17.54C Vancouver 17.54C VancouverJan 8, 2021 4:00 AM -
ਅੱਜ ਬੀ.ਸੀ. 'ਚ ਕੋਵਿਡ-19 ਦੇ 761 ਹੋਰ ਮਾਮਲੇ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਦੁੱਖ ਦੀ ਗੱਲ ਸੀ ਕਿ 8 ਹੋਰ ਵਾਇਰਸ ਪੀੜਤਾਂ ਦੇ ਦਮ ਤੋੜਨ ਬਾਰੇ ਦੱਸਿਆ ਗਿਆ।
ਹੁਣ ਬੀ.ਸੀ. 'ਚ ਕੋਵਿਡ-19 ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 56,015 ਤੱਕ ਪਹੁੰਚ ਗਈ ਹੈ।
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਵੱਲੋਂ ਅੱਜ ਦੇ ਮਾਮਲਿਆਂ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 970 ਹੋ ਗਈ ਹੈ।
ਬੀ.ਸੀ. 'ਚ ਵਾਇਰਸ ਸੰਬੰਧੀ ਐਕਟਿਵ ਮਾਮਲੇ 6,349 ਤੱਕ ਪਹੁੰਚ ਗਏ ਹਨ।
ਕੁੱਲ 372 ਲੋਕ ਹਸਪਤਾਲ 'ਚ ਦਾਖਿਲ ਹਨ, ਤੇ ਇਸ 'ਚ 74 ਨੂੰ ਆਈ.ਸੀ.ਯੂ. 'ਚ ਰੱਖਿਆ ਗਿਆ ਹੈ।
ਬੀ.ਸੀ. 'ਚ ਕੋਵਿਡ-19 ਮਾਮਲਿਆਂ ਦੀ ਰਿਪੋਰਟਿੰਗ 'ਚ ਕੀਤਾ ਜਾ ਰਿਹਾ ਬਦਲਾਅ
ਡਾ. ਬੌਨੀ ਹੈਨਰੀ ਨੇ ਦੱਸਿਆ ਹੈ ਕਿ, ਬੀ.ਸੀ. 'ਚ ਰਿਪੋਰਟ ਕੀਤੇ ਜਾਣ ਵਾਲੇ ਕੋਵਿਡ-19 ਮਾਮਲਿਆਂ ਦੀ ਰਿਪੋਰਟਿੰਗ 'ਚ ਹੁਣ ਕੁਝ ਬਦਲਾਅ ਕੀਤੇ ਜਾ ਰਹੇ ਹਨ।
ਵੀਰਵਾਰ ਦੇ ਮਾਮਲਿਆਂ ਦੀ ਜਾਣਕਾਰੀ ਦਿੰਦੇ ਹੋਏ ਡਾ. ਬੌਨੀ ਹੈਨਰੀ ਨੇ ਦੱਸਿਆ ਕਿ ਹੁਣ ਸਿਰਫ ਇੱਕੋ ਪੂਰੇ ਦਿਨ ਦੇ ਮਾਮਲੇ ਰਿਪੋਰਟ ਕੀਤੇ ਜਾਇਆ ਕਰਨਗੇ।
ਉਦਾਹਰਣ ਵਜੋਂ ਵੀਰਵਾਰ ਨੂੰ ਰਿਪੋਰਟ ਹੋਏ ਮਾਮਲੇ ਬੁੱਧਵਾਰ ਦੇ ਪੂਰੇ ਦਿਨ ਦੇ ਹੋਣਗੇ ਅਤੇ ਬੁੱਧਵਾਰ ਸਵੇਰ ਤੋਂ ਵੀਰਵਾਰ ਸਵੇਰ ਤੱਕ ਦੇ ਨਹੀਂ ਹੋਣਗੇ।
ਪਹਿਲਾਂ ਇਹ ਰਿਪੋਰਟਿੰਗ 24 ਘੰਟੇ ਦੇ ਗੇੜ ਦੀ ਹੁੰਦੀ ਸੀ ਪਰ ਹੁਣ ਇਹ ਕਲੰਡਰ ਡੇਟ ਦੇ ਅਨੁਸਾਰ ਕੀਤੀ ਜਾਵੇਗੀ।
ਜਾਣਕਾਰੀ ਦਿੱਤੀ ਗਈ ਕਿ ਇਹ ਤੇਜ਼ ਰਿਪ੍ਰਟਿੰਗ ਦਾ ਸਿਸਟਮ ਹੁਣ ਇਸਲਈ ਅਪਣਾਇਆ ਜਾ ਸਕਦਾ ਹੈ ਕਿਉਂਕਿ ਹੁਣ ਬੀ.ਸੀ. ਸੈਂਟਰ ਫਾਰ ਡਿਜ਼ੀਜ਼ ਕੰਟਰਲ ਕੋਲ ਲੈਬਸ ਤੋਂ ਸਿੱਧੇ ਹੀ ਟੈਸਟ ਨਤੀਜੇ ਪਹੁੰਚ ਰਹੇ ਹਨ ਅਤੇ ਉਨ੍ਹਾਂ ਨੂੰ ਲੋਕਲ ਸਿਹਤ ਅਥਾਰਿਟੀਸ 'ਤੇ ਨਿਰਭਰ ਨਹੀਂ ਹੋਣਾ ਪੈ ਰਿਹਾ।
ਹਾਲਾਂਕਿ ਇਸ ਦੇ ਚਲਦਿਆਂ ਕੁਝ ਦਿਨਾਂ ਲਈ ਹਰ ਰੋਜ਼ ਦੇ ਵਧੇਰੇ ਮਾਮਲੇ ਰਿਪੋਰਟ ਹੋਣ ਦੀ ਸੰਭਾਵਨਾ ਦੱਸੀ ਗਈ ਹੈ।
ਬੀ.ਸੀ. 'ਚ ਜਾਰੀ ਕੋਵਿਡ-19 ਪਬੰਦੀਆਂ 5 ਫਰਵਰੀ ਤੱਕ ਵਧਾਈਆਂ
ਬੀ.ਸੀ. 'ਚ ਜਾਰੀ ਕੋਵਿਡ-19 ਸੰਬੰਧੀ ਪਬੰਦੀਆਂ ਨੂੰ ਕਰੀਬ ਇੱਕ ਹੋਰ ਮਹੀਨੇ ਲਈ ਵਧਾ ਦਿੱਤਾ ਗਿਆ ਹੈ।
ਪਹਿਲਾਂ ਇਹਨਾਂ ਪਬੰਦੀਆਂ ਨੂੰ 7 ਜਨਵਰੀ ਤੱਕ ਲਾਗੂ ਕੀਤਾ ਗਿਆ ਸੀ।
ਹੁਣ ਇਹ ਪਬੰਦੀਆਂ 5 ਫਰਵਰੀ ਤੱਕ ਜਾਰੀ ਰੱਖਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਹਨਾਂ ਪਬੰਦੀਆਂ ਦੌਰਾਨ ਇੱਕੋ ਘਰ ਦੇ ਬਾਹਰ ਦੇ ਸੋਸ਼ਲ ਇਕੱਠ 'ਤੇ ਰੋਕ ਜਿਹੇ ਨਿਰਦੇਸ਼ ਜਾਰੀ ਰਹਿਣਗੇ।
ਪਬਲਿਕ ਅਤੇ ਪ੍ਰਾਈਵੇਟ ਥਾਵਾਂ 'ਤੇ ਇਕੱਠਾਂ ਅਤੇ ਖੇਡਾਂ ਅਤੇ ਫਿਟਨੈਸ ਦੀਆਂ ਥਾਵਾਂ 'ਤੇ ਜਾਰੀ ਪਬੰਦੀਆਂ ਨੂੰ ਵੀ ਅੱਗੇ ਵਧਾਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਡਾ. ਬੌਨੀ ਹੈਨਰੀ ਨੇ ਇਸ ਬਾਰੇ ਐਲਾਨ ਕਰਦਿਆਂ ਕਿਹਾ ਕਿ, "ਇਹੀ ਸਹੀ ਸਮਾਂ ਹੈ ਕਿ ਰਸਤਾ ਨਾ ਭਟਕਿਆ ਜਾਵੇ।" ਉਨ੍ਹਾਂ ਕਿਹਾ ਕਿ, "ਸਾਨੂੰ ਪਤਾ ਹੈ ਇਸ ਕਰਵਾ 'ਤੇ ਝੁਕਾਅ ਲਿਆਉਣ ਲਈ ਕੀ ਕਰਨਾ ਹੈ। ਅਸੀਂ ਇਹ ਝੁਕਾਅ ਸਰਦੀਆਂ ਦੀਆਂ ਛੁੱਟੀਆਂ ਤੋਂ ਪਹਿਲਾਂ ਵੀ ਲਿਆਂਦਾ ਸੀ, ਅਤੇ ਅਸੀਂ ਅਜਿਹੇ ਫਿਰ ਤੋਂ ਕਰਕੇ ਵਿਖਾਵਾਂਗੇ।"
