27.84C Vancouver 27.84C VancouverApr 4, 2020 1:24 AM -
ਪੰਜਾਬ 'ਚ ਨਰਸਾਂ ਨੇ ਸੂਬਾ ਸਰਕਾਰ ਦੇ ਖਿਲਾਫ ਧਰਨੇ ਦਿੱਤੇ ਹਨ।
ਅਜਿਹਾ ਉਸ ਵੇਲੇ ਕੀਤਾ ਗਿਆ ਹੈ, ਜਦ ਨਰਸਾਂ ਅਤੇ ਮੈਡੀਕਲ ਸਟਾਫ ਨੂੰ ਨਿਜੀ ਸੁਰੱਖਿਆ ਉਪਕਰਨਾਂ (ਪਰਸਨਲ ਪ੍ਰੋਟੈਕਟਿਵ ਇਕਵਿਪਮੈਂਟ) 'ਚ ਕਮੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਇੱਕ ਨਰਸ ਦਾ ਕਹਿਣਾ ਸੀ ਕਿ ਉਨ੍ਹਾਂ ਦੇ ਹਸਪਤਾਲ 'ਚ ਪੀ.ਪੀ.ਈ. ਦੀ ਕਮੀ ਹੈ, ਅਤੇ ਉਨ੍ਹਾਂ ਹਸਪਤਾਲ ਦੇ ਹਰ ਸਟਾਫ ਮੈਂਬਰ ਲਈ ਪੀ.ਪੀ.ਈ. ਕਿਟਾਂ ਦੇ ਪ੍ਰਬੰਧ ਕਰਨ ਦੀ ਮੰਗ ਕੀਤੀ।
ਉਨ੍ਹਾਂ ਕਿਹਾ ਕਿ ਅਜਿਹਾ ਇਸਲਈ ਜਰੂਰੀ ਹੈ ਕਿ ਆਪਣੀ ਖੁਦ ਦੀ ਸੁਰੱਖਿਆ ਤੋਂ ਧਿਆਨ ਹਟਾ ਕੇ ਹਰ ਮਰੀਜ ਦੀ ਬੇਹਤਰ ਤਰੀਕੇ ਨਾਲ ਦੇਖਭਾਲ ਕੀਤੀ ਜਾ ਸਕੇ।
ਯਾਦ ਰਹੇ ਪੰਜਾਬ 'ਚ ਹੁਣ ਤਕ ਕੋਰੋਨਾ ਵਾਇਰਸ ਦੇ 51 ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
ਇਸਤੋਂ ਅਲਾਵਾ 5 ਲੋਕਾਂ ਦੀ ਜਾਨ ਵੀ ਜਾ ਚੁੱਕੀ ਹੈ।
ਸ਼ੁੱਕਰਵਾਰ ਤਕ ਭਾਰਤ 'ਚ ਵਾਇਰਸ ਸੰਬੰਧੀ 2,301 ਮਾਮਲੇ ਸਾਹਮਣੇ ਆ ਚੁੱਕੇ ਸਨ, ਜਦਕਿ 56 ਲੋਕਾਂ ਦੀ ਜਾਨ ਜਾ ਚੁੱਕੀ ਸੀ।
