12.67C Vancouver 12.67C VancouverMay 27, 2021 3:36 PM -
3 ਬਾਹਰਵੀਂ ਕਲਾਸ ਦੇ ਵਿਦਿਆਰਥੀਆਂ ਦੀ ਖ਼ਤਰਨਾਕ ਸੜਕ ਹਾਦਸੇ ਵਿੱਚ ਹੋਈ ਮੌਤ ਤੋਂ ਬਾਅਦ ਕਲੋਨਾ, ਬੀ.ਸੀ. ਵਿੱਚ ‘ਕ੍ਰਿਟਿਕਲ ਇੰਸੀਡੈਂਟ ਰਿਸਪੌਂਸ ਟੀਮ’ ਦੇ ਮੈਂਬਰ ਹਾਈ ਸਕੂਲ ਦੇ ਵਿਦਿਆਰਥੀਆਂ ਨੂੰ ਆਪਣੇ ਸਾਥੀਆਂ ਨਾਲ ਵਾਪਰੇ ਇਸ ਦੁਖਾਂਤ ਨਾਲ ਜੂਝਣ ਵਿੱਚ ਸਹਿਯੋਗ ਪ੍ਰਦਾਨ ਕਰ ਰਹੇ ਹਨ।
ਆਰ.ਸੀ.ਐਮ.ਪੀ. ਮੁਤਾਬਕ ਕਲੋਨਾ ਸੀਨੀਅਰ ਸੈਕੰਡਰੀ ਦੇ 3 ਵਿਦਿਆਰਥੀ ਇੱਕ ਹੌਂਡਾ ਸਿਵਿਕ ਸੇਡਾਨ ਵਿੱਚ ਸਨ ਜੱਦ ਬੁੱਧਵਾਰ ਤਕਰੀਬਨ ਅੱਧੀ ਰਾਤ ਨੂੰ ਉਨ੍ਹਾਂ ਦੀ ਗੱਡੀ ਇੱਕ ਖੰਭੇ ਨਾਲ ਜਾ ਟਕਰਾਈ।
ਇੱਕ 18 ਸਾਲਾ ਲੜਕੀ ਜੋ ਡਰਾਈਵਿੰਗ ਕਰ ਰਹੀ ਸੀ ਅਤੇ ਦੋ ਯਾਤਰੀਆਂ, ਇੱਕ 18 ਸਾਲਾ ਲੜਕੇ ਅਤੇ ਇੱਕ 17 ਸਾਲ ਦੀ ਲੜਕੀ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।
ਤਿੰਨੋਂ ਕੁਝ ਹਫਤਿਆਂ ਵਿੱਚ ਹੀ ਗਰੈਜੂਏਟ ਹੋਣ ਵਾਲੇ ਸਨ ਅਤੇ ਸਕੂਲ ਡਿਸਟ੍ਰਿਕਟ ਦੇ ਸੁਪਰੀਟੈਂਡੈਂਟ ਕੈਵਿਨ ਕਰਡਾਲ ਮੁਤਾਬਕ ਗ੍ਰੀਫ ਕਾਊਂਸਲਰ ਸਕੂਲ ਦੇ ਵਿਦਿਆਰਥੀਆਂ ਨੂੰ ਇਸ ਸਮੇਂ ਸਹਿਯੋਗ ਪ੍ਰਦਾਨ ਕਰ ਰਹੇ ਹਨ।
ਕਰਡਾਲ ਅਨੁਸਾਰ ਸਦਮੇ ਅਤੇ ਸੋਗ ਨਾਲ ਜੂਝ ਰਹੇ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨੂੰ ਇਸ ਸਮੇਂ ਸਹਿਯੋਗ ਦੀ ਬੇਹੱਦ ਲੋੜ ਹੈ।
ਕੌਂਸਟੇਬਲ ਸੋਲਾਨਾ ਪੇਅਰ ਦਾ ਕਹਿਣਾ ਹੈ ਕਿ ਪੁਲਿਸ ਬੁੱਧਵਾਰ ਨੂੰ ਕਾਫ਼ੀ ਸਮਾਂ ਹਾਦਸੇ ਵਾਲੀ ਜਗ੍ਹਾ 'ਤੇ ਹਾਦਸੇ ਦੇ ਕਾਰਨਾਂ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਸੀ।
