16.85C Vancouver 16.85C VancouverFeb 22, 2021 10:37 PM -
ਕੈਨੇਡਾ ਦੇ ਹਾਊਸ ਆਫ ਕਾਮਨਜ਼ ਨੇ ਇੱਕ ਯੁਨੈਨੀਮਸ ਵੋਟ 'ਚ ਕੰਜ਼ਰਵੇਟਿਵ ਮੋਸ਼ਨ ਨੂੰ ਪਾਸ ਕਰ ਦਿੱਤਾ ਹੈ।
ਇਸ ਦੇ ਨਾਲ ਚੀਨ ਦੇ ਜ਼ਿਨਜਿਆਂਗ ਸੂਬੇ 'ਚ ਐਥਨਿਕ ਉਈਘਰ ਮੁਸਲਮਾਨਾਂ ਖਿਲਾਫ ਹੋ ਰਹੀਆਂ ਵਧੀਕੀਆਂ ਨੂੰ ਜੈਨੋਸਾਈਡ ਐਲਾਨਿਆ ਗਿਆ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਉਨ੍ਹਾਂ ਦੇ ਲਿਬਰਲ ਕੈਬੀਨੇਟ ਮੰਤਰੀਆਂ ਨੇ ਇਸ ਵੋਟ 'ਚ ਹਿੱਸਾ ਨਹੀਂ ਲਿਆ।
ਬੀਜਿੰਗ ਅਤੇ ਔਟਵਾ ਵਿਚਾਲੇ ਦੇ ਰਿਸ਼ਤਿਆਂ 'ਚ ਵਧਦੀ ਕੁੜੱਤਣ ਵਿਚਾਲੇ ਇਸ ਮਤੇ ਦੇ ਪੱਖ 'ਚ ਵੋਟਿੰਗ ਹੋਈ ਹੈ।
ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ, ਮਾਰਕ ਗਾਰਨੇਉ ਨੇ ਰਸਮੀ ਤੌਰ 'ਤੇ ਸਰਕਾਰ ਦੇ ਲਈ ਗੈਰਮੌਜੂਦਗੀ ਦੀ ਜਾਣਕਾਰੀ ਦਿੱਤੀ।
ਇਸ ਤੋਂ ਬਾਅਦ ਕਈਆਂ ਨੂੰ ਇਸ 'ਤੇ ਨਿਰਾਸ਼ਾ ਜ਼ਾਹਿਰ ਕਰਦੇ ਹੋਏ 'ਬੂ' ਕਹਿੰਦੇ ਸੁਣਿਆ ਗਿਆ।
ਹਾਲਾਂਕਿ ਦਰਜਨਾਂ ਲਿਬਰਲ ਐਮ.ਪੀਜ਼. ਨੇ ਇਸ ਮਤੇ ਦੇ ਪੱਖ 'ਚ ਵੋਟ ਕੀਤਾ।
ਇਹ ਮਤਾ 266-0 ਦੇ ਫਰਕ ਨਾਲ ਪਾਸ ਹੋ ਗਿਆ।
ਇਸ ਵੋਟ ਨੂੰ ਇੱਕ ਪ੍ਰਮਾਣ ਮੰਨਿਆ ਜਾ ਰਿਹਾ ਹੈ ਕਿ ਚੀਨ 'ਚ ਘੱਟ ਗਿਣਤੀਆਂ ਖਿਲਾਫ਼ ਵਧੀਕੀਆਂ ਹੋ ਰਹੀਆਂ ਹਨ ਅਤੇ ਇਸ ਖਿਲਾਫ਼ ਸਿਆਸੀ ਵਿਰੋਧ ਵਧਦਾ ਜਾ ਰਿਹਾ ਹੈ।
