13.22C Vancouver 13.22C VancouverMar 25, 2021 9:28 PM -
ਕੈਨੇਡਾ ਦੇ ਅਟੌਰਨੀ ਜਨਰਲ ਦੇ ਇੱਕ ਵਕੀਲ ਦਾ ਕਹਿਣਾ ਹੈ ਕਿ ਅਜਿਹਾ ਕੋਈ ਸਬੂਤ ਨਹੀਂ ਹੈ ਜੋ ਦਰਸ਼ਾਵੇ ਕਿ ਆਰ.ਸੀ.ਐਮ.ਪੀ. ਨੇ ਵੁਆਵੇ ਐਗਜ਼ੀਕਿਊਟਿਵ ਮੰਗ ਵੰਜੋ ਦੇ ਇਲੈਕਟਰੌਨਿਕ ਡਿਵਾਈਸਾਂ ਦੇ ਸੀਰੀਅਲ ਨੰਬਰ ਅਮਰੀਕੀ ਅਧਿਕਾਰੀਆਂ ਨਾਲ ਸਾਂਝੇ ਕੀਤੇ ਸਨ।
ਬੀ.ਸੀ. ਸੁਪ੍ਰੀਮ ਕੋਰਟ ਵਿੱਚ ਜੌਨ ਗਿਬ ਕਾਰਸਲੇ ਨੇ ਕਿਹਾ ਕਿ ਮੰਗ ਵੰਜੋ ਦੀ ਲੀਗਲ ਟੀਮ ਜੇਕਰ ਸਮਝਦੀ ਹੈ ਕਿ ਸੀਰੀਅਲ ਨੰਬਰ ਸਾਂਝੇ ਕੀਤੇ ਗਏ ਸਨ ਤਾਂ ਫਿਰ ਇਸ ਦਾ ਪ੍ਰਮਾਣ ਪੇਸ਼ ਕੀਤਾ ਜਾਵੇ।
ਉਨ੍ਹਾਂ ਕਿਹਾ ਕਿ ਮੰਗ ਵੰਜੋ ਦੀ ਟੀਮ ਅਜਿਹਾ ਕਰਨ 'ਚ ਨਾਕਾਮ ਰਹੀ ਹੈ।
ਕੋਰਟ ਨੂੰ ਅਜਿਹੇ ਸਬੂਤ ਵਿਖਾਏ ਗਏ ਹਨ ਜਿੱਥੇ ਐਫ.ਬੀ.ਆਈ. ਨੇ ਸੀਰੀਅਲ ਨੰਬਰ ਮੰਗੇ ਸਨ ਅਤੇ ਆਰ.ਸੀ.ਐਮ.ਪੀ. ਨੇ ਇਹ ਨੰਬਰ ਹਾਸਿਲ ਕੀਤੇ ਸਨ ਪਰ ਇਹਨਾਂ ਨੂੰ ਸਾਂਝਾ ਨਹੀਂ ਕੀਤਾ ਗਿਆ।
ਯਾਦ ਰਹੇ ਮੰਗ ਵੰਜੋ ਦੀ ਲੀਗਲ ਟੀਮ ਮੰਗ ਕਰ ਰਹੀ ਹੈ ਕਿ ਉਨ੍ਹਾਂ ਦੀ ਅਮਰੀਕਾ ਨੂੰ ਸਪੁਰਦਗੀ ਦੇ ਮਾਮਲੇ 'ਤੇ ਸਟੇਅ ਲਗਾਇਆ ਜਾਵੇ ਅਤੇ ਇਸ ਦਾ ਆਧਾਰ ਆਰ.ਸੀ.ਐਮ.ਪੀ. ਦੇ ਗਲਤ ਵਿਵਹਾਰ ਅਤੇ ਗ੍ਰਿਫਤਾਰੀ ਦੌਰਾਨ ਪ੍ਰੀਕਿਰਿਆ ਦੇ ਸ਼ੋਸ਼ਣ ਨੂੰ ਬਣਾਇਆ ਜਾ ਰਿਹਾ ਹੈ।
ਮੰਗ ਵੰਜੋ ਨੂੰ ਵੈਨਕੂਵਰ ਹਵਾਈ ਅੱਡੇ ਤੋਂ ਦਿਸੰਬਰ 2018 'ਚ ਗ੍ਰਿਫਤਾਰ ਕੀਤਾ ਗਿਆ ਸੀ।
