13.14C Vancouver 13.14C VancouverApr 15, 2021 3:37 PM -
ਲਿਬਰਲ ਪਾਰਟੀ ਦੇ ਕਾਰਬਨ ਟੈਕਸ ਦੀ ਕਈ ਸਾਲ ਆਲੋਚਨਾ ਕਰਨ ਤੋਂ ਬਾਅਦ ਕੰਜ਼ਰਵੇਟਿਵ ਪਾਰਟੀ ਹੁਣ ਆਪਣਾ ਕਲਾਈਮੇਟ ਪਲੈਨ ਪ੍ਰਸਤਾਵਤ ਕਰ ਰਹੀ ਹੈ।
ਮੌਸਮੀ ਤਬਦੀਲੀ ਨਾਲ ਨਜਿੱਠਣ ਲਈ ਫੈਡਰਲ ਕੰਜ਼ਰਵੇਟਿਵ ਲੀਡਰ ਏਰਿਨ ਓ’ਟੂਲ ਵਲੋਂ ਆਪਣੀ ਪਾਰਟੀ ਦੇ $5 ਬਿਲੀਅਨ ਦੇ ਕਲਾਈਮੇਟ ਪਲੈਨ ਅਧੀਨ ਖਪਤਕਾਰਾਂ ਨੂੰ $20 ਪ੍ਰਤੀ ਟੰਨ ਕਾਰਬਨ ਟੈਕਸ ਦਾ ਪ੍ਰਸਤਾਵ ਰੱਖਿਆ ਗਿਆ ਹੈ।
ਇਹ ਕਦਮ ਓ’ ਟੂਲ ਦੀ ਪਾਰਟੀ ਦੀ ਨੀਤੀ ਵਿੱਚ ਇੱਕ ਵੱਡੀ ਤਬਦੀਲੀ ਦਰਸਾਉਂਦਾ ਹੈ ਕਿਉਂਕਿ ਕੰਜ਼ਰਵੇਟਿਵ ਪਾਰਟੀ ਵੱਲੋਂ ਲੰਬੇ ਸਮੇਂ ਤੋਂ ਲਿਬਰਲ ਪਾਰਟੀ ਦੇ ਕਾਰਬਨ ਟੈਕਸ ਪ੍ਰੋਗਰਾਮ ਨੂੰ ਰੱਦ ਕਰਨ ਦੀ ਮੁਹਿੰਮ ਚਲਾਈ ਜਾ ਰਹੀ ਸੀ।
ਪਾਰਟੀ ਅਨੁਸਾਰ ਸੂਬਿਆਂ ਨਾਲ ਮਿਲਕੇ ਇੱਕ "ਪਰਸਨਲ ਲੋ ਕਾਰਬਨ ਸੇਵਿੰਗਜ਼ ਅਕਾਊਂਟ" ਬਣਾਇਆ ਜਾਵੇਗਾ ਅਤੇ ਇਹ ਮੌਜੂਦਾ ਸਮੇਂ ਦੇ ਟੈਕਸ ਨਾਲੋਂ ਕਿਫਾਇਤੀ ਹੋਵੇਗਾ।
ਯੋਜਨਾ ਅਨੁਸਾਰ ਜੱਦ ਵੀ ਕਨੇਡੀਅਨ ਲੋਕ ਹਾਈਡਰੋਕਾਰਬਨ ਅਧਾਰਤ ਤੇਲ ਖਰੀਦਣਗੇ ਤਾਂ ਹਰ ਵਾਰ ਆਪਣੇ ਖਾਤੇ ਵਿੱਚ ਭੁਗਤਾਨ ਕਰਣਗੇ ਅਤੇ ਉਸ ਪੈਸੇ ਦੀ ਵਰਤੋਂ ਬਾਈਕ ਜਾਂ ਬੱਸ ਪਾਸ ਖਰੀਦਣ ਲਈ ਕੀਤੀ ਜਾ ਸਕੇਗੀ ਜੋ ਕਿ ਵਾਤਾਵਰਣ ਲਈ ਬੇਹਤਰ ਹੈ।
