15.42C Vancouver 15.42C VancouverOct 20, 2020 3:45 PM -
ਕੰਜ਼ਰਵੇਟਿਵ ਲੀਡਰ ਏਰਿਨ ਓ’ਟੂਲ ਮੁਤਾਬਕ ਇਹ ਸਾਬਤ ਕਰਨ ਲਈ ਕਿ ਉਨ੍ਹਾਂ ਦੀ ਪਾਰਟੀ ਚੋਣਾਂ ਕਰਵਾਉਣ ਦਾ ਦਬਾਅ ਨਹੀਂ ਪਾਉਣਾ ਚਾਹੁੰਦੀ ਉਹ ਕੋਵਿਡ-19 ਦੇ ਰਾਹਤ ਪ੍ਰੋਗਰਾਮਾਂ ਦੀ ਪੜਤਾਲ ਲਈ ਪ੍ਰਸਤਾਵਤ ਕਮੇਟੀ ਦਾ ਨਾਂ ਬਦਲਣ ਅਤੇ ਤਬਦੀਲੀਆਂ ਕਰਨ ਲਈ ਤਿਆਰ ਹਨ।
ਲਿਬਰਲ ਪਾਰਟੀ ਮੁਤਾਬਕ "ਐਂਟੀਕਰਪਸ਼ਨ ਕਮੇਟੀ" ਦਾ ਜ਼ੋਰ ਪਾਉਣ ਨਾਲ ਇਹ ਸਾਬਤ ਹੁੰਦਾ ਹੈ ਕਿ ਟੋਰੀ ਪਾਰਟੀ ਦਾ ਸਰਕਾਰ ਤੋਂ ਭਰੋਸਾ ਉੱਠ ਗਿਆ ਹੈ ਅਤੇ ਕਮੇਟੀ ਨੂੰ ਸਥਾਪਤ ਕਰਨਾ ਇੱਕ ਤਰ੍ਹਾਂ ਨਾਲ ਵਿਸ਼ਵਾਸ ਵੋਟ ਹੈ।
ਜਿਸ ਦਾ ਮਤਲਬ ਹੈ ਕਿ ਜੇ ਕੰਜ਼ਰਵੇਟਿਵ ਪਾਰਟੀ ਨੂੰ ਬਲੌਕ ਕਿਊਬਿਕੁਆ ਅਤੇ ਐਨ.ਡੀ.ਪੀ. ਦਾ ਸਮਰਥਨ ਮਿਲ ਜਾਂਦਾ ਹੈ ਤਾਂ ਉਹ ਸਰਕਾਰ ਡੇਗ ਸਕਦੇ ਹਨ।
ਓ’ਟੂਲ ਅਨੁਸਾਰ ਲਿਬਰਲ ਪਾਰਟੀ ਕੁਝ ਆਸਾਨ ਸਵਾਲਾਂ ਦੇ ਜਵਾਬ ਦੇਣ ਦੀ ਬਜਾਏ ਕਨੇਡੀਅਨ ਲੋਕਾਂ ਚੋਣਾਂ ਕਰਵਾਉਣ ਨੂੰ ਤਰਜੀਹ ਦੇ ਰਹੀ ਹੈ।
ਪ੍ਰਸਤਾਵਤ ਕਮੇਟੀ ਕੋਵਿਡ-19 ਦੇ 3 ਰਾਹਤ ਪ੍ਰੋਗਰਾਮਾਂ ਦੀ ਪੜਚੋਲ ਕਰੇਗੀ, ਜਿਨ੍ਹਾਂ ਵਿਚੋਂ ਦੋ ਦਾ ਸੰਬੰਧ ਲਿਬਰਲ ਪਾਰਟੀ ਨਾਲ ਹੈ ਅਤੇ ਇੱਕ ਦਾ ਉਸ ਸੰਸਥਾ ਨਾਲ ਜਿਸ ਦੇ ਪਾਰਟੀ ਅਤੇ ਟਰੂਡੋ ਪਰਿਵਾਰ ਨਾਲ ਡੂੰਘੇ ਸੰਬੰਧ ਹਨ।
ਓ’ਟੂਲ ਦਾ ਕਹਿਣਾ ਹੈ ਕਿ ਉਹ ਬਲੌਕ ਅਤੇ ਐਨ.ਡੀ.ਪੀ. ਨਾਲ ਪ੍ਰਸਤਾਵਤ ਕਮੇਟੀ ਦਾ ਨਾਂ ਬਦਲਣ ਅਤੇ ਹੋਰ ਤਬਦੀਲੀਆਂ ਕਰਨ ਦੇ ਸੰਬੰਧ ਵਿੱਚ ਗੱਲਬਾਤ ਕਰ ਰਹੇ ਹਨ ਤਾਂ ਕਿ ਵਿਸ਼ਵਾਸ ਵੋਟ ਦੀ ਸੰਭਾਵਨਾ ਨੂੰ ਹਟਾਇਆ ਜਾ ਸਕੇ।
