ਕੈਨੇਡਾ ਦੇ ਸੀਰੀਅਲ ਕਿਲਰ ਐਲਨ ਲੇਗੇਰੇ ਦੀ ਜੇਲ੍ਹ ਵਿੱਚ ਹੋਈ ਮੌਤ

ਕੈਨੇਡਾ ਦੇ ਸੀਰੀਅਲ ਕਿਲਰ ਐਲਨ ਲੇਗੇਰੇ ਦੀ ਐਡਮਿੰਟਨ ਦੀ ਜੇਲ੍ਹ ਵਿਚ ਬੀਤੇ ਦਿਨ ਮੌਤ ਹੋ ਗਈ।ਕਰੈਕਸ਼ਨਲ ਸਰਵਿਸ ਕੈਨੇਡਾ ਨੇ ਪੁਸ਼ਟੀ ਕੀਤੀ ਹੈ ਕਿ 78 ਸਾਲਾ ਲੇਗੇਰੇ ਨੇ ਐਡਮਿੰਟਨ ਇੰਸਟੀਚਿਊਸ਼ਨ ਵਿਚ ਦਮ ਤੋੜਿਆ। ਉਸ ਦਾ ਨਾਂ ਕੈਨੇਡਾ ਦੇ ਅਪਰਾਧਿਕ ਇਤਿਹਾਸ ਵਿੱਚ ਸਭ ਤੋਂ ਭਿਆਨਕ ਕਾਤਲਾਂ ਵਿੱਚ ਦਰਜ ਹੈ ਅਤੇ ਉਸ ਨੂੰ “ਮੌਨਸਟਰ ਆਫ਼ ਦ ਮੀਰਾਮੀਚੀ ਦੇ ਨਾਂ ਵਜੋਂ ਵੀ ਜਾਣਿਆ ਜਾਂਦਾ ਸੀ।

1986 ਵਿਚ ਕਤਲ ਕੇਸ ਦੋ ਦੋਸ਼ ਵਿਚ ਉਸ ਨੂੰ ਉਮਰ ਕੈਦ ਦੀ ਸਜ਼ਾ ਹੋਈ ਸੀ ਪਰ ਉਹ ਕਈ ਵਾਰ ਜੇਲ੍ਹ ਵਿਚੋਂ ਫਰਾਰ ਹੋਇਆ। ਉਸ ਨੇ ਇਕ ਪੁਲਿਸ ਅਧਿਕਾਰੀ ਨੂੰ ਵੀ ਅਗਵਾ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। 1991 ਵਿੱਚ ਉਸ ਨੂੰ ਚਾਰ ਵਿਅਕਤੀਆਂ ਦੇ ਕਤਲ ਲਈ ਦੋਸ਼ੀ ਕਰਾਰ ਦਿੱਤਾ ਗਿਆ ਸੀ।

ਲੇਗੇਰੇ ਦੀ ਮੌਤ ਦੇ ਕਾਰਨਾਂ ਦਾ ਅਜੇ ਖ਼ੁਲਾਸਾ ਨਹੀਂ ਕੀਤਾ ਗਿਆ ਹੈ। ਜੇਲ੍ਹ ਪ੍ਰਸ਼ਾਸਨ ਨੇ ਕੋਰੋਨਰ ਅਤੇ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਹੈ, ਜੋ ਮੌਤ ਦੀ ਜਾਂਚ ਕਰਨਗੇ। ਉਹ ਪਿਛਲੇ ਕਈ ਸਾਲਾਂ ਤੋਂ ਐਡਮਿੰਟਨ ਦੀ ਹਾਈ-ਸਿਕਿਉਰਿਟੀ ਜੇਲ੍ਹ ਵਿੱਚ ਬੰਦ ਸੀ।