14.24C Vancouver 14.24C VancouverFeb 3, 2022 2:13 AM - The Canadian Press
ਮੈਨੀਟੋਬਾ ਦੀ ਐਮ.ਪੀ. ਕੈਂਡਿਸ ਬਰਗਨ ਨੂੰ ਕੰਜ਼ਰਵੇਟਿਵ ਪਾਰਟੀ ਆਫ ਕੈਨੇਡਾ ਦਾ ਅੰਤਰਿਮ ਲੀਡਰ ਚੁਣ ਲਿਆ ਗਿਆ ਹੈ।
ਕੰਜ਼ਰਵੇਟਿਵ ਐਮ.ਪੀ.'ਸ ਨੇ ਇੱਕ ਸਿਕਰੇਟ ਬੈਲਟ 'ਚ ਬਰਗਨ ਦੀ ਅੰਤਰਿਮ ਲੀਡਰ ਵਜੋਂ ਚੋਣ ਕੀਤੀ ਹੈ।
ਇਹ ਫੈਸਲਾ ਉਸ ਵੇਲੇ ਲਿਆ ਗਿਆ ਹੈ, ਜਦ ਪਾਰਟੀ ਦੇ ਲੀਡਰ ਐਰਿਨ ਓ'ਟੂਲ ਅੱਜ ਆਪਣੀ ਲੀਡਰਸ਼ਿਪ ਜਾਰੀ ਰੱਖਣ ਲਈ ਜਰੂਰੀ ਸਹਿਯੋਗ ਹਾਸਿਲ ਨਹੀਂ ਕਰ ਸਕੇ।
118 ਮੈਂਬਰ ਪਾਰਲੀਅਮੈਂਟਸ ਵਿੱਚੋਂ 73 ਨੇ ਐਰਿਨ ਓ'ਟੂਲ ਨੂੰ ਲੀਡਰਸ਼ਿਪ ਤੋਂ ਹਟਾਏ ਜਾਣ ਦੇ ਪੱਖ 'ਚ ਵੋਟ ਕੀਤਾ।
ਕੈਂਡਿਸ ਬਰਗਨ ਇਸ ਅਹੁਦੇ ਨੂੰ ਉਸ ਵੇਲੇ ਤਕ ਸੰਭਾਲੇਗੀ ਜਦ ਤਕ ਕਿ ਪਾਰਟੀ ਨਵੇਂ ਲੀਡਰ ਦੀ ਚੋਣ ਨਹੀਂ ਕਰ ਲੈਂਦੀ।
ਸਾਲ 2015 'ਚ ਕੰਜ਼ਰਵੇਟਿਵ ਪਾਰਟੀ ਨੂੰ ਮਿਲੀ ਹਰ ਤੋਂ ਬਾਅਦ ਸਟੀਫਨ ਹਾਰਪਰ ਦੇ ਹਟਣ ਤੋਂ ਬਾਅਦ ਇਹ ਤੀਜਾ ਮੌਕਾ ਹੋਵੇਗਾ ਜਦ ਕੰਜ਼ਰਵੇਟਿਵ ਪਾਰਟੀ ਨਵੇਂ ਲੀਡਰ ਦੀ ਭਾਲ ਕਰੇਗੀ।
ਹਾਲਾਂਕਿ ਪਾਰਟੀ ਲੀਡਰਸ਼ਿਪ ਦੇ ਦਾਵੇਦਾਰਾਂ 'ਚ ਪੀਅਰ ਪੌਲੀਐਵਰ, ਲੈਜ਼ਲਿਨ ਲੁਇਸ, ਮਾਈਕਲ ਚੌਂਗ, ਕੈਂਡਿਸ ਬਰਗਨ ਅਤੇ ਮਿਸ਼ੈਲ ਰੈਂਪਲ ਗਾਰਨਰ ਜਿਹੇ ਲੀਡਰਾਂ ਦਾ ਚਰਚਾ ਸ਼ੁਰੂ ਹੋ ਗਿਆ ਹੈ।
