12.43C Vancouver 12.43C VancouverJan 21, 2023 1:28 AM - Connect News
ਕੋਕਟਲਮ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਹਮਲੇ ਸੰਬੰਧਤ ਇੱਕ ਮਾਮਲੇ 'ਚ 2 ਲੋਕਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।
ਘਟਨਾ 'ਚ ਇੱਕ 29 ਸਾਲਾ ਵਿਅਕਤੀ ਨੂੰ ਗੰਭੀਰ ਸੱਟਾਂ ਲੱਗੀਆਂ ਸਨ।
ਹਮਲਾ ਨਵੇਂ ਸਾਲ ਮੌਕੇ ਵਾਪਰਿਆ ਦੱਸਿਆ ਗਿਆ।
ਅਫਸਰਾਂ ਨੂੰ ਗਲੈਨ ਡਰਾਈਵ ਅਤੇ ਜੌਨਸਨ ਸਟ੍ਰੀਟ ਦੇ ਇਲਾਕੇ 'ਚ 1 ਜਨਵਰੀ ਨੂੰ ਤੜਕੇ ਕਰੀਬ 2.47 ਵਜੇ ਸੱਦਿਆ ਗਿਆ ਸੀ।
ਪੀੜਤ ਆਦਮੀ ਆਪਣੀ ਗੱਡੀ ਦਾ ਟਾਇਰ ਬਦਲ ਰਿਹਾ ਸੀ ਜਦ ਉਸ 'ਤੇ ਹਮਲਾ ਕਰ ਦਿੱਤਾ ਗਿਆ।
ਪੁਲਿਸ ਦੇ ਪਹੁੰਚਣ ਤੋਂ ਪਹਿਲਾਂ ਦੋਵੇਂ ਕਥਿਤ ਹਮਲਾਵਰ ਮੌਕੇ ਤੋਂ ਨਿਕਲ ਗਏ ਸਨ।
ਪੀੜਤ ਆਦਮੀ ਨੂੰ ਸਿਰ 'ਤੇ ਗੰਭੀਰ ਸੱਟਾਂ ਲੱਗੀਆਂ ਦੱਸੀਆਂ ਗਈਆਂ ਸਨ।
ਪੀੜਤ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਕੋਕਟਲਮ ਆਰ.ਸੀ.ਐਮ.ਪੀ. ਦੀ ਇਨਵੈਸਟੀਗੇਸ਼ਨਲ ਸੱਪੋਰਟ ਟੀਮ ਵੱਲੋਂ ਜਾਂਚ ਆਰੰਭ ਦਿੱਤੀ ਗਈ ਹੈ।
