10.14C Vancouver 10.14C VancouverDec 8, 2020 3:43 AM -
ਅੱਜ ਬੀ.ਸੀ. 'ਚ ਕੋਵਿਡ-19 ਦੇ 2,020 ਹੋਰ ਮਾਮਲੇ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਦੁੱਖ ਦੀ ਗੱਲ ਸੀ ਕਿ 35 ਵਾਇਰਸ ਪੀੜਤਾਂ ਦੇ ਦਮ ਤੋੜਨ ਬਾਰੇ ਦੱਸਿਆ ਗਿਆ।
ਹੁਣ ਬੀ.ਸੀ. 'ਚ ਕੋਵਿਡ-19 ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 38,152 ਹੋ ਗਈ ਹੈ।
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਵੱਲੋਂ ਅੱਜ ਦੇ ਮਾਮਲਿਆਂ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 527 ਹੋ ਗਈ ਹੈ।
ਬੀ.ਸੀ. 'ਚ ਵਾਇਰਸ ਸੰਬੰਧੀ ਐਕਟਿਵ ਮਾਮਲੇ 9,380 ਤੱਕ ਪਹੁੰਚ ਗਏ ਹਨ।
ਕੁੱਲ 349 ਲੋਕ ਹਸਪਤਾਲ 'ਚ ਦਾਖਿਲ ਹਨ, ਤੇ ਇਸ 'ਚ 77 ਨੂੰ ਆਈ.ਸੀ.ਯੂ. 'ਚ ਰੱਖਿਆ ਗਿਆ ਹੈ।
ਸੂਬੇ 'ਚ ਪਬੰਦੀਆਂ ਨੂੰ 8 ਜਨਵਰੀ ਤੱਕ ਜਾਰੀ ਰੱਖਣ ਦਾ ਐਲਾਨ
ਬੀ.ਸੀ. 'ਚ ਕੋਵਿਡ-19 ਸੰਬੰਧੀ ਜਾਰੀ ਪਬੰਦੀਆਂ ਨੂੰ 8 ਜਨਵਰੀ ਤੱਕ ਜਾਰੀ ਰੱਖਣ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਇਕੱਠਾਂ ਸੰਬੰਧੀ ਪਬੰਦੀਆਂ ਨੂੰ 8 ਜਨਵਰੀ ਤੱਕ ਜਾਰੀ ਰੱਖਿਆ ਜਾਵੇਗਾ।
ਸਾਰੇ ਹੀ ਧਾਰਮਿਕ ਸੇਵਾਵਾਂ ਜਾਂ ਕਮਿਊਨਿਟੀ ਅਤੇ ਸੋਸ਼ਲ ਇਕੱਠਾਂ 'ਤੇ ਵੀ ਪਬੰਦੀਆਂ ਜਾਰੀ ਰਹਿਣਗੀਆਂ।
ਹਾਈ ਇੰਟੈਂਸਿਟੀ ਗਰੁੱਪ ਫਿਟਨੈਸ, ਜਿਸ 'ਚ ਕਿ ਇੰਟਰਵਲ ਟ੍ਰੇਨਿੰਗ, ਹੌਟ ਯੋਗਾ ਅਤੇ ਸਪਿਨ ਕਲਾਸਾਂ ਸ਼ਾਮਿਲ ਹਨ, ਉਸ 'ਤੇ ਵੀ ਪਬੰਦੀ ਜਾਰੀ ਰੱਖੀ ਗਈ ਹੈ।
ਹਾਲਾਂਕਿ ਕੁਝ ਰਿਆਇਤ ਦਿੱਤੀ ਗਈ ਹੈ, ਜਿਵੇਂ ਕਿ ਲਾਈਟ ਫੈਸਟੀਵਲ ਜਿਹੇ ਡ੍ਰਾਈਵ ਥਰੂ ਈਵੈਂਟ ਅਤੇ ਡਰੌਪ ਔਫ ਟੌਏ ਡ੍ਰਾਈਵਸ ਦੀ ਢਿੱਲ ਹੋਵੇਗੀ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਵੈਕਸੀਨ ਆਉਣ ਦੀ ਖਬਰ ਬੇਹੱਦ ਰਾਹਤ ਭਰੀ
ਅੱਜ ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ, ਅੱਜ ਵੈਕਸੀਨ ਸੰਬੰਧੀ ਪਹੁੰਚੀ ਖਬਰ ਬੇਹੱਦ ਰਾਹਤ ਭਰੀ ਹੈ।
ਉਨ੍ਹਾਂ ਕਿਹਾ ਕਿ ਅਗਲੇ ਹਫ਼ਤੇ ਤੱਕ ਬੀ.ਸੀ. 'ਚ ਪਹਿਲੀ ਵੈਕਸੀਨ ਪਹੁੰਚਣ ਦੀ ਆਸ ਹੈ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਵਾਇਰਸ ਸੰਬੰਧੀ ਸੰਘਰਸ਼ 'ਚ ਇਹ ਇੱਕ ਅਹਿਮ ਘੜੀ ਹੋਵੇਗੀ।
