8.74C Vancouver 8.74C VancouverJan 29, 2022 12:07 AM - The Canadian Press
ਕੋਕਟਲਮ 'ਚ ਆਰ.ਸੀ.ਐਮ.ਪੀ. ਵੱਲੋਂ ਚਾਕੂ ਚੱਲਣ ਦੀ ਜਾਨਲੇਵਾ ਵਾਰਦਾਤ ਦੀ ਪੀੜਤਾ ਦੀ ਪਛਾਣ ਸਾਂਝੀ ਕੀਤੀ ਗਈ ਹੈ।
ਆਈ.ਹਿਟ ਵੱਲੋਂ ਜਾਣਕਾਰੀ ਦਿੱਤੀ ਗਈ ਹੈ ਕਿ ਪੀੜਤ ਔਰਤ ਦਾ ਨਾਮ ਰਮੀਨਾ ਸ਼ਾਹ ਸੀ।
ਉਸ ਦੀ ਉਮਰ 32 ਸਾਲ ਦੱਸੀ ਗਈ ਹੈ।
ਉਸ ਦੇ ਛੋਟੇ ਬੱਚੇ ਹੋਣ ਦੀ ਵੀ ਜਾਣਕਾਰੀ ਦਿੱਤੀ ਗਈ ਹੈ।
ਪੀੜਤ ਔਰਤ ਬਾਰੇ ਵੀਰਵਾਰ ਸ਼ਾਮ ਕਰੀਬ 4.30 ਵਜੇ ਪਤਾ ਲੱਗਿਆ ਸੀ।
ਪੀੜਤ ਔਰਤ ਔਸਟਿਨ ਐਵੀਨਿਊ ਦੇ 1100 block ਕੋਲ ਇੱਕ ਅੰਡਰਗਰਾਊਂਡ ਪਾਰਕੇਡ 'ਚ ਮਿਲੀ ਸੀ।
ਉਸ ਦੇ ਬਾਰੇ ਦੱਸਿਆ ਗਿਆ ਕਿ ਉਹ ਇਸੇ ਇਲਾਕੇ 'ਚ ਕੰਮ ਕਰਦੀ ਸੀ।
ਔਰਤ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ ਪਰ ਉਸ ਨੂੰ ਕੁਝ ਸਮੇਂ ਬਾਅਦ ਮ੍ਰਿਤ ਐਲਾਨ ਦਿੱਤਾ ਗਿਆ ਸੀ।
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਸ਼ੁਰੂਆਤੀ ਜਾਂਚ 'ਚ ਪਾਰਕੇਡ 'ਚ ਖੜੇ ਇੱਕ ਚਿੱਟੇ ਪਿਕ-ਅਪ ਟਰੱਕ 'ਤੇ ਧਿਆਨ ਕੇਂਦਰਿਤ ਹੋਣ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਜਾਂਚ ਅਧਿਕਾਰੀਆਂ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕਿਸੇ ਕੋਲ ਘਟਨਾ ਦੀ ਕੋਈ ਜਾਣਕਾਰੀ ਹੋਵੇ ਤਾਂ ਸਾਂਝੀ ਕੀਤੀ ਜਾਵੇ।
