11.57C Vancouver 11.57C VancouverNov 2, 2022 12:31 AM - Connect News
ਕੋਕਟਲਮ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਨਿਵੇਕਲੇ ਕਿਸਮ ਦੀ ਅੰਗੂਠੀ ਸੰਬੰਧੀ ਲੋਕਾਂ ਤੋਂ ਮਦਦ ਦੀ ਅਪੀਲ ਕੀਤੀ ਗਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਅੰਗੂਠੀ ਦੇ ਅਸਲ ਮਾਲਿਕ ਦੀ ਭਾਲ ਕੀਤੀ ਜਾ ਰਹੀ ਹੈ।
ਕੋਕਟਲਮ ਆਰ.ਸੀ.ਐਮ.ਪੀ. ਕੋਲ ਇਹ ਅੰਗੂਠੀ 10 ਜੂਨ ਨੂੰ ਪਹੁੰਚਾਈ ਗਈ ਸੀ।
ਦਰਅਸਲ ਇਹ ਅੰਗੂਠੀ ਵਾਲਮਾਰਟ ਤੋਂ ਖਰੀਦੇ ਗਏ ਇੱਕ ਗਮਲੇ ਵਿੱਚੋਂ ਮਿਲੀ ਸੀ।
ਇਹ ਬੂਟਾ ਅਤੇ ਗਮਲਾ ਲੈਂਗਲੀ 'ਚ 66 ਐਵੀਨਿਊ ਕੋਲ ਸਥਿਤ ਵਾਲਮਾਰਟ ਤੋਂ ਖਰੀਦਿਆ ਗਿਆ ਸੀ।
ਖਰੀਦਦਾਰ ਨੇ ਘਰ ਪਹੁੰਚਣ 'ਤੇ ਵੇਖਿਆ ਕਿ ਗਮਲੇ 'ਚ ਅੰਗੂਠੀ ਪਈ ਹੈ।
ਪੁਲਿਸ ਅਨੁਸਾਰ ਅੰਗੂਠੀ ਨੂੰ ਕਸਟਮ ਮੇਡ ਮੰਨਿਆ ਜਾ ਰਿਹਾ ਹੈ।
ਇਸ ਨੂੰ ਯੈਲੋ ਗੋਲਡ ਦੀ ਅੰਗੂਠੀ ਦੱਸਿਆ ਜਾ ਰਿਹਾ ਹੈ ਅਤੇ ਇਸ 'ਤੇ ਨਿਵੇਕਲੇ ਢੰਗ ਨਾਲ ਐਲ ਲਿਖਿਆ ਹੈ।
ਇਸ ਅੰਗੂਠੀ ਦੀ ਤਸਵੀਰ ਕਨੈਕਟ ਐਫ.ਐਮ. ਦੇ ਫੇਸਬੁੱਕ ਪੇਜ 'ਤੇ ਵੀ ਵੇਖੀ ਜਾ ਸਕਦੀ ਹੈ।
ਕਿਸੇ ਕੋਲ ਇਸ ਦੀ ਜਾਣਕਾਰੀ ਹੋਵੇ ਤਾਂ 604 945 1550 'ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
