22.46C Vancouver 22.46C VancouverDec 20, 2023 5:21 PM - The Canadian Press
ਕੈਨੇਡਾ ਰੈਵੇਨਿਊ ਏਜੰਸੀ ਨੇ ਗਲਤ ਤਰੀਕੇ ਨਾਲ ਕੋਵਿਡ-19 ਬੈਨਿਫ਼ਿਟ ਕਲੇਮ ਕਰਨ ਵਾਲੇ 65 ਹੋਰ ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਹੈ, ਜਿਸ ਨਾਲ ਇਸ ਤਰ੍ਹਾਂ ਕੱਢੇ ਗਏ ਕਰਮਚਾਰੀਆਂ ਦੀ ਗਿਣਤੀ 185 ਹੋ ਗਈ ਹੈ। ਏਜੰਸੀ ਨੇ ਕਿਹਾ ਕਿ ਇਹ ਕਰਮਚਾਰੀ ਫੈਡਰਲ ਕੋਵਿਡ ਬੈਨਿਫ਼ਿਟ ਲਈ ਯੋਗ ਨਹੀਂ ਸਨ ਅਤੇ ਬੈਨਿਫ਼ਿਟ ਹਾਸਲ ਕਰਨ ਲਈ ਇਨ੍ਹਾਂ ਨੇ ਗਲਤ ਹਥਕੰਢੇ ਅਪਣਾਏ ਸਨ।
ਏਜੰਸੀ ਨੇ ਕਿਹਾ ਕਿ ਉਹ ਲਗਭਗ 600 ਮਾਮਲਿਆਂ ਦੀ ਜਾਂਚ ਕਰ ਰਹੀ ਹੈ, ਜਿਨ੍ਹਾਂ ਵਿੱਚ ਨੌਕਰੀ 'ਤੇ ਰਹਿੰਦੇ ਹੋਏ ਕਰਮਚਾਰੀਆਂ ਨੇ ਕੋਵਿਡ ਸਰਬਵਿਆਪੀ ਮਹਾਂਮਾਰੀ ਦੌਰਾਨ ਸੀਈਆਰਬੀ ਯਾਨੀ ਕੈਨੇਡਾ ਐਮਰਜੈਂਸੀ ਰਿਸਪਾਂਸ ਬੈਨਿਫ਼ਿਟ ਪ੍ਰਾਪਤ ਕੀਤੇ ਸਨ। ਇਹ ਪ੍ਰੋਗਰਾਮ ਉਨ੍ਹਾਂ ਕੈਨੇਡੀਅਨਜ਼ ਲਈ $2,000 ਪ੍ਰਤੀ ਮਹੀਨਾ ਸੀ ਜਿਨ੍ਹਾਂ ਦੀ ਕੋਵਿਡ ਦੇ ਦੌਰ ਵਿੱਚ ਨੌਕਰੀ ਚਲੀ ਗਈ ਸੀ।
ਕੈਨੇਡਾ ਰੈਵੇਨਿਊ ਏਜੰਸੀ ਨੇ ਕਿਹਾ ਕਿ ਹੁਣ ਤੱਕ ਉਸ ਨੇ ਜਿੰਨੇ ਕੇਸਾਂ ਦੀ ਜਾਂਚ ਕੀਤੀ ਹੈ ਉਨ੍ਹਾਂ ਵਿੱਚੋਂ 116 ਕਰਮਚਾਰੀਆਂ ਇਸ ਲਈ ਯੋਗ ਪਾਏ ਗਏ ਅਤੇ ਜਿਹੜੇ ਲੋਕ ਇਸ ਬੈਨਿਫ਼ਿਟ ਲਈ ਯੋਗ ਨਹੀਂ ਸਨ ਉਨ੍ਹਾਂ ਕੋਲੋਂ ਪੈਸੇ ਵਾਪਸ ਲਏ ਜਾ ਰਹੇ ਹਨ।
ਗੌਰਤਲਬ ਹੈ ਕਿ ਫਰਵਰੀ ਵਿੱਚ ਐਮਪਲੋਇਮੈਂਟ ਐਂਡ ਸੋਸ਼ਲ ਡਿਵੈਲਪਮੈਂਟ ਕੈਨੇਡਾ ਨੇ ਵੀ ਇਸੇ ਦੋਸ਼ ਤਹਿਤ ਆਪਣੇ 49 ਕਰਮਚਾਰੀਆਂ ਨੂੰ ਬਰਖਾਸਤ ਕੀਤਾ ਸੀ।
