14.56C Vancouver 14.56C VancouverApr 25, 2024 6:02 PM - The Canadian Press
ਫੈਡਰਲ ਕੰਜ਼ਰਵੇਟਿਵ ਅਤੇ ਨਿਊ ਡੈਮੋਕਰੇਟਸ ਓਟਵਾ ਤੋਂ ਇਹ ਭਰੋਸਾ ਮੰਗ ਕੀਤੀ ਜਾ ਰਹੀ ਹੈ ਕਿ ਨਵੇਂ ਇਲੈਕਟ੍ਰਿਕ-ਵਹੀਕਲ ਪਲਾਂਟਾਂ ਵਿੱਚ ਸਥਾਨਕ ਨੌਕਰੀਆਂ ਦੀ ਸੁਰੱਖਿਆ ਕੀਤੀ ਜਾਵੇਗੀ। ਇਸ ਦੇ ਨਾਲ ਹੀ ਕੈਨੇਡਾ ਦੀ ਮੁੱਖ ਵਿਰੋਧੀ ਧਿਰ ਕੰਜ਼ਰਵੇਟਿਵ ਅਤੇ ਐੱਨ.ਡੀ.ਪੀ. ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਇਹ ਸਪੱਸ਼ਟ ਕਰਨ ਲਈ ਕਿਹਾ ਹੈ ਕਿ ਹੌਂਡਾਂ ਦੇ ਨਵੇਂ ਇਲੈਕਟ੍ਰਿਕ ਵਹੀਕਲ ਪਲਾਂਟਸ ਵਿਚ ਸਥਾਨਕ ਲੋਕਾਂ ਨੂੰ ਹੀ ਨੌਕਰੀ ਦਿੱਤੀ ਜਾਵੇਗੀ।
ਇਹ ਸਵਾਲ ਇਸ ਲਈ ਉੱਠੇ ਹਨ ਕਿਉਂਕਿ ਕੈਨੇਡਾ ਦੀ ਬਿਲਡਿੰਗ ਟਰੇਡ ਯੂਨੀਅਨ ਦਾ ਕਹਿਣਾ ਹੈ ਕਿ ਵਿੰਡਸਰ ਦੇ ਨੈਕਸਟਸਟਾਰ ਬੈਟਰੀ ਪਲਾਂਟ ਵਿਚ ਕੈਨੇਡੀਅਨ ਵਰਕਰ ਨੂੰ ਦਰਕਿਨਾਰ ਕਰਦੇ ਹੋਏ ਵਿਦੇਸ਼ੀ ਕਾਮਿਆਂ ਨੂੰ ਤਰਜੀਹ ਦਿੱਤੀ ਜਾ ਰਹੀ ਹੈ। ਨੈਕਸਟਸਟਾਰ ਬੈਟਰੀ ਪਲਾਂਟ ਦੀ ਮਾਲਕ ਸਟੈਲੈਂਟਿਸ ਤੇ ਐੱਲ.ਜੀ.ਐਨਰਜੀ ਸਲਿਊਸ਼ਨ ਹੈ।
ਸਟੈਲੈਂਟਿਸ ਅਤੇ ਫੈਡਰਲ ਸਰਕਾਰ ਦੋਹਾਂ ਦਾ ਕਹਿਣਾ ਹੈ ਕਿ ਸਿਰਫ 72 ਨੌਕਰੀਆਂ ਲਈ ਵਿਦੇਸ਼ੀ ਕਾਮੇ ਰੱਖੇ ਜਾ ਰਹੇ ਹਨ ਜੋ ਕੈਨੇਡੀਅਨਾਂ ਨੂੰ ਵਿਸ਼ੇਸ਼ ਉਪਕਰਣ ਦੀ ਵਰਤੋਂ ਬਾਰੇ ਟਰੇਨਿੰਗ ਦੇਣਗੇ ਪਰ ਯੂਨੀਅਨ ਦੇ ਪ੍ਰਧਾਨ ਸੀਨ ਸਟ੍ਰਿਕਲੈਂਡ ਦਾ ਕਹਿਣਾ ਹੈ ਕਿ ਇਹ ਉਹ ਕੰਮ ਹਨ ਜਿਨ੍ਹਾਂ ਨੂੰ ਕੈਨੇਡੀਅਨ ਵਰਕਰ ਪਹਿਲਾਂ ਤੋਂ ਹੀ ਕਰਨਾ ਜਾਣਦੇ ਹਨ।
ਗੌਰਤਲਬ ਹੈ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਓਨਟਾਰੀਓ ਵਿਚ ਹੌਂਡਾ ਮੋਟਰ ਦੇ ਨਵੀਨਤਮ ਬਹੁ ਮਿਲੀਅਨ ਡਾਲਰ ਦੇ ਈ.ਵੀ. ਪ੍ਰੋਜੈਕਟ ਦੀ ਘੋਸ਼ਣਾ ਕੀਤੀ ਪਰ ਉਨ੍ਹਾਂ ਨੇ ਇਸ ਸਵਾਲ ਨੂੰ ਟਾਲ ਦਿੱਤਾ ਕਿ ਹੌਂਡਾ ਨਾਲ ਡੀਲ ਤਹਿਤ ਕੈਨੇਡੀਅਨ ਕਾਮਿਆਂ ਦੀਆਂ ਨੌਕਰੀਆਂ ਨੂੰ ਕਿਵੇਂ ਯਕੀਨੀ ਕੀਤਾ ਜਾਵੇਗਾ।
