28.01C Vancouver 28.01C VancouverApr 5, 2022 7:22 PM - The Canadian Press
ਬੀ.ਸੀ. ਦੇ ਲੋਅਰ ਮੇਨਲੈਂਡ ਅਤੇ ਇੰਟੀਰੀਅਰ ਖੇਤਰਾਂ ਨੂੰ ਜੋੜਨ ਵਾਲਾ ਇੱਕ ਅਹਿਮ ਹਾਈਵੇਅ ਸੋਮਵਾਰ ਰਾਤ ਅਤੇ ਮੰਗਲਵਾਰ ਸਵੇਰ ਵਿਚਾਲੇ ਬੰਦ ਕਰਨਾ ਪਿਆ।
ਸੋਮਵਾਰ ਰਾਤ ਕਰੀਬ 10.15 ਵਜੇ ਡਰਾਈਵ ਬੀ.ਸੀ. ਵੱਲੋਂ ਇੱਕ ਨੋਟਿਸ ਲਗਾਇਆ ਗਿਆ ਕਿ ਹੋਪ ਅਤੇ ਮੈਰਿਟ ਵਿਚਾਲੇ ਕੋਕਿਹਾਲਾ ਹਾਈਵੇਅ ਨੂੰ ਵਾਹਨਾਂ ਸੰਬੰਧਤ ਘਟਨਾਵਾਂ ਕਾਰਨ ਬੰਦ ਕਰਨਾ ਪਿਆ ਹੈ।
ਵਾਹਨ ਚਾਲਕਾਂ ਨੂੰ ਹੋਰ ਰਸਤਿਆਂ ਦੀ ਵਰਤੋਂ ਕਰਨ ਲਈ ਵੀ ਆਖਿਆ ਗਿਆ ਸੀ ਕਿਉਂਕਿ ਸ਼ੁਰੂਆਤੀ ਸਮੇਂ ਦੌਰਾਨ ਰਸਤਾ ਖੁੱਲ੍ਹਣ ਦੇ ਕਿਸੇ ਪੱਕੇ ਸਮੇਂ ਬਾਰੇ ਵੀ ਜਾਣਕਾਰੀ ਨਹੀਂ ਸੀ।
ਇਸ ਤੋਂ ਬਾਅਦ ਮੰਗਲਵਾਰ ਸਵੇਰੇ ਕਰੀਬ 7 ਵਜੇ ਹਾਈਵੇਅ 5 ਦੇ ਉਸ ਸਟ੍ਰੈਚ ਨੂੰ ਫਿਰ ਤੋਂ ਖੋਲ੍ਹਿਆ ਗਿਆ।
ਰਸਤਾ ਬੰਦ ਹੋਣ ਦੀ ਸੂਚਨਾ ਤੋਂ ਕੁਝ ਘੰਟੇ ਪਹਿਲਾਂ ਐਨਵਾਇਰਨਮੈਂਟ ਕੈਨੇਡਾ ਨੇ ਇਸ ਰਸਤੇ 'ਤੇ 35cm ਤਕ ਬਰਫਬਾਰੀ ਦਾ ਅਨੁਮਾਨ ਦੱਸਿਆ ਸੀ।
ਮੰਗਲਵਾਰ ਸਵੇਰੇ ਮੌਸਮ ਸੰਬੰਧੀ ਚੇਤਾਵਨੀ ਨੂੰ ਅੱਗੇ ਜਾਰੀ ਰੱਖਿਆ ਗਿਆ ਸੀ ਅਤੇ ਇਲਾਕੇ 'ਚ 10 ਤੋਂ 15cm ਵਧੇਰੇ ਬਰਫਬਾਰੀ ਦਾ ਅਨੁਮਾਨ ਦੱਸਿਆ ਗਿਆ ਸੀ।
