11.58C Vancouver 11.58C VancouverNov 24, 2022 1:28 AM - Connect News
ਬੀ.ਸੀ. 'ਚ ਹੋਪ ਦੇ ਕੋਲ ਕੋਕਿਹਾਲਾ ਹਾਈਵੇਅ ਨੂੰ ਕਿਸੇ ਪ੍ਰਕਾਰ ਦੀ ਪੁਲਿਸ ਕਾਰਵਾਈ ਵਿਚਾਲੇ ਬੰਦ ਕਰ ਦਿੱਤਾ ਗਿਆ ਹੈ।
ਬੀ.ਸੀ. ਆਰ.ਸੀ.ਐਮ.ਪੀ. ਵੱਲੋਂ ਜਾਰੀ ਕੀਤੀ ਗਈ ਜਾਣਕਾਰੀ ਅਨੁਸਾਰ ਹੋਪ ਦੇ ਉੱਤਰ ਅਤੇ ਮੈਰਿਟ ਦੇ ਦੱਖਣ ਵਾਲੇ ਪਾਸੇ ਹਾਈਵੇਅ 5 'ਤੇ ਕਿਸੇ ਵੀ ਪ੍ਰਕਾਰ ਦੇ ਪਬਲਿਕ ਜਾਂ ਕਮਰਸ਼ਲ ਵਾਹਨਾਂ ਦੀ ਆਵਾਜਾਈ ਰੋਕ ਦਿੱਤੀ ਗਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਅਗਲੇ ਕੁਝ ਘੰਟਿਆਂ ਲਈ ਰਸਤਾ ਖੁੱਲ੍ਹਣ ਦੇ ਆਸਾਰ ਨਹੀਂ ਹਨ ਅਤੇ ਆਲਟਰਨੇਟ ਰਸਤਿਆਂ ਦੀ ਵਰਤੋਂ ਕੀਤੀ ਜਾਵੇ।
ਮੈਰਿਟ ਦੇ ਦੱਖਣ ਵਾਲੇ ਪਾਸੇ ਕੋਕਿਹਾਲਾ ਸੰਮੀਟ ਦੇ ਕੋਲ ਜੂਲੀਅਟ ਬ੍ਰਿਜ ਦੇ ਕੋਲ ਵੱਡੀ ਗਿਣਤੀ 'ਚ ਪੁਲਿਸ ਨੂੰ ਭੇਜਿਆ ਜਾ ਰਿਹਾ ਹੈ।
ਪੁਲਿਸ ਨੇ ਇਲਾਕੇ 'ਚ ਮੌਜੂਦ ਲੋਕਾਂ ਨੂੰ ਪੁਲਿਸ ਤੋਂ ਦੂਰੀ ਬਣਾ ਕੇ ਰੱਖਣ ਦੇ ਨਾਲ ਹੀ ਅਪੀਲ ਕੀਤੀ ਹੈ ਕਿ ਪੁਲਿਸ ਕਾਰਵਾਈ ਸੰਬੰਧੀ ਕੋਈ ਤਸਵੀਰਾਂ ਜਾਂ ਵੀਡੀਓ ਔਨਲਾਈਨ ਸਾਂਝੇ ਨਾ ਕੀਤੇ ਜਾਣ।
