16.2C Vancouver 16.2C VancouverSep 16, 2020 3:29 PM -
ਸਟੈਟਿਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਅਗਸਤ ਦੌਰਾਨ ਕਨਜ਼ਿਊਮਰ ਪ੍ਰਾਈਸ ਇਨਡੈਕਸ, ਪਿਛਲੇ ਸਾਲ ਇਸੀ ਮਹੀਨੇ ਦੇ ਮੁਕਾਬਲੇ 0.1 ਫੀਸਦੀ ਵਧਿਆ ਹੈ।
ਸਾਲਾਨਾ ਇਨਫਲੇਸ਼ ਦਰ ਪਹਿਲਾਂ ਜਿੰਨ੍ਹੀ ਹੀ ਰਹੀ, ਜੋ ਕਿ ਜੁਲਾਈ ਦੇ ਮਹੀਨੇ ਵਿਚ ਸਾਲ ਦਰ ਸਾਲ ਦੇ ਹਿਸਾਬ ਨਾਲ 0.1 ਫੀਸਦੀ ਵਧੀ ਸੀ।
ਫਾਇਨੈਨਸ਼ੀਅਲ ਮਾਰਕਿਟਸ ਦੀ ਡੇਟਾ ਫਰਮ ਰੀਫੀਨੀਟਿਵ ਦੇ ਹਿਸਾਬ ਨਾਲ ਆਮ ਅਰਥਸ਼ਾਸਤਰੀਆਂ ਦਾ ਮੰਨਣਾ ਸੀ ਕਿ, ਅਗਸਤ ਵਿਚ ਸਾਲ ਦਰ ਸਾਲ ਦਾ ਵਾਧਾ 0.4 ਫੀਸਦੀ ਤੱਕ ਜਾ ਸਕਦਾ ਸੀ।
ਅਗਸਤ 2019 ਦੇ ਮੁਕਾਬਲੇ ਗੈਸੋਲੀਨ ਦੀਆਂ ਕੀਮਤਾਂ 11.1 ਫੀਸਦੀ ਘਟੀਆਂ ਹਨ।
ਜੁਲਾਈ ਦੇ ਮਹੀਨੇ ਵਿਚ ਪਿਛਲੇ ਸਾਲ ਦੇ ਮੁਕਾਬਲੇ ਇਹ ਆਂਕੜਾ 14.9 ਫੀਸਦੀ ਸੀ।
ਜੇਕਰ ਗੈਸੋਲੀਨ ਨੂੰ ਇਨਫਲੇਸ਼ਨ ਦੇ ਹਿਸਾਬ ਤੋਂ ਬਾਹਰ ਕਰ ਦਿੱਤਾ ਜਾਵੇ ਤਾਂ, ਅਗਸਤ ਵਿਚ ਕਨਜ਼ਿਊਮਰ ਪ੍ਰਾਈਸ ਇਨਡੈਕਸ ਵਿਚ 0.6 ਫੀਸਦੀ ਦਾ ਵਾਧਾ ਹੋਇਆ ਹੈ।
ਕੁਝ ਸ਼੍ਰੇਣੀਆਂ ਵਿਚ, ਕੀਮਤਾਂ ਵਿਚ ਕਾਫ਼ੀ ਵਾਧਾ ਹੋਇਆ ਹੈ, ਜਿਵੇਂ ਕਿ ਵਾਲ ਕਟਵਾਉਣਾ, ਜਿਸ ਵਿਚ ਸਾਲ ਦਰ ਸਾਲ ਦੇ ਹਿਸਾਬ ਨਾਲ 7.2 ਫੀਸਦੀ ਦਾ ਵਾਧਾ ਹੋਇਆ ਹੈ।
