13.27C Vancouver 13.27C VancouverDec 16, 2021 8:17 PM - The Canadian Press
ਰਾਇਲ ਕਨੇਡੀਅਨ ਏਅਰ ਫੋਰਸ ਦਾ ਕਹਿਣਾ ਹੈ ਕਿ 21 ਹੈਲੀਕਾਪਟਰਾਂ ਦੀਆਂ ਟੇਲਸ ਵਿੱਚ ਯਾਨੀ ਕਿ ਹੈਲੀਕਾਪਟਰ ਦੇ ਮਗਰਲੇ ਹਿੱਸੇ 'ਚ ਕਰੈਕ ਯਾਨੀ ਕਿ ਤਰੇੜਾਂ ਵਿਖਾਈ ਦਿੱਤੀਆਂ ਹਨ।
ਕੁੱਲ 23 ਸਾਇਕਲੋਨ ਹੈਲੀਕਾਪਟਰਾਂ ਵਿੱਚੋਂ 21 ਦੀਆਂ ਟੇਲਸ ਵਿੱਚ ਕਰੈਕ ਮਿਲਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਬੀਤੇ ਮਹੀਨੇ 26 ਨਵੰਬਰ ਨੂੰ ਕੀਤੀ ਗਈ ਇੱਕ ਰੂਟੀਨ ਇੰਸਪੈਕਸ਼ਨ ਦੌਰਾਨ ਇੱਕ ਹੈਲੀਕਾਪਟਰ 'ਚ ਕਰੈਕ ਦਾ ਪਤਾ ਲੱਗਿਆ ਸੀ।
ਬੀ.ਸੀ. ਸਥਿਤ ਮੈਰੀਟਾਈਮ ਹੈਲੀਕਾਪਟਰ ਸਕਵਾਡਰਨ ਪੈਟ੍ਰੀਸ਼ੀਆ ਬੇਅ 'ਤੇ ਇੰਸਪੈਕਸ਼ਨ ਕੀਤੀ ਗਈ ਸੀ, ਜਿਸ ਦੌਰਾਨ ਇੱਕ ਹੈਲੀਕਾਪਟਰ ਨਾਲ ਸੰਬੰਧਤ ਅਜਿਹੇ ਕਰੈਕ ਦੀ ਜਾਣਕਾਰੀ ਮਿਲੀ ਸੀ।
ਇਸ ਤੋਂ ਬਾਅਦ ਵੱਡੇ ਪੱਧਰ 'ਤੇ ਇੰਸਪੈਕਸ਼ਨ ਕੀਤੀ ਗਈ।
5 ਦਿਸੰਬਰ ਤਕ ਏਅਰ ਫੋਰਸ ਨੂੰ ਉਸੇ ਹਿੱਸੇ ਨਾਲ ਸੰਬੰਧਤ 19 ਹੈਲੀਕਾਪਟਰਾਂ 'ਚ ਤਰੇੜਾਂ ਮਿਲ ਗਈਆਂ ਸਨ।
6 ਹੈਲੀਕਾਪਟਰਾਂ ਦੇ ਕਰੈਕਸ ਦੀ ਮਰੱਮਤ ਕੀਤੀ ਜਾ ਚੁੱਕੀ ਹੈ ਜਦਕਿ 4 ਦੀ ਮਰੱਮਤ ਜਾਰੀ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
