਟੀ ਲਿਬਰਲ ਸਰਕਾਰ ਦੇ ਪ੍ਰਸਤਾਵਿਤ ਜੀ.ਐੱਸ.ਟੀ. ਛੋਟ ਦੇ ਬਿੱਲ ਖਿਲਾਫ ਵੋਟ ਕਰੇਗੀ। ਪੌਲੀਐਵ ਨੇ ਇਸ ਨੂੰ ਗੈਰ-ਜ਼ਿੰਮੇਵਾਰਾਨਾ ਅਤੇ ਮਹਿੰਗਾਈਵਾਦੀ ਕਰਾਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਇਹ ਕੋਈ ਟੈਕਸ ਕਟੌਤੀ ਨਹੀਂ ਹੈ ਬਲਿਕ ਇਹ ਇੱਕ ਮਹਿੰਗਾਈ ਨੂੰ ਵਧਾਉਣ ਵਾਲਾ ਕਦਮ ਹੈ, ਜੋ ਦੋ ਮਹੀਨਿਆਂ ਲਈ ਸਿਰਫ ਇੱਕ ਟ੍ਰਿਕ ਵਰਤੀ ਗਈ ਹੈ।
ਪੌਲੀਐਵ ਨੇ ਕਿਹਾ ਕਿ ਸਾਨੂੰ ਸਹੀ ਮਾਈਨੇ ਵਿਚ ਟੈਕਸ ਰਿਲੀਫ ਦੀ ਜ਼ਰੂਰਤ ਹੈ, ਜਿਸ ਨਾਲ ਅਰਥਵਿਵਸਥਾ ਨੂੰ ਕੈਸ਼ ਨਾਲ ਖਰੀਦੀਆਂ ਜਾਣ ਵਾਲੀਆਂ ਚੀਜ਼ਾਂ ਦਾ ਵੱਧ ਤੋਂ ਵੱਧ ਉਤਪਾਦਨ ਕਰਨ ਲਈ ਬੂਸਟ ਮਿਲੇ।
ਗੌਰਤਲਬ ਹੈ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅਗਲੇ ਮਹੀਨੇ ਤੋਂ ਜੀ.ਐੱਸ.ਟੀ. ਵਿਚ ਦੋ ਮਹੀਨਿਆਂ ਲਈ ਛੋਟ ਦਾ ਵਾਅਦਾ ਕੀਤਾ ਹੈ। ਇਸ ਬਿੱਲ ’ਤੇ ਅੱਜ ਵੋਟਿੰਗ ਹੋਵੇਗੀ।
ਹਾਲਾਂਕਿ, ਐੱਨ.ਡੀ.ਪੀ. ਦੀ ਸਪੋਰਟ ਨਾਲ ਇਹ ਬਿੱਲ ਪਾਸ ਹੋਣ ਦੀ ਉਮੀਦ ਹੈ ਪਰ ਇਸ ਵਿਚ ਫਿਲਹਾਲ 250 ਡਾਲਰ ਦੀ ਰਿਬੇਟ ਨੂੰ ਸ਼ਾਮਲ ਨਹੀਂ ਕੀਤਾ ਜਾ ਰਿਹਾ।
