13.54C Vancouver 13.54C VancouverDec 20, 2021 9:21 PM - Connect News
ਅੱਜ ਸਵੇਰ ਤੋਂ ਹੋਪ ਅਤੇ ਮੈਰਿਟ ਵਿਚਾਲੇ ਕੋਕਿਹਾਲਾ ਹਾਈਵੇਅ 'ਤੇ ਆਵਾਜਾਈ ਸ਼ੁਰੂ ਹੋ ਗਈ ਹੈ।
ਇਸ ਹਾਈਵੇਅ 'ਤੇ ਕਮਰਸ਼ਲ ਟਰੈਫਿਕ ਅਤੇ ਇੰਟਰਸਿਟੀ ਬੱਸਾਂ ਦੀ ਆਵਾਜਾਈ ਸ਼ੁਰੂ ਹੋ ਗਈ ਹੈ।
ਮੈਟਰੋ ਵੈਨਕੂਵਰ ਅਤੇ ਦੱਖਣੀ ਬੀ.ਸੀ. ਲਈ ਬਾਕੀ ਦੇ ਸੂਬੇ ਨਾਲ ਸੰਪਰਕ ਲਈ ਇਹ ਰਸਤਾ ਬੇਹੱਦ ਅਹਿਮ ਹੈ।
ਕਰਿਊਸ ਵੱਲੋਂ ਸੜਕ ਅਤੇ ਪੁਲ ਸੰਬੰਧੀ ਕਰੀਬ 20 ਸਟਰੈਚਿਸ ਨੂੰ ਰਿਪਲੇਸ ਕੀਤਾ ਗਿਆ ਹੈ।
ਬੀਤੇ ਮਹੀਨੇ ਦੇ ਹੜ੍ਹਾਂ ਅਤੇ ਮਡਸਲਾਈਡਸ ਵਿਚਾਲੇ ਇਸ ਹਾਈਵੇਅ 'ਤੇ ਕਈ ਜਗ੍ਹਾ ਭਾਰੀ ਨੁਕਸਾਨ ਹੋਇਆ ਸੀ।
ਬੀ.ਸੀ. ਦੇ ਟਰਾਂਸਪੋਰਟੇਸ਼ਨ ਅਤੇ ਇੰਫ੍ਰਾਸਟਰਕਚਰ ਮੰਤਰਾਲੇ ਦਾ ਕਹਿਣਾ ਹੈ ਕਿ ਕਰਿਊਸ ਦੀ ਅਣਥੱਕ ਮਹਿਨਤ ਸਦਕਾ ਇਹ ਹਾਈਵੇਅ ਘੱਟ ਸਮੇਂ 'ਚ ਖੋਲ੍ਹਣ ਵਿੱਚ ਕਾਮਯਾਬੀ ਮਿਲ ਸਕੀ, ਜਦਕਿ ਪਹਿਲਾਂ ਇਸ ਦੇ ਜਨਵਰੀ ਦੇ ਮੱਧ ਤਕ ਖੁੱਲ੍ਹਣ ਦੇ ਕਿਆਸ ਲਗਾਏ ਜਾ ਰਹੇ ਸਨ।
ਅੱਜ ਇਹ ਵੀ ਜਾਣਕਾਰੀ ਦਿੱਤੀ ਗਈ ਹੈ ਕਿ ਹਾਈਵੇਅ 5 ਯਾਨੀ ਕਿ ਕੋਕਿਹਾਲਾ ਹਾਈਵੇਅ 'ਤੇ ਜਿਹੜੇ ਵਾਹਨਾਂ ਦਾ ਭਾਰ 11,794 ਕਿਲੋ ਜਾਂ ਉਸ ਤੋਂ ਵਧੇਰੇ ਹੈ ਉਹ ਵਾਹਨ ਇਸ ਰਸਤੇ 'ਤੇ ਆਵਾਜਾਈ ਕਰ ਸਕਦੇ ਹਨ।
ਹਾਈਵੇਅ 3 'ਤੇ ਜਾਰੀ ਯਾਤਰਾ ਸੰਬੰਧੀ ਪਬੰਦੀਆਂ ਨੂੰ ਵੀ ਕੱਲ ਸਵੇਰ ਤੋਂ ਹਟਾਇਆ ਜਾ ਰਿਹਾ ਹੈ।
ਹਾਈਵੇਅ 99 'ਤੇ ਪੈਂਬਰਟਨ ਅਤੇ ਲੀਲੋਏਟ ਵਿਚਾਲੇ ਯਾਤਰਾ ਸੰਬੰਧੀ ਪਬੰਦੀਆਂ ਨੂੰ ਵੀ ਹਟਾਇਆ ਗਿਆ ਹੈ।
ਹਾਲਾਂਕਿ ਇਸ ਰਸਤੇ 'ਤੇ 14,500 ਕਿਲੋ ਤੋਂ ਵਧੇਰੇ ਭਾਰ ਦੇ ਵਾਹਨਾਂ ਦੀ ਆਵਾਜਾਈ ਦੀ ਇਜਾਜਤ ਨਹੀਂ ਹੈ।
