14.2C Vancouver 14.2C VancouverJun 5, 2020 10:47 PM -
ਬੀ.ਸੀ. 'ਚ ਫਰਵਰੀ ਮਹੀਨੇ 'ਚ ਇੰਜੰਕਸ਼ਨ ਦਾ ਵਿਰੋਧ ਕਰਨ ਲਈ ਗ੍ਰਿਫਤਾਰ ਕੀਤੇ ਗਏ ਲੋਕਾਂ ਖਿਲਾਫ਼ ਦੋਸ਼ਾਂ ਨੂੰ ਹਟਾ ਦਿੱਤਾ ਗਿਆ ਹੈ।
ਇਹ ਲੋਕ ਉੱਤਰੀ ਬੀ.ਸੀ. 'ਚ ਨੈਚੁਰਲ ਗੈਸ ਪਾਈਪਲਾਈਨ ਦਾ ਵਿਰੋਧ ਕਰ ਰਹੇ ਸਨ।
ਵੈਟ'ਸੁਵੈਟ'ਐਨ ਨੇਸ਼ਨ ਦੇ 22 ਮੈਂਬਰਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
ਇਸ ਦੇ ਚਲਦਿਆਂ ਪੂਰੇ ਦੇਸ਼ 'ਚ ਪ੍ਰਦਰਸ਼ਨਾਂ ਨੇ ਜ਼ੋਰ ਫੜ੍ਹ ਲਿਆ ਸੀ।
ਇਸ ਦਾ ਕੈਨੇਡਾ ਦੀ ਵਿੱਤੀ ਹਾਲਤ 'ਤੇ ਵੀ ਅਸਰ ਪਿਆ ਸੀ।
ਬੀ.ਸੀ. ਪ੍ਰਾਸੀਕਿਊਸ਼ਨ ਸਰਵਿਸ ਨੇ ਸ਼ੁੱਕਰਵਾਰ ਨੂੰ ਜਾਰੀ ਇੱਕ ਬਿਆਨ 'ਚ ਆਖਿਆ ਹੈ ਕਿ ਬੀ.ਸੀ. ਦੇ ਹਿਊਸਟਨ ਕੋਲ ਗ੍ਰਿਫਤਾਰ ਕੀਤੇ ਗਏ ਲੋਕਾਂ ਖਿਲਾਫ਼ ਕੋਈ ਅਪਰਾਧਿਕ ਦੋਸ਼ ਅੱਗੇ ਨਹੀਂ ਵਧਾਏ ਜਾਣਗੇ।
ਕਰਾਊਨ ਦਾ ਕਹਿਣਾ ਹੈ ਕਿ, ਇੰਜੰਕਸ਼ਨ ਦੀ ਵਿਰੋਧਤਾ ਦੇ ਮਾਮਲੇ ਬਾਅਦ 'ਚ ਸਾਹਮਣੇ ਨਹੀਂ ਆਏ ਹਨ, ਅਤੇ ਇਹ ਵੀ ਸਬੂਤ ਨਹੀਂ ਮਿਲੇ ਸਨ ਕਿ ਗ੍ਰਿਫਤਾਰ ਕੀਤੇ ਗਏ ਲੋਕ ਪੁਲ ਨੂੰ ਨੁਕਸਾਨ ਪਹੁੰਚਾਉਣ ਆਏ ਹੋਣ, ਅਤੇ ਬੀਤੇ ਕੁਝ ਸਮੇਂ 'ਚ ਸਰਕਾਰਾਂ ਅਤੇ ਵੈਟ'ਸੁਵੈਟ'ਐਨ ਹੈਰੀਡਿਟਰੀ ਚੀਫ਼ਸ ਦੀ ਗੱਲਬਾਤ ਵੀ ਸਕਾਰਾਤਮਕ ਰਹੀ ਹੈ, ਅਤੇ ਸਭ ਦੀ ਫੈਸਲੇ 'ਚ ਅਹਿਮ ਭੂਮਿਕਾ ਰਹੀ।
ਕੋਸਟਲ ਗੈਸਲਿੰਕ ਤੋਂ ਸੁਜ਼ੈਨ ਵਿਲਟਨ ਦਾ ਕਹਿਣਾ ਸੀ ਕਿ, ਜਿਸ ਤਰੀਕੇ ਨਾਲ ਇਲਾਕੇ 'ਚ ਕੰਮ ਅੱਗੇ ਵਧਿਆ ਹੈ, ਅਤੇ ਹੈਰੀਡਿਟਰੀ ਚੀਫਸ ਨਾਲ ਚਰਚਾ ਹੋ ਰਹੀ ਹੈ, ਉਸ ਦੇ ਮੱਦੇਨਜ਼ਰ ਪ੍ਰਦਰਸ਼ਨਕਾਰੀਆਂ ਖਿਲਾਫ਼ ਸਿਵਿਲ ਕੰਟੈਂਪਟ ਦੇ ਦੋਸ਼ ਵੀ ਨਹੀਂ ਲਗਾਏ ਜਾ ਰਹੇ।
