22.34C Vancouver 22.34C VancouverMay 23, 2025 7:03 PM - The Canadian Press
ਕੈਨੇਡਾ ਰੈਵੇਨਿਊ ਏਜੰਸੀ ਨੇ ਮਾਲੀ ਹਾਲਤ ਤੰਗ ਹੋਣ ਵਿਚਕਾਰ 280 ਪੱਕੇ ਕਰਮਚਾਰੀਆਂ ਨੂੰ ਨੌਕਰੀਓਂ ਕੱਢਣ ਦਾ ਫੈਸਲਾ ਕੀਤਾ ਹੈ। ਇਸ ਛਾਂਟੀ ਦਾ ਪ੍ਰਭਾਵ ਕੈਨੇਡਾ ਰੈਵੇਨਿਊ ਏਜੰਸੀ ਦੀਆਂ ਸਾਰੀਆਂ ਸ਼ਾਖਾਵਾਂ 'ਤੇ ਪਵੇਗਾ ਪਰ ਮੁੱਖ ਰੂਪ ਤੋਂ ਇਹ ਕਟੌਤੀ ਕੌਮੀ ਰਾਜਧਾਨੀ ਖੇਤਰ ਵਿਚ ਕੀਤੀ ਜਾ ਰਹੀ ਹੈ।
ਕਮਿਸ਼ਨਰ ਬੌਬ ਹੈਮਿਲਟਨ ਅਤੇ ਡਿਪਟੀ ਕਮਿਸ਼ਨਰ ਜੀਨ-ਫ੍ਰਾਂਸੋਆ ਫੋਰਟਿਨ ਨੇ ਸਟਾਫ ਨੂੰ ਦਿੱਤੇ ਮੈਸੇਜ ਵਿਚ ਕਿਹਾ ਕਿ ਇਸ ਛਾਂਟੀ ਵਿਚ ਐਗਜ਼ੀਕਿਊਟਿਵ ਪੱਧਰ ਦੇ ਅਹੁਦੇ ਵੀ ਸ਼ਾਮਲ ਹਨ। ਏਜੰਸੀ ਨੇ ਕਿਹਾ ਕਿ ਸਰਕਾਰ ਵਲੋਂ ਬਚਤ ਲਈ ਕਹੇ ਅਨੁਸਾਰ ਇਹ ਕਦਮ ਉਠਾਇਆ ਜਾ ਰਿਹਾ ਹੈ।
ਇਸੇ ਮਹੀਨੇ ਦੀ ਸ਼ੁਰੂਆਤ ਵਿਚ ਟੈਕਸੇਸ਼ਨ ਕਰਮਚਾਰੀ ਯੂਨੀਅਨ ਨੇ ਕਿਹਾ ਸੀ ਕਿ ਕੈਨੇਡਾ ਰੈਵੇਨਿਊ ਏਜੰਸੀ ਦੇਸ਼ ਭਰ ਵਿਚ 1,000 ਤੋਂ ਵੱਧ ਵਰਕਰਾਂ ਦਾ ਕੰਟਰੈਕਟ ਰੀਨਿਊ ਕਰੇਗੀ। ਸੀਆਰਏ ਦੇ ਬੁਲਾਰੇ ਏਟੀਨ ਬਿਰਮ ਨੇ ਕਿਹਾ ਕਿ ਹਾਲ ਹੀ ਦੇ ਸਾਲਾਂ ਵਿਚ ਕਈ ਕਾਰਨਾਂ ਨੇ ਏਜੰਸੀ ਦੇ ਬਜਟ ਨੂੰ ਪ੍ਰਭਾਵਿਤ ਕੀਤਾ ਹੈ, ਜਿਸ ਵਿਚ ਕੋਵਿਡ ਪ੍ਰੋਗਰਾਮ ਫੰਡਿੰਗ ਦਾ ਬੰਦ ਹੋਣਾ ਵੀ ਸ਼ਾਮਲ ਹੈ।
