25.11C Vancouver 25.11C VancouverMay 28, 2021 9:27 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਦੇਸ਼ ਵਿੱਚ ਕੋਵਿਡ-19 ਮਾਮਲਿਆਂ ਨੇ ਕੁਝ ਮੋੜ ਲਿਆ ਹੈ।
ਉਨ੍ਹਾਂ ਕਿਹਾ ਕਿ ਬੀਤੇ ਮਹੀਨੇ ਦੇ ਮੁਕਾਬਲੇ ਹੁਣ ਮਾਮਲੇ ਕਾਫੀ ਘਟ ਗਏ ਹਨ।
ਉਨ੍ਹਾਂ ਦੱਸਿਆ ਕਿ ਦੇਸ਼ 'ਚ ਕੋਵਿਡ-19 ਸੰਬੰਧੀ 22 ਮਿਲੀਅਨ ਵੈਕਸੀਨ ਖੁਰਾਕਾਂ ਐਡਮਿਨਿਸਟਰ ਹੋ ਚੁੱਕੀਆਂ ਹਨ।
ਉਨ੍ਹਾਂ ਕਿਹਾ ਕਿ ਰਾਸ਼ਟਰੀ ਪੱਧਰ 'ਤੇ ਤੀਜੀ ਵੇਵ ਦਾ ਪ੍ਰਭਾਵ ਕਾਫੀ ਘਟ ਗਿਆ ਹੈ।
ਡਾ. ਟੈਮ ਨੇ ਦੱਸਿਆ ਕਿ ਅਪ੍ਰੈਲ ਦੇ ਮੱਧ 'ਚ ਚਰਮ 'ਤੇ ਰਹਿਣ ਵਾਲੀ ਤੀਜੀ ਵੇਵ ਦੇ ਦੌਰਾਨ ਦਰਜ ਹੋ ਰਹੇ ਕੋਵਿਡ-19 ਮਾਮਲਿਆਂ ਦੇ ਮੁਕਾਬਲੇ, ਹੁਣ ਰਿਪੋਰਟ ਹੋ ਰਹੇ ਮਾਮਲੇ ਕਰੀਬ ਅੱਧੇ ਰਹਿ ਗਏ ਹਨ।
ਬੀਤੇ ਇੱਕ ਹਫ਼ਤੇ ਦੌਰਾਨ ਪ੍ਰਤੀ ਦਿਨ ਰਿਪੋਰਟ ਹੋ ਰਹੇ ਮਾਮਲਿਆਂ ਦੀ ਔਸਤ 3,400 ਰਹੀ ਹੈ।
ਉਨ੍ਹਾਂ ਦੱਸਿਆ ਕਿ ਹਸਪਤਾਲ ਜਾਂ ਆਈ.ਸੀ.ਯੂ. 'ਚ ਦਾਖਿਲ ਵਾਇਰਸ ਪੀੜਤਾਂ ਦੀ ਗਿਣਤੀ ਵੀ ਘਟੀ ਹੈ।
ਸਿਹਤ ਅਧਿਕਾਰੀਆਂ ਨੇ ਕਿਹਾ ਹੋਟਲ ਕੁਆਰੰਟੀਨ 'ਤੇ ਕੀਤਾ ਜਾ ਰਿਹਾ ਵਿਚਾਰ
ਦੇਸ਼ 'ਚ ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਹ ਇੱਕ ਮਾਹਿਰ ਰਿਪੋਰਟ ਦੀਆਂ ਸਿਫਾਰਸ਼ਾਂ 'ਤੇ ਗੌਰ ਕਰਨਗੇ ਕਿ ਕੈਨੇਡਾ ਵੱਲੋਂ ਹਵਾਈ ਯਾਤਰੀਆਂ ਦੀ ਹੋਟਲ 'ਚ 3 ਦਿਨ ਲਈ ਕੁਆਰੰਟੀਨ ਕਰਨ ਦੀ ਲੋੜ ਨੂੰ ਖਤਮ ਕੀਤਾ ਜਾਵੇ।
ਡਾ. ਥਰੈਸਾ ਟੈਮ ਨੇ ਕਿਹਾ ਹੈ ਕਿ, ਇਹ 'ਐਕਟਿਵ ਡਿਸਕਸ਼ਨ' ਦਾ ਮਾਮਲਾ ਹੈ ਅਤੇ ਅਧਿਕਾਰੀਆਂ ਵੱਲੋਂ ਭਵਿੱਖ 'ਚ ਇਸ 'ਤੇ ਕੰਮ ਕੀਤਾ ਜਾਵੇਗਾ।
ਡਾ. ਟੈਮ ਨੇ ਕਿਹਾ ਕਿ ਹਾਲ ਦੀ ਘੜੀ ਵਿਸ਼ਵ ਪੱਧਰ 'ਤੇ ਵੈਕਸੀਨੇਸ਼ਨ ਕਵਰੇਜ ਬਹੁਤੀ ਉੱਚੇ ਪੱਧਰ ਦੀ ਨਹੀਂ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਕਈ ਦੇਸ਼ ਵੱਡੇ ਪੱਧਰ 'ਤੇ ਵੈਕਸੀਨੇਸ਼ਨ ਪ੍ਰੀਕਿਰਿਆ 'ਚ ਅੱਗੇ ਵਧ ਰਹੇ ਹਨ।
