16.09C Vancouver 16.09C VancouverMar 15, 2021 3:15 PM -
ਬ੍ਰਿਟਿਸ਼ ਕੋਲੰਬੀਆ ਦੇ ਸਿਹਤ ਅਧਿਕਾਰੀਆਂ ਮੁਤਾਬਕ ਇਸ ਹਫ਼ਤੇ ਤੋਂ 80 ਤੋਂ 84 ਸਾਲ ਦੀ ਉਮਰ ਦੇ ਬਜ਼ੁਰਗ ਅਤੇ 65 ਸਾਲ ਤੋਂ ਵੱਧ ਉਮਰ ਦੇ ਇੰਡੀਜਨਸ ਲੋਕ ਸੂਬੇ ਵਿੱਚ ਕੋਵਿਡ-19 ਦੇ ਟੀਕੇ ਹਾਸਲ ਕਰਨ ਲਈ ਆਪਣੀਆਂ ਅਪਾਇੰਟਮੈਂਟ ਬੁੱਕ ਕਰ ਸਕਣਗੇ।
ਐਤਵਾਰ ਦੁਪਹਿਰ ਨੂੰ ਜਾਰੀ ਕੀਤੇ ਗਏ ਬਿਆਨ ਮੁਤਾਬਕ ਇਹ ਗਰੁੱਪ ਆਪਣੇ ਨਿਰਧਾਰਤ ਸਮੇਂ ਤੋਂ ਇੱਕ ਹਫ਼ਤਾ ਪਹਿਲਾਂ ਆਪਣੀ ਅਪਾਇੰਟਮੈਂਟ ਬੁੱਕ ਕਰ ਸਕੇਗਾ।
ਬੀ.ਸੀ. ਵਿੱਚ ਆਉਣ ਵਾਲੇ ਦਿਨਾਂ ਵਿੱਚ ਅਪੌਇੰਟਮੈਂਟ ਬੁੱਕ ਕਰਨ ਲਈ ਕਾਲ ਸੈਂਟਰਾਂ ਦੀ ਸਮਾਂਸੂਚੀ ਕੁਝ ਇਸ ਤਰ੍ਹਾਂ ਹੈ - ਸੋਮਵਾਰ, 15 ਮਾਰਚ ਤੋਂ ਦੁਪਹਿਰੇ 12 ਵਜੇ ਤੋਂ 84 ਸਾਲ ਅਤੇ ਵੱਧ, ਮੰਗਲਵਾਰ ਨੂੰ 83 ਸਾਲ ਅਤੇ ਵੱਧ, ਬੁੱਧਵਾਰ ਨੂੰ 82 ਸਾਲ ਅਤੇ ਵੱਧ, ਵੀਰਵਾਰ ਨੂੰ 81 ਸਾਲ ਅਤੇ ਵੱਧ ਅਤੇ ਸ਼ੁੱਕਰਵਾਰ ਨੂੰ 80 ਸਾਲ ਅਤੇ ਵੱਧ ਉਮਰ ਦੇ ਲੋਕ ਅਪਾਇੰਟਮੈਂਟ ਬੁੱਕ ਕਰ ਸਕਦੇ ਹਨ।
ਸੂਬੇ ਦੀ ਹਰ ਹੈਲਥ ਅਥਾਰਿਟੀ ਦੇ ਕਾਲ ਸੈਂਟਰ ਹਫ਼ਤੇ ਦੇ 7 ਦਿਨ ਸਵੇਰੇ 7 ਵਜੇ ਤੋਂ ਸ਼ਾਮ 7 ਵਜੇ ਤੱਕ ਖੁੱਲ੍ਹੇ ਹਨ।
ਅਧਿਕਾਰੀਆਂ ਅਨੁਸਾਰ 80 ਤੋਂ 84 ਸਾਲ ਦੀ ਉਮਰ ਦੇ ਤਕਰੀਬਨ 100,000 ਬਜ਼ੁਰਗ ਸੂਬੇ ਵਿੱਚ ਮੌਜੂਦ ਹਨ ਜੋ ਫੋਨ ਰਾਹੀਂ ਆਪਣੀਆਂ ਅਪਾਇੰਟਮੈਂਟ ਬੁੱਕ ਕਰ ਸਕਣਗੇ ਅਤੇ ਫਰੇਜ਼ਰ ਹੈਲਥ ਇਲਾਕੇ ਵਿੱਚ ਬੁਕਿੰਗ ਔਨਲਾਈਨ ਵੀ ਕੀਤੀ ਜਾ ਸਕਦੀ ਹੈ।
ਹੈਲਥ ਮਿਨਿਸਟਰ ਐਡਰਿਅਨ ਡਿਕਸ ਮੁਤਾਬਕ ਆਉਣ ਵਾਲੇ ਦਿਨਾਂ ਵਿੱਚ ਔਨਲਾਈਨ ਸਿਸਟਮ ਸੂਬੇ ਦੇ ਬਾਕੀ ਹਿੱਸਿਆਂ ਵਿੱਚ ਵੀ ਉਪਲੱਭਦ ਹੋਵੇਗਾ।
ਸੋਮਵਾਰ 15 ਮਾਰਚ ਤੋਂ ਸੂਬੇ ਦੇ 90 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਅਤੇ ਇੰਡੀਜਨਸ ਬਜ਼ੁਰਗਾਂ ਨੂੰ ਟੀਕੇ ਲਾਉਣ ਦੀ ਸ਼ੁਰੂਆਤ ਕੀਤੀ ਜਾ ਰਹੀ ਹੈ।
