7.95C Vancouver 7.95C VancouverJun 7, 2022 7:07 PM - The Canadian Press
ਅੱਜ ਫੈਡਰਲ ਕੰਜ਼ਰਵੇਟਿਵਸ ਅਤੇ ਨਿਊ ਡੈਮੋਕ੍ਰੈਟਸ ਵੱਲੋਂ ਲਿਬਰਲ ਸਰਕਾਰ 'ਤੇ ਜ਼ੋਰਦਾਰ ਢੰਗ ਨਾਲ 'ਕੌਸਟ ਆਫ ਲਿਵਿੰਗ' ਸੰਕਟ ਨਾਲ ਨਜਿੱਠਣ ਲਈ ਦਬਾਅ ਬਣਾਇਆ ਗਿਆ ਹੈ।
ਹਾਲਾਂਕਿ ਦੋਵਾਂ ਪਾਰਟੀਆਂ ਵੱਲੋਂ ਵੱਖੋ-ਵੱਖਰੇ ਤਰਕ ਪੇਸ਼ ਕੀਤੇ ਗਏ ਕਿ ਲਿਬਰਲਸ ਨੂੰ ਇਸ ਸੰਕਟ ਨਾਲ ਨਜਿੱਠਣ ਲਈ ਆਖਿਰ ਕਰਨਾ ਕੀ ਚਾਹੀਦਾ ਹੈ।
ਕੰਜ਼ਰਵੇਟਿਵਸ ਦੀ ਅੰਤਰਿਮ ਲੀਡਰ, ਕੈਂਡਿਸ ਬਰਗਨ ਨੇ ਕਿਹਾ ਕਿ, ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਉਨ੍ਹਾਂ ਦੀ ਪਾਰਟੀ ਵੱਲੋਂ ਸੁਝਾਏ ਗਏ ਇੰਫਲੇਸ਼ਨ ਨਾਲ ਨਜਿੱਠਣ ਦੇ ਢੰਗ ਪ੍ਰਤੀ ਕੁੜੱਤਣ ਰੱਖਦੇ ਹਨ।
ਉਨ੍ਹਾਂ ਕਿਹਾ ਕਿ ਕੰਜ਼ਰਵੇਟਿਵਸ ਨੂੰ ਪ੍ਰੇਸ਼ਾਨ ਕਰਨ ਦੀ ਕੋਸ਼ਿਸ਼ ਕਰਦੇ ਪ੍ਰਧਾਨ ਮੰਤਰੀ ਅਸਲ 'ਚ ਕਨੇਡੀਅਨ ਲੋਕਾਂ ਨੂੰ ਪ੍ਰੇਸ਼ਾਨ ਕਰ ਰਹੇ ਹਨ।
ਪਾਰਟੀ ਵੱਲੋਂ ਹਾਊਸ ਆਫ ਕਾਮਨਜ਼ 'ਚ ਇੱਕ ਮਤਾ ਪੇਸ਼ ਕੀਤਾ ਗਿਆ ਹੈ ਜਿਸ ਨੂੰ ਬਰਗਨ ਨੇ 'ਓਮਨੀਬਸ ਮੋਸ਼ਨ' ਦਾ ਨਾਮ ਦਿੱਤਾ ਹੈ।
ਇਸ 'ਚ ਟਰੂਡੋ ਸਰਕਾਰ ਤੋਂ ਮੰਗ ਕੀਤੀ ਗਈ ਹੈ ਕਿ ਟੈਂਪਰੇਰੀ ਪੱਧਰ 'ਤੇ ਗੈਸ ਅਤੇ ਡੀਜਲ ਤੋਂ ਜੀ.ਐਸ.ਟੀ. ਹਟਾਈ ਜਾਵੇ।
ਇਸ ਦੇ ਨਾਲ ਹੀ ਉਨ੍ਹਾਂ ਮੰਗ ਕੀਤੀ ਹੈ ਕਿ ਕਾਰਬਨ ਟੈਕਸ ਵੀ ਹਟਾਇਆ ਜਾਵੇ ਅਤੇ ਕੋਵਿਡ-19 ਸੰਬੰਧੀ ਪਬੰਦੀਆਂ ਹਟਾਈਆਂ ਜਾਣ।
ਉੱਧਰ ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਦਾ ਕਹਿਣਾ ਹੈ ਕਿ ਸੰਕਟ ਮੌਕੇ ਲਾਭ ਲੈਂਦੀਆਂ ਕੌਰਪੋਰੇਸ਼ਨਸ 'ਤੇ ਸਖਤ ਐਕਸ਼ਨ ਲੈਣੇ ਚਾਹੀਦੇ ਹਨ ਅਤੇ ਉਨ੍ਹਾਂ ਦੇ ਵੱਡੇ ਮੁਨਾਫਿਆਂ ਨੂੰ ਵਾਪਿਸ ਕਨੇਡੀਅਨ ਲੋਕਾਂ ਤਕ ਪਹੁੰਚਾਉਣ ਦੇ ਢੰਗ ਅਪਨਾਉਣੇ ਚਾਹੀਦੇ ਹਨ।
