19.35C Vancouver 19.35C VancouverSep 30, 2020 3:41 PM -
ਲਿਬਰਲ ਸਰਕਾਰ ਵੱਲੋਂ ਕੋਵਿਡ -19 ਲਈ ਰਾਹਤ ਵਾਸਤੇ ਪ੍ਰਸਤਾਵਤ ਬਿੱਲ ਨੂੰ ਸਰਬਸੰਮਤੀ ਨਾਲ ਮਨਜ਼ੂਰੀ ਦੇ ਦਿੱਤੀ ਗਈ ਹੈ।
ਤਕਰੀਬਨ ਚਾਰ ਘੰਟੇ ਦੀ ਬਹਿਸ ਤੋਂ ਬਾਅਦ ਸਾਰੇ ਪਾਰਲੀਮੈਂਟ ਮੈਂਬਰਾਂ ਵੱਲੋਂ ਇਸ ਨੂੰ ਹਰੀ ਝੰਡੀ ਦੇ ਦਿੱਤੀ ਗਈ।
ਘੱਟ ਗਿਣਤੀ ਲਿਬਰਲ ਸਰਕਾਰ ਨੂੰ ਇਸ ਨਾਲ ਵਿਸ਼ਵਾਸ ਵੋਟ ਹਾਸਿਲ ਹੋ ਗਈ ਹੈ ਅਤੇ ਹੁਣ ਚੋਣਾਂ ਨਹੀਂ ਹੋਣਗੀਆਂ।
ਬਿੱਲ C-4 ਵਿੱਚ ਕੈਨੇਡਾ ਐਮਰਜੈਂਸੀ ਰਿਸਪਾਂਸ ਬੈਨੇਫਿਟ ਦੀ ਜਗ੍ਹਾ ਉੱਤੇ ਪ੍ਰੋਗਰਾਮ ਅਤੇ ਮੌਜੂਦਾ ਇੰਪਲਾਇਮੈਂਟ ਇੰਸ਼ੋਰੈਂਸ ਪ੍ਰੋਗਰਾਮ ਨੂੰ ਬੇਹਤਰ ਬਣਾਉਣ ਲਈ ਤਬਦੀਲੀਆਂ ਕਰਨਾ ਸ਼ਾਮਿਲ ਹੈ।
ਸੈਨੇਟ ਵੱਲੋਂ ਅੱਜ ਬਹਿਸ ਤੋਂ ਬਾਅਦ ਐਮਰਜੈਂਸੀ ਏਡ ਬਿੱਲ ਨੂੰ ਤੇਜ਼ੀ ਨਾਲ ਪਾਸ ਕਰਨ ਦੀ ਉਮੀਦ ਕੀਤੀ ਜਾ ਰਹੀ ਹੈ।
ਬਲੌਕ ਕਿਊਬੈਕੂਆ ਲੀਡਰ ਈਵ-ਫਰੌਨਸੁਆ ਬਲੈਨਸ਼ੈਟ ਨੇ ਬਿੱਲ ਦੀ ਮਨਜ਼ੂਰੀ ਨੂੰ "ਸ਼ੱਟ ਅੱਪ ਪ੍ਰੋਸੀਜਰ" ਦੱਸਿਆ ਹੈ।
ਬਲੈਨਸ਼ੈਟ ਮੁਤਾਬਕ ਪਾਰਲੀਮੈਂਟ ਵਿੱਚ ਮੈਂਬਰਾਂ ਦੀ ਚੋਣ ਕਾਨੂੰਨ ਦਾ ਵਿਸ਼ਲੇਸ਼ਣ ਅਤੇ ਸੁਧਾਰ ਕਰਨ ਲਈ ਕੀਤੀ ਜਾਂਦੀ ਹੈ ਅਤੇ ਲਿਬਰਲ ਪਾਰਟੀ ਨੇ ਜਲਦਬਾਜ਼ੀ ਵਿੱਚ ਬਿੱਲ ਰੱਖਕੇ ਸਿਆਸਤਦਾਨਾਂ ਨੂੰ ਸਹੀ ਢੰਗ ਨਾਲ ਆਪਣਾ ਕੰਮ ਨਹੀਂ ਕਰਨ ਦਿੱਤਾ।
ਬਲੈਨਸ਼ੈਟ ਅਤੇ ਕੰਜ਼ਰਵੇਟਿਵ ਲੀਡਰ ਏਰਿਨ ਓ’ ਟੂਲ ਕੋਵਿਡ-19 ਪੌਜ਼ਿਟਿਵ ਹੋਣ ਕਾਰਨ ਦੋ ਹਫਤੇ ਇਕੱਲਤਾ ਵਿੱਚ ਰਹਿਣ ਤੋਂ ਬਾਅਦ ਅੱਜ ਪਾਰਲੀਮੈਂਟ ਵਿੱਚ ਵਾਪਸੀ ਕਰ ਰਹੇ ਹਨ।
