ਰਿਚਮੰਡ 'ਚ ਗੈਰ-ਲਾਇਸੈਂਸੀ ਰਾਈਡ ਹੇਲ ਆਪ੍ਰੇਟਰ ਖਿਲਾਫ ਕਨਵਿਕਸ਼ਨ

ਬੀ.ਸੀ. ਵਿਚ ਬਿਨਾਂ ਲਾਇਸੈਂਸ ਵਾਲੇ ਰਾਈਡ-ਹੇਲ ਓਪਰੇਟਰ 'ਤੇ ਸ਼ਿਕੰਜਾ ਕੱਸ ਹੋ ਰਿਹਾ ਹੈ। ਰਿਚਮੰਡ ਦੇ ਅਜਿਹੇ ਹੀ ਇੱਕ ਡਰਾਈਵਰ ਨੂੰ ਅਦਾਲਤ ਦਾ ਸਾਹਮਣਾ ਕਰਨਾ ਪਿਆ ਹੈ। ਰਿਚਮੰਡ ਆਰਸੀਐਮਪੀ ਦੀ ਰੋਡ ਸੇਫਟੀ ਯੂਨਿਟ ਨੇ ਗੈਰ-ਕਾਨੂੰਨੀ ਰਾਈਡ-ਹੇਲ ਡਰਾਈਵਰ ਖਿਲਾਫ ਤਿੰਨ ਮਾਮਲਿਆਂ ਵਿਚ ਅਦਾਲਤ ਵਿਚ ਦੋਸ਼ ਸਾਬਤ ਕੀਤੇ ਹਨ।

ਆਰਸੀਐਮਪੀ ਨੇ ਕਿਹਾ ਕਿ ਡਰਾਈਵਰ ਨੂੰ 20 ਦਸੰਬਰ 2023 ਨੂੰ ਰੋਕ ਕੇ ਉਸ ਦੇ ਕਾਗਜ਼ ਚੈੱਕ ਕੀਤੇ ਗਏ ਸਨ, ਨਾ ਉਸ ਕੋਲ ਓਪਰੇਟਰ ਦਾ ਲਾਇਸੈਂਸ ਸੀ, ਡਰਾਈਵਰ ਲਾਇਸੈਂਸ ਵੀ ਰੋਂਗ ਕਲਾਸ ਦਾ ਸੀ ਅਤੇ ਸਰਟੀਫਿਕੇਟ ਵੀ ਨਹੀਂ ਸੀ। 2020 ਵਿਚ ਵੀ ਉਸ ਨੇ ਇਸੇ ਤਰ੍ਹਾਂ ਦੇ ਦੋਸ਼ਾਂ ਦਾ ਸਾਹਮਣਾ ਕੀਤਾ ਸੀ।

ਆਰਸੀਐਮਪੀ ਨੇ ਦੱਸਿਆ ਕਿ ਉਸ ਦੀ ਰੋਡ ਸੇਫਟੀ ਯੂਨਿਟ ਅਤੇ ਵਪਾਰਕ ਵਾਹਨ ਦੀ ਸੁਰੱਖਿਆ ਤੇ ਇਨਫੋਰਸਮੈਂਟ ਟੀਮ ਦੇ 8 ਸਾਂਝੇ ਓਪਰੇਸ਼ਨ ਵਿਚ 2024 ਵਿਚ 35 ਗੈਰ-ਕਾਨੂੰਨੀ ਰਾਈਡ-ਹੇਲ ਓਪਰੇਟਰ ਫੜ੍ਹੇ ਗਏ ਸਨ, ਜਿਨ੍ਹਾਂ ਨੂੰ $79,000 ਦਾ ਜੁਰਮਾਨਾ ਹੋਇਆ ਹੈ। ਸਾਰਜੈਂਟ ਏਰਿਕ ਬਾਸਕੇਟ ਨੇ ਕਿਹਾ ਕਿ ਇਹ ਕਾਰਵਾਈ ਸਾਡਾ ਸਪੱਸ਼ਟ ਸੰਦੇਸ਼ ਹੈ ਕਿ ਰਿਚਮੰਡ ਵਿਚ ਗੈਰ-ਕਾਨੂੰਨੀ ਤੌਰ 'ਤੇ ਕੰਮ ਕਰਨਾ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।