11.85C Vancouver 11.85C VancouverDec 10, 2021 8:18 PM - The Canadian Press
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਨੇ ਦੇਸ਼ 'ਚ ਕੋਵਿਡ-19 ਦੇ ਓਮੀਕਰੌਨ ਵੇਰੀਐਂਟ ਸੰਬੰਧੀ ਜਾਣਕਾਰੀ ਸਾਂਝੀ ਕੀਤੀ ਹੈ।
ਉਨ੍ਹਾਂ ਦੱਸਿਆ ਕਿ ਕੈਨੇਡਾ 'ਚ ਹੁਣ ਤਕ ਇਸ ਵਾਇਰਸ ਦੇ 87 ਮਾਮਲੇ ਰਿਪੋਰਟ ਹੋ ਚੁੱਕੇ ਹਨ।
ਉਨ੍ਹਾਂ ਇਸ ਵੇਰੀਐਂਟ ਦੀ ਗੰਭੀਰਤਾ ਬਾਰੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਮਾਡਲਿੰਗ ਅੰਕੜਾ ਦਰਸਾਉਂਦਾ ਹੈ ਕਿ ਦੇਸ਼ 'ਚ ਕੋਵਿਡ-19 ਦੇ ਮਾਮਲੇ ਫਿਰ ਤੋਂ ਤੇਜ਼ੀ ਨਾਲ ਵਧਣੇ ਸ਼ੁਰੂ ਹੋ ਸਕਦੇ ਹਨ, ਜੇਕਰ ਓਮੀਕਰੌਨ ਵੇਰੀਐਂਟ ਇੱਕ ਡੌਮੀਨੈਂਟ ਸਟ੍ਰੇਨ ਦਾ ਰੂਮ ਧਾਰ ਲੈਂਦਾ ਹੈ।
ਉਨ੍ਹਾਂ ਦੱਸਿਆ ਕਿ ਜੇਕਰ ਡੈਲਟਾ ਵੇਰੀਐਂਟ ਹੀ ਦੇਸ਼ 'ਚ ਡੌਮੀਨੈਂਟ ਸਟ੍ਰੇਨ ਬਣ ਕੇ ਰਹਿੰਦਾ ਹੈ ਤਾਂ ਮੱਧ-ਜਨਵਰੀ ਤਕ ਰੋਜਾਨਾ 2,900 ਤੋਂ 15,000 ਤਕ ਮਾਮਲੇ ਰਿਪੋਰਟ ਹੋ ਸਕਦੇ ਹਨ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਜੇਕਰ ਓਮੀਕਰੌਨ ਵੇਰੀਅੰਤ ਡੌਮੀਨੈਂਟ ਸਟ੍ਰੇਨ ਬਣ ਜਾਂਦਾ ਹੈ ਤਾਂ ਹਰ ਰੋਜ ਰਿਪੋਰਟ ਹੋਣ ਵਾਲੇ ਮਾਮਲੇ 26,600 ਤਕ ਪਹੁੰਚ ਸਕਦੇ ਹਨ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਹਾਲ ਦੀ ਘੜੀ ਦੇਸ਼ 'ਚ ਰਿਪੋਰਟ ਹੋਏ ਓਮੀਕਰੌਨ ਵੇਰੀਐਂਟ ਸੰਬੰਧੀ ਮਾਮਲੇ ਏ-ਸਿੰਪਟੋਮੈਟਿਕ ਜਾਂ ਹਲਕੇ ਲੱਛਣਾਂ ਵਾਲੇ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਇਸ ਵੇਰੀਐਂਟ ਦੇ ਕਮਿਊਨਿਟੀ ਟਰਾਂਸਮਿਸ਼ਨ ਦੇ ਵੀ ਪ੍ਰਮਾਣ ਮਿਲ ਰਹੇ ਹਨ।
