19.16C Vancouver 19.16C VancouverSep 28, 2020 3:37 PM -
ਹਾਊਸ ਆਫ ਕਾਮਨਜ਼ ਦੇ ਪੱਤਝੜ ਦੇ ਸੈਸ਼ਨ ਦੇ ਪਹਿਲੇ ਹਫ਼ਤੇ ਦੀ ਸ਼ੁਰੂਆਤ ਅੱਜ ਸੋਮਵਾਰ ਤੋਂ ਹੋਣ ਜਾ ਰਹੀ ਹੈ।
ਕੰਜ਼ਰਵੇਟਿਵ ਲੀਡਰ ਏਰਿਨ ਓ’ਟੂਲ ਅਤੇ ਬਲੌਕ ਕਿਊਬੈਕੂਆ ਲੀਡਰ ਈਵ-ਫਰੌਨਸੁਆ ਬਲੈਨਸ਼ੈਟ ਅੱਜ ਆਪਣੀਆਂ ਸੀਟਾਂ ਤੇ ਮੌਜੂਦ ਹੋਣਗੇ।
ਦੋਵੇਂ ਵਿਰੋਧੀ ਲੀਡਰ ਕੋਵਿਡ-19 ਹੋ ਜਾਣ ਕਾਰਨ ਇਕੱਲਤਾ ਵਿੱਚ ਰਹਿ ਰਹੇ ਸਨ ਅਤੇ ਪਿੱਛਲੇ ਹਫਤੇ ਹਾਊਸ ਆਫ ਕਾਮਨਜ਼ ਵਿੱਚ ਮੌਜੂਦ ਨਹੀਂ ਸਨ।
ਲਿਬਰਲ ਪਾਰਟੀ ਵਲੋਂ ਪੇਸ਼ ਕੀਤੀ ਗਈ ‘ਥਰੋਨ ਸਪੀਚ’ ਬਾਰੇ ਜਿਥੇ ਇਹ ਦੋਵੇਂ ਆਪਣਾ ਪ੍ਰਤੀਕਰਮ ਪੇਸ਼ ਕਰਨਗੇ, ਓਥੇ ਹੀ ਪਾਰਲੀਮੈਂਟ ਵਿੱਚ ਸਰਕਾਰ ਵੱਲੋਂ ਪ੍ਰਸਤਾਵਤ ਕੀਤੇ ਗਏ ਕੋਵਿਡ-19 ਸੰਬੰਧੀ ਮਤੇ ਬਾਰੇ ਬਹਿਸ ਦੀ ਸ਼ੁਰੂਆਤ ਵੀ ਅੱਜ ਤੋਂ ਹੋਵੇਗੀ।
ਸਰਕਾਰ ਮਹਾਂਮਾਰੀ ਨਾਲ ਸੰਬੰਧਤ ਨਵੇਂ ਬੈਨੇਫਿਟ ਪ੍ਰੋਗਰਾਮ ਨੂੰ ਮੌਜੂਦਾ ਇੰਪਲਾਇਮੈਂਟ ਇੰਸ਼ੋਰੈਂਸ ਸਿਸਟਮ ਦੀ ਛੱਤਰ ਛਾਇਆ ਹੇਠ ਰੱਖਣ ਦੀ ਇੱਛੁਕ ਹੈ ਅਤੇ ਨਾਲ ਹੀ ਜੋ ਲੋਕ ਕੋਵਿਡ-19 ਕਾਰਨ ਕੰਮ ਨਹੀਂ ਕਰ ਸਕਦੇ ਉਨ੍ਹਾਂ ਨੂੰ ‘ਪੇਡ ਸਿੱਕ ਲੀਵ’ ਮੁਹੱਈਆ ਕਰਵਾਉਣ ਦੀ ਵੀ ਯੋਜਨਾ ਹੈ।
ਐਨ.ਡੀ.ਪੀ. ਵੱਲੋਂ ਲਿਬਰਲ ਸਰਕਾਰ ਦੀ ਥਰੋਨ ਸਪੀਚ ਵਿੱਚ ਪ੍ਰਸਤਾਵਤ ਨਵੇਂ ਬੇਨੈਫਿਟ ਪ੍ਰੋਗਰਾਮ ਅਤੇ ਪੇਡ ਸਿੱਕ ਲੀਵ ਨੂੰ ਸਮਰਥਨ ਦਿੱਤਾ ਜਾ ਰਿਹਾ ਹੈ।
ਜਿਥੇ ਟੋਰੀ ਅਤੇ ਬਲੌਕ ਕਿਊਬੈਕੂਆ ਨੇ ਕਿਹਾ ਹੈ ਕਿ ਉਹ ਸਪੀਚ ਦੇ ਵਿਰੋਧ ਵਿੱਚ ਵੋਟ ਪਾਉਣਗੇ ਓਥੇ ਹੀ ਐਨ.ਡੀ.ਪੀ. ਦੇ ਸਹਿਯੋਗ ਨਾਲ ਲਿਬਰਲ ਪਾਰਟੀ ਦੇ ਘੱਟ ਗਿਣਤੀ ਸਰਕਾਰ ਬਣਾਈ ਰੱਖਣ ਦੀ ਉਮੀਦ ਹੈ।
