17.45C Vancouver 17.45C VancouverDec 6, 2022 11:16 PM - The Canadian Press
ਕੈਨੇਡਾ ਦੀ ਔਡੀਟਰ ਜਨਰਲ ਦਾ ਕਹਿਣਾ ਹੈ ਕਿ ਦੇਸ਼ 'ਚ ਕੋਵਿਡ-19 ਪੈਂਡੈਮਿਕ ਦਰਮਿਆਨ ਫੈਡਰਲ ਸਰਕਾਰ ਨੇ ਤੁਰੰਤ ਬੈਨੀਫਿਟਸ ਦੇਣੇ ਅਰੰਭ ਦਿੱਤੇ ਸਨ ਅਤੇ ਇਸ ਨਾਲ ਵਿੱਤੀ ਨੁਕਸਾਨ ਨਾਲ ਨਜਿੱਠਣ 'ਚ ਮਦਦ ਮਿਲੀ, ਪਰ ਕੈਰਨ ਹੋਗਨ ਨੇ ਨਾਲ ਹੀ ਕਿਹਾ ਕਿ ਫੈਡਰਲ ਸਰਕਾਰ ਨੇ ਬੈਨੀਫਿਟਸ ਦੀ ਵੰਢ ਸਮੇਂ ਹੋਈਆਂ ਓਵਰਪੇਮੈਂਟਸ ਦੀ ਰਿਕਵਰੀ ਲਈ ਲੋੜ ਅਨੁਸਾਰ ਕਦਮ ਨਹੀਂ ਚੁੱਕੇ।
ਕੈਰਨ ਹੋਗਨ ਨੇ ਕਿਹਾ ਕਿ ਫੈਡਰਲ ਸਰਕਾਰ ਦੇ ਬੈਨੀਫਿਟਸ ਆਸਰੇ ਵਰਕਰਾਂ ਅਤੇ ਐਂਪਲਾਇਰਸ ਕੋਲ ਪੈਸਾ ਪਹੁੰਚਿਆ ਅਤੇ ਇਕਾਨਮੀ ਦੀ ਰਫਤਾਰ ਜਾਰੀ ਰਹੀ।
ਪਰ ਨਾਲ ਹੀ ਉਨ੍ਹਾਂ ਦੀ ਰਿਪੋਰਟ 'ਚ ਸਾਹਮਣੇ ਆਇਆ ਕਿ ਕੈਨੇਡਾ ਰੈਵੀਨਿਊ ਏਜੈਂਸੀ, ਅਤੇ ਐਂਪਲਾਇਮੈਂਟ ਅਤੇ ਸੋਸ਼ਲ ਡਵੈਲਪਮੈਂਟ ਕੈਨੇਡਾ ਨੇ ਪੇਮੈਂਟਸ ਨੂੰ ਵੇਰੀਫਾਈ ਕਰਨ ਲਈ ਲੋੜੀਂਦਾ ਕਦਮ ਨਹੀਂ ਚੁੱਕੇ।
ਹੋਗਨ ਦਾ ਕਹਿਣਾ ਹੈ ਕਿ ਇਨ੍ਹਾਂ ਬੈਨੀਫਿਟਸ 'ਚ $4.6 ਬਿਲੀਅਨ ਅਜਿਹੇ ਲੋਕਾਂ ਕੋਲ ਪਹੁੰਚੇ ਜੋ ਐਲੀਜੀਬਲ ਨਹੀਂ ਸਨ।
ਉਨ੍ਹਾਂ ਨਾਲ ਹੀ ਕਿਹਾ ਕਿ ਇਸ ਤੋਂ ਇਲਾਵਾ ਲੋਕਾਂ ਅਤੇ ਵਪਾਰਾਂ ਨੂੰ ਹੋਈ $27.4 ਬਿਲੀਅਨ ਦੀ ਪੇਮੈਂਟ ਦੀ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ।
ਵੈਕਸੀਨ ਪ੍ਰੋਕਿਓਰਮੈਂਟ 'ਤੇ ਵੀ ਚੁੱਕੇ ਸਵਾਲ
ਕੈਨੇਡਾ ਦੀ ਔਡੀਟਰ ਜਨਰਲ ਦਾ ਕਹਿਣਾ ਹੈ ਕਿ ਫੈਡਰਲ ਸਰਕਾਰ ਨੇ ਕੋਵਿਡ-19 ਪੈਂਡੈਮਿਕ ਦਰਮਿਆਨ ਵੈਕਸੀਨਸ ਦੀ ਪ੍ਰੋਕਿਓਰਮੈਂਟ 'ਚ ਚੰਗਾ ਕੰਮ ਕੀਤਾ ਪਰ ਜਾਪਦਾ ਹੈ ਕਿ ਫੈਡਰਲ ਸਰਕਾਰ ਨੇ ਜ਼ਰੂਰਤ ਤੋਂ ਵਧੇਰੇ ਵੈਕਸੀਨਸ ਮੰਗਵਾ ਲਈਆਂ।
ਕੈਰਨ ਹੋਗਨ ਨੇ ਕਿਹਾ ਕਿ ਫੈਡਰਲ ਸਰਕਾਰ ਕੋਲ ਕੋਵਿਡ-19 ਵੈਕਸੀਨਸ ਦੀ ਓਵਰਸਪਲਾਈ ਹੈ ਅਤੇ ਸਾਲ ਦੇ ਅੰਤ ਤੱਕ ਇਸ 'ਚ ਬਹੁਤੀਆਂ ਵੈਕਸੀਨਸ ਐਕਸਪਾਇਰ ਕਰ ਜਾਣਗੀਆਂ ਅਤੇ ਵਿਅਰਥ ਹੋ ਜਾਣਗੀਆਂ।
ਔਡੀਟਰ ਜਨਰਲ ਨੇ ਪਬਲਿਕ ਹੈਲਥ ਏਜੈਂਸੀ ਆਫ ਕੈਨੇਡਾ ਅਤੇ ਪ੍ਰੋਕਿਓਰਮੈਂਟ ਕੈਨੇਡਾ ਨੂੰ ਤੁਰੰਤ ਵੈਕਸੀਨਸ ਹਾਸਿਲ ਕਰਨ ਅਤੇ ਵੈਕਸੀਨੇਸ਼ਨ ਟੀਚੇ ਹਾਸਿਲ ਕਰਨ ਲਈ ਸ਼ਾਬਾਸ਼ੀ ਦਿੱਤੀ ਪਰ ਨਾਲ ਹੀ ਕਿਹਾ ਕਿ ਸਰਕਾਰ ਨੇ ਇਸ ਸਪਲਾਈ ਨੂੰ ਮੈਨੇਜ ਕਰਨ 'ਚ ਨਿਰਾਸ਼ਾਜਨਕ ਕੰਮ ਕੀਤਾ।
