15.25C Vancouver 15.25C VancouverAug 18, 2021 7:18 PM -
ਵੈਨਕੂਵਰ 'ਚ ਕੰਜ਼ਰਵੇਸ਼ਨ ਆਫਿਸਰ ਸਰਵਿਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਲ ਲੋਕਾਂ ਅਤੇ ਕਾਇਓਟੀਸ ਵਿਚਾਲੇ ਇੱਕ ਹੋਰ ਆਹਮੋ-ਸਾਹਮਣੇ ਹੋਣ ਦੀ ਘਟਨਾ ਦੀ ਰਿਪੋਰਟ ਪਹੁੰਚੀ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਘਟਨਾ ਫਿਰ ਤੋਂ ਵੈਨਕੂਵਰ ਦੇ ਸਟੈਨਲੀ ਪਾਰਕ 'ਚ ਵਾਪਰੀ ਹੈ।
ਇਸ ਸੰਬੰਧੀ ਇੱਕ ਸੋਸ਼ਲ ਮੀਡੀਆ ਪੋਸਟ ਸਾਂਝੀ ਕੀਤੀ ਗਈ ਹੈ।
ਦੱਸਿਆ ਗਿਆ ਕਿ ਇੱਕ ਔਰਤ ਅਤੇ ਉਸ ਦਾ ਦੋਸਤ ਸੋਮਵਾਰ ਨੂੰ ਤੜਕੇ ਕਰੀਬ 1.30 ਵਜੇ ਪਾਰਕ ਦੇ ਸਾਊਥ ਐਂਡ ਕੋਲ ਪਿਕਨਿਕ ਕਰ ਰਹੇ ਸਨ।
ਰਿਪੋਰਟ 'ਚ ਦੱਸਿਆ ਗਿਆ ਕਿ ਪਿਕਨਿਕ ਕਰਦੇ ਦੋਵਾਂ ਲੋਕਾਂ ਤਕ ਇੱਕ ਕਾਇਓਟੀ ਨੇ ਪਹੁੰਚ ਕੀਤੀ ਅਤੇ ਦੋਵਾਂ ਨੂੰ ਲੱਤ 'ਤੇ ਵੱਢ ਲਿਆ।
ਹਾਲਾਂਕਿ ਅਫ਼ਸਰਾਂ ਨੂੰ ਘਟਨਾ ਦੀ ਜਾਣਕਾਰੀ ਮੌਕੇ 'ਤੇ ਹੀ ਨਹੀਂ ਦਿੱਤੀ ਗਈ।
ਬੀਤੇ ਕੁਝ ਮਹੀਨਿਆਂ 'ਚ ਲੋਕਾਂ 'ਤੇ ਅਜਿਹੇ ਹਮਲਿਆਂ ਦੀਆਂ ਕਰੀਬ 3 ਦਰਜਨ ਘਟਨਾਵਾਂ ਵਾਪਰ ਚੁੱਕੀਆਂ ਹਨ।
ਇਸ 'ਚ ਬੱਚੇ ਵੀ ਨਿਸ਼ਾਨਾ ਬਣੇ ਹਨ।
ਇਸੇ ਵਿਚਾਲੇ ਕੰਜ਼ਰਵੇਸ਼ਨ ਅਫ਼ਸਰਾਂ ਨੇ ਕੁਝ ਕਾਇਓਟੀ ਖਤਮ ਵੀ ਕਰ ਦਿੱਤੇ ਹਨ।
