17.56C Vancouver 17.56C VancouverApr 27, 2022 9:56 PM - The Canadian Press
ਵਿਰੋਧੀ ਧਿਰ ਕੰਜ਼ਰਵੇਟਿਵਸ ਨੇ ਆਰ.ਸੀ.ਐਮ.ਪੀ. ਨੂੰ ਮੰਗ ਕੀਤੀ ਹੈ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਕਰੀਬ 6 ਸਾਲ ਪਹਿਲਾਂ ਦੇ ਇੱਕ ਟ੍ਰਿਪ ਦੀ ਕ੍ਰਿਮੀਨਲ ਇਨਵੈਸਟੀਗੇਸ਼ਨ ਕੀਤੀ ਜਾਵੇ।
ਮਾਮਲਾ ਸਾਲ 2016 ਦਾ ਹੈ।
ਉਸ ਸਮੇਂ ਜਸਟਿਨ ਟਰੂਡੋ ਨੇ ਆਗਾ ਖਾਨ ਦੇ ਪ੍ਰਾਈਵੇਟ ਆਈਲੈਂਡ ਦਾ ਦੌਰਾ ਕੀਤਾ ਸੀ।
ਹੁਣ ਕੰਜ਼ਰਵੇਟਿਵਸ ਦਾ ਕਹਿਣਾ ਹੈ ਕਿ ਇਸ ਮਾਮਲੇ 'ਚ ਨਵੇਂ ਤੱਥ ਸਾਹਮਣੇ ਆਏ ਹਨ। ਦਰਅਸਲ ਕੰਜ਼ਰਵੇਟਿਵ ਪਾਰਟੀ ਨੇ ਟਰੂਡੋ ਦੇ ਬਹਾਮੀਅਨ ਵਕੇਸ਼ਨ 'ਤੇ ਸਵਾਲ ਚੁੱਕੇ ਹਨ।
ਇਸ ਦੌਰੇ 'ਤੇ ਟਰੂਡੋ ਨੇ ਆਪਣੇ ਪਰਿਵਾਰ ਦੇ ਨਾਲ ਪਹੁੰਚ ਕੀਤੀ ਸੀ।
ਕੰਜ਼ਰਵੇਟਿਵ ਪਾਰਟੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਲ 'ਐਕਸੈਸ ਟੁ ਇਨਫਰਮੇਸ਼ਨ' ਦੀ ਬੇਨਤੀ 'ਤੇ ਨਵੀਂ ਜਾਣਕਾਰੀ ਪਹੁੰਚੀ ਹੈ।
ਪਾਰਟੀ ਦਾ ਕਹਿਣਾ ਹੈ ਕਿ ਫੋਰਸ ਨੇ ਟਰੂਡੋ 'ਤੇ ਫਰੌਡ ਦੇ ਮਾਮਲੇ 'ਚ ਜਾਂਚ 'ਤੇ ਵਿਚਾਰ ਕੀਤਾ ਸੀ।
ਇਸ ਟ੍ਰਿਪ ਬਾਰੇ ਫੈਡਰਲ ਐਥਿਕਸ ਕਮਿਸ਼ਨਰ ਨੇ ਵੀ ਜਾਂਚ ਕੀਤੀ ਸੀ ਅਤੇ ਸਾਲ 2017 'ਚ ਆਖਿਆ ਸੀ ਕਿ ਟਰੂਡੋ ਦੀ ਤੋਹਫਾ ਕਬੂਲ ਕਰਨ ਦੀ ਹਰਕਤ ਨਾਲ 'ਕੰਫਲਿਕਟ ਆਫ ਇੰਟ੍ਰਸਟ ਰੂਲਸ' ਦੀ ਅਣਦੇਖੀ ਹੋਈ ਸੀ।
ਇਸ ਦੀ ਬੁਨਿਆਦ ਦੱਸੀ ਗਈ ਸੀ ਕਿ ਆਗਾ ਖਾਨ ਨੇ ਅਜਿਹੀ ਚੈਰਿਟੀ ਸਥਾਪਿਤ ਕੀਤੀ ਸੀ ਜਿਸ ਨੂੰ ਫੈਡਰਲ ਪੈਸਾ ਹਾਸਿਲ ਹੋਇਆ ਸੀ।
ਕੰਜ਼ਰਵੇਟਿਵ ਪਾਰਟੀ ਦੀ ਅੰਤਰਿਮ ਲੀਡਰ, ਕੈਂਡਿਸ ਬਰਗਨ ਨੇ ਲਗਾਤਾਰ ਸਵਾਲ ਕੀਤੇ ਹਨ ਕਿ ਪ੍ਰਧਾਨ ਮੰਤਰੀ ਸਪਸ਼ਟ ਕਰਨ ਕਿ ਉਨ੍ਹਾਂ ਨੇ ਬਤੌਰ ਪ੍ਰਧਾਨ ਮੰਤਰੀ ਖੁਦ ਨੂੰ ਤੋਹਫਾ ਕਬੂਲ ਕਰਨ ਦੀ ਅਥਾਰਿਟੀ ਦੇ ਦਿੱਤੀ ਸੀ।
ਉਨ੍ਹਾਂ ਮੰਗਲਵਾਰ ਨੂੰ ਵੀ ਕਿਹਾ ਸੀ ਕਿ, ਬਚਕਾਨਾ ਲੱਗੇਗਾ ਪਰ ਸੱਚ ਹੈ ਕਿ ਪ੍ਰਧਾਨ ਮੰਤਰੀ ਵੱਲੋਂ ਇਸ ਮਾਮਲੇ 'ਚ ਖੁਦ ਲਈ ਇੱਕ ਨੋਟ ਲਿਖਿਆ ਜਾ ਸਕਦਾ ਸੀ ਅਤੇ ਖੁਦ ਨੂੰ ਛੁੱਟੀ ਦੀ ਇਜਾਜਤ ਦਿੱਤੀ ਜਾ ਸਕਦੀ ਸੀ।
ਉਨ੍ਹਾਂ ਪੁੱਛਿਆ ਕੀ ਪ੍ਰਧਾਨ ਮੰਤਰੀ ਨੇ ਖੁਦ ਲਈ ਅਜਿਹਾ ਕੋਈ ਨੋਟ ਲਿਖਿਆ ਸੀ।
ਉਨ੍ਹਾਂ ਦੇ ਸਵਾਲ ਇਸ ਮਸਲੇ 'ਤੇ ਨਿਰਧਾਰਿਤ ਹਨ ਕਿ ਕ੍ਰਿਮੀਨਲ ਕੋਡ ਪ੍ਰੋਵੀਜਨ ਤਹਿਤ ਸਰਕਾਰੀ ਅਧਿਕਾਰੀ, ਸਰਕਾਰ ਨਾਲ ਡੀਲ ਕਰਨ ਵਾਲੇ ਲੋਕਾਂ ਤੋਂ ਤੋਹਫੇ ਕਬੂਲ ਨਹੀਂ ਕਰ ਸਕਦੇ ਜਦ ਤਕ ਕਿ ਉਨ੍ਹਾਂ ਕੋਲ ਅਜਿਹਾ ਕਰਨ ਦੀ ਸਰਕਾਰੀ ਬਰਾਂਚ ਦੇ ਮੁਖੀ ਦੀ ਇਜਾਜਤ ਨਾ ਹੋਵੇ।
ਕੈਂਡਿਸ ਬਰਗਨ ਨੇ ਆਖਿਆ ਹੈ ਕਿ ਟਰੂਡੋ ਨੇ ਮੰਗਲਵਾਰ ਨੂੰ ਹਾਊਸ ਆਫ ਕਾਮਨਜ਼ ਵਿੱਚ ਪੁਸ਼ਟੀ ਕੀਤੀ ਕਿ ਉਨ੍ਹਾਂ ਨੇ ਖੁਦ ਲਈ ਕੋਈ ਨ ਨਹੀਂ ਲਿਖਿਆ ਸੀ ਅਤੇ ਇਹ ਵੀ ਇੱਕ ਨਵਾਂ ਸਬੂਤ ਹੈ ਅਤੇ ਇਸ ਦੀ ਆਰ.ਸੀ.ਐਮ.ਪੀ. ਨੂੰ ਜਾਂਚ ਕਰਨੀ ਚਾਹੀਦੀ ਹੈ।
