ਲੈਂਗਲੀ 'ਚ ਪੁਲਿਸ ਦੇ ਕੋਆਰਡੀਨੇਟਿਡ ਰਿਸਪਾਂਸ ਆਸਰੇ ਹਾਈ ਰਿਸਕ ਗ੍ਰਿਫਤਾਰੀ

ਸਰੀ ਵਿਚ ਅੱਜ ਤੜਕੇ ਇੱਕ ਸੈਮੀ-ਟਰੱਕ- ਫਰੇਜ਼ਰ ਨਦੀ ਵਿਚ ਹਾਦਸਾਗ੍ਰਸਤ ਹੋਇਆ, ਇਹ ਟਰੱਕ ਲੈਂਗਲੇ ਤੋਂ ਭੱਜਿਆ ਸੀ ਅਤੇ ਚੋਰੀ ਦਾ ਸੀ। ਲੈਂਗਲੇ ਆਰ.ਸੀ.ਐਮ.ਪੀ. ਦੀ ਸਪੈਸ਼ਲ ਰਿਸਪਾਂਸ ਟੀਮ ਨੇ ਬੁੱਧਵਾਰ ਸ਼ਾਮ ਲਗਭਗ 7:35 ਵਜੇ ਟਰੱਕ ਨੂੰ ਗਲਤ ਮੇਲ ਖਾਂਦੀਆਂ ਲਾਇਸੈਂਸ ਪਲੇਟਾਂ ਨਾਲ ਦੇਖਿਆ ਸੀ।

ਸਾਰਜੈਂਟ ਜ਼ਾਈਨਲ ਸ਼ਾਰੂਮ ਨੇ ਕਿਹਾ ਕਿ ਪੁਲਿਸ ਲਾਈਟਸ ਨੂੰ ਦੇਖਦੇ ਹੀ ਡਰਾਈਵਰ ਨੇ ਟਰੱਕ ਭਜਾ ਲਿਆ ਅਤੇ ਪੁਲਿਸ ਗੱਡੀਆਂ ਨੂੰ ਟੱਕਰ ਮਾਰਨੀ ਸ਼ੁਰੂ ਕਰ ਦਿੱਤੀ ਅਤੇ ਪੁਲਿਸ ਵਾਹਨਾਂ ਨੂੰ ਇੱਧਰ-ਉਧਰ ਘੁੰਮਾਉਦਾ ਰਿਹਾ।

ਉਨ੍ਹਾਂ ਕਿਹਾ ਕਿ ਟਰੱਕ ਦੇ ਮੋਹਰਲੇ ਇੱਕ ਟਾਇਰ ਨੂੰ ਡਿਫਲੇਟ ਵੀ ਕੀਤਾ ਗਿਆ ਪਰ 40 ਸਾਲਾ ਡਰਾਈਵਰ ਨੇ ਤੇਜ਼ ਰਫ਼ਤਾਰ ਜਾਰੀ ਰੱਖੀ। ਇਸ ਦੌਰਾਨ ਇਹ ਕਈ ਰਿਹਾਇਸ਼ੀ ਇਲਾਕਿਆਂ ਵਿਚੋਂ ਹੁੰਦਾ ਹੋਇਆ ਸਰੀ ਪੁੱਜਾ, ਜਿੱਥੇ SPOSU ਵਲੋਂ ਤਾਇਨਾਤ ਦੂਜੀ ਸਪਾਈਕ ਬੈਲਟ ਨਾਲ ਟਰੱਕ ਦੇ ਪਿਛਲੇ ਟਾਇਰ ਡਿਫਲੇਟ ਕੀਤੇ ਗਏ, ਜਿਸ ਮਗਰੋਂ ਇਹ ਸੜਕ ਤੋਂ ਫਰੇਜ਼ਰ ਨਦੀ ਵਿਚ ਉਤਰ ਗਿਆ ਅਤੇ ਡਰਾਈਵਰ ਭੱਜ ਨਿਕਲਿਆ ਤੇ ਉਸ ਦੀ ਗ੍ਰਿਫਤਾਰੀ ਲੋਅਰ ਮੇਨਲੈਂਡ ਦੀ ਐਮਰਜੈਂਸੀ ਰਿਸਪਾਂਸ ਟੀਮ ਦੀ ਮਦਦ ਨਾਲ ਹੋਈ। ਪੁਲਿਸ ਦਾ ਕਹਿਣਾ ਹੈ ਕਿ ਸ਼ੱਕੀ ਨੂੰ ਅੱਗੇ ਦੀ ਜਾਂਚ ਤੱਕ ਹਿਰਾਸਤ ਵਿਚ ਰੱਖਿਆ ਗਿਆ ਹੈ।