18.76C Vancouver 18.76C VancouverFeb 4, 2021 9:29 PM -
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਕਨੇਡੀਅਨ ਪਾਣੀਆਂ ਦੇ ਵਿੱਚ ਕਰੂਜ਼ ਸਮੁੰਦਰੀ ਜਹਾਜ਼ਾਂ 'ਤੇ ਲੱਗਿਆ ਬੈਨ ਇੱਕ ਹੋਰ ਸਾਲ ਲਈ ਵਧਾਇਆ ਜਾ ਰਿਹਾ ਹੈ।
ਇਹ ਬੈਨ ਹੁਣ 28 ਫਰਵਰੀ 2022 ਤੱਕ ਲਈ ਵਧਾ ਦਿੱਤਾ ਗਿਆ ਹੈ।
ਇਹ ਬੈਨ 100 ਤੋਂ ਵੱਧ ਸਵਾਰੀਆਂ ਵਾਲੇ ਕਰੂਜ਼ ਜਹਾਜ਼ਾਂ ਅਤੇ ਸਾਰੇ ਖੁਸ਼ੀ ਜਾਂ ਮਸਤੀ ਲਈ ਵਰਤੇ ਜਾਂਦੇ ਜਹਾਜ਼ਾਂ 'ਤੇ ਲਾਗੂ ਹੋਵੇਗਾ।
ਹਾਲਾਂਕਿ ਇਸ 'ਚ ਆਰਕਟਿਕ ਇਲਾਕੇ 'ਚ ਨਿਜੀ ਵਰਤੋਂ ਵਾਲੇ ਜਹਾਜ਼ਾਂ ਦੀ ਇਜਾਜ਼ਤ ਹੋਵੇਗੀ।
ਇਸ ਬੈਨ ਦੀ ਸ਼ੁਰੂਆਤ ਬੀਤੇ ਸਾਲ ਕੀਤੀ ਗਈ ਸੀ।
ਇਸ ਬੈਨ ਦਾ ਅੰਤ ਇਸ ਸਾਲ ਫਰਵਰੀ ਦੇ ਅੰਤ 'ਚ ਹੋਣਾ ਸੀ।
ਟਰਾਂਸਪੋਰਟ ਮੰਤਰੀ ਓਮਰ ਅਲਘਾਬਰਾ ਵੱਲੋਂ ਜਾਰੀ ਇੱਕ ਨਿਊਜ਼ ਰਿਲੀਜ਼ 'ਚ ਕਿਹਾ ਗਿਆ ਹੈ ਕਿ ਕੋਵਿਡ-19 ਦੇ ਫੈਲਾਅ ਨੂੰ ਘਟਾਉਣ ਲਈ ਇਹ ਕਦਮ ਜ਼ਰੂਰੀ ਹਨ।
ਉਨ੍ਹਾਂ ਕਿਹਾ ਕਿ ਇਸ ਦੇ ਨਾਲ ਪਬਲਿਕ ਹੈਲਥ ਅਥਾਰਿਟੀਸ ਵੈਕਸੀਨ ਰੋਲ-ਆਊਟ ਅਤੇ ਨਵੇਂ ਵੇਰੀਐਂਟਸ ਜਿਹੇ ਅਹਿਮ ਮਾਮਲਿਆਂ 'ਤੇ ਵਧੇਰੇ ਧਿਆਨ ਕੇਂਦਰਿਤ ਕਰ ਸਕਦੀਆਂ ਹਨ।
ਕਨੇਡੀਅਨ ਲੋਕਾਂ ਨੂੰ ਕਰੂਜ਼ 'ਤੇ ਯਾਤਰਾ ਕਰਨ ਤੋਂ ਬਚਾਅ ਕਰਨ ਨੂੰ ਵੀ ਆਖਿਆ ਗਿਆ ਹੈ।
