19.55C Vancouver 19.55C VancouverMay 12, 2025 4:12 PM - The Canadian Press
ਕੈਨੇਡਾ ਦੀ ਵਿਸ਼ਵ ਜੂਨੀਅਰ ਹਾਕੀ ਟੀਮ ਨਾਲ ਸਬੰਧਤ ਜਿਨਸੀ ਹਮਲੇ ਟਰਾਇਲ ਵਿਚ ਅੱਜ ਵੀ ਪੰਜ ਸਾਬਕਾ ਖਿਡਾਰੀਆਂ ਦੇ ਵਕੀਲਾਂ ਵਲੋਂ ਸ਼ਿਕਾਇਤਕਰਤਾ ਲੜਕੀ ਦੇ ਬਿਆਨਾਂ ਦਾ ਕਰਾਸ ਇਗਜਾਮੀਨੇਸ਼ਨ ਕੀਤਾ ਗਿਆ, ਐਲੇਕਸ ਫੋਰਮੈਂਟਨ ਦੇ ਵਕੀਲ ਡੈਨ ਬ੍ਰਾਊਨ ਨੇ ਦਲੀਲ ਦਿੱਤੀ ਕਿ ਈ. ਐੱਮ. ਜੋ ਕਿ ਲੜਕੀ ਦਾ ਕਾਲਪਨਿਕ ਨਾਮ ਹੈ ਉਸ ਨੇ ਫੋਰਮੈਂਟਨ ਨੂੰ ਸੰਬਧ ਬਣਾਉਣ ਲਈ ਬਾਥਰੂਮ ਵਿਚ ਖਿੱਚਿਆ ਸੀ। ਈ. ਐੱਮ. ਨੇ ਕਿਹਾ ਕਿ ਮੈਨੂੰ ਅਜਿਹਾ ਕੁਝ ਯਾਦ ਨਹੀਂ।
ਵਕੀਲ ਨੇ ਅੱਗੇ ਕਿਹਾ ਕਿ ਉਹ ਹਾਕੀ ਕੈਨੇਡਾ ਦੀ ਜਾਂਚ ਦੌਰਾਨ ਸ਼ਿਕਾਇਤਕਰਤਾ ਵਲੋਂ ਕਹੇ ਕੁਝ ਬਿਆਨਾਂ ਨੂੰ ਪੜ੍ਹਨ ਜਾ ਰਹੇ ਹਨ, ਵਕੀਲ ਨੇ ਈ.ਐੱਮ. ਨੂੰ ਕਿਹਾ ਕਿ ਤੈਨੂੰ ਯਾਦ ਹੈ ਕਿ ਤੂੰ ਕਿਹਾ ਸੀ ਕਿ ਕੀ ਤੁਸੀਂ ਮੇਰੇ ਨਾਲ ਸੈਕਸ ਕਰੋਗੇ ਜਾਂ ਗੋਲਫ ਖੇਡੋਗੇ? ਈ. ਐੱਮ. ਨੇ ਕਿਹਾ ਕਿ ਮੈਨੂੰ ਯਾਦ ਨਹੀਂ ਕਿ ਮੈਂ ਉਹਨਾਂ ਨੂੰ ਅਜਿਹਾ ਕਿਹਾ ਸੀ ਅਤੇ ਅਜਿਹਾ ਲੱਗਦਾ ਵੀ ਨਹੀਂ ਕਿ ਮੈਂ ਇਹ ਕਿਹਾ ਹੋਵੇਗਾ।
ਗੌਰਤਲਬ ਹੈ ਕਿ ਜੂਨ 2018 ਦੇ ਇਸ ਮਾਮਲੇ ਵਿਚ ਕੈਨੇਡੀਅਨ ਵਿਸ਼ਵ ਜੂਨੀਅਰ ਹਾਕੀ ਟੀਮ ਦੇ ਸਾਬਕਾ ਪੰਜ ਖਿਡਾਰੀ ਡਿਲਨ ਡੁਬੇ, ਕੈਲ ਫੁੱਟ, ਐਲੇਕਸ ਫੋਰਮੈਂਟਨ, ਕਾਰਟਰ ਹਾਰਟ ਅਤੇ ਮਾਈਕਲ ਮੈਕਲੋਡ ਸਾਰਿਆਂ ਨੇ ਹੁਣ ਤੱਕ ਖੁਦ ਦੇ ਨਿਰਦੋਸ਼ ਹੋਣ ਦੀ ਗੱਲ ਕਹੀ ਹੈ।
