ਕੈਲਗਰੀ ਦੇ ਸਾਬਕਾ ਐਮ.ਪੀ. ਰੌਬ ਐਂਡਰਸ ਨੂੰ ਮਿਲੀ ਵੱਡੀ ਰਾਹਤ, ਟੈਕਸ ਚੋਰੀ ਦੇ ਦੋਸ਼ਾਂ 'ਤੇ ਲੱਗੀ ਰੋਕ

ਕੈਲਗਰੀ ਤੋਂ ਕੰਜ਼ਰਵੇਟਿਵ ਦੇ ਸਾਬਕਾ ਸੰਸਦ ਮੈਂਬਰ ਰੌਬ ਐਂਡਰਸ ਖਿਲਾਫ ਟੋਕਸ ਚੋਰੀ ਮਾਮਲੇ ਵਿਚ ਸ਼ੁਰੂ ਹੋਣ ਵਾਲਾ ਟ੍ਰਾਇਲ ਰੱਦ ਕਰ ਦਿੱਤਾ ਗਿਆ ਹੈ। ਇਸ ਮਾਮਲੇ ਵਿਚ ਕ੍ਰਾਊਨ ਨੇ ਐਂਡਰਸ ਖਿਲਾਫ ਲਗਾਏ ਸਾਰੇ ਚਾਰਜਾਂ 'ਤੇ ਰੋਕ ਲਾ ਦਿੱਤੀ ਹੈ।

50 ਸਾਲਾ ਐਂਡਰਸ 'ਤੇ 5 ਚਾਰਜ ਲਗਾਏ ਹਏ ਸਨ, ਜਿਨ੍ਹਾਂ ਵਿਚੋਂ ਕੁਝ ਉਨ੍ਹਾਂ ਦੇ ਰਾਜਨੀਤੀ ਵਿਚ ਰਹਿੰਦੇ ਹੋਏ ਦਰਜ ਹੋਏ ਸਨ। ਰੌਬ ਐਂਡਰਸ 1997 ਵਿਚ ਰਿਫੋਰਮ ਐਂਮ. ਪੀ. ਚੁਣੇ ਗਏ ਸਨ ਅਤੇ 2015 ਤੱਕ ਉਹ ਕੈਲਗਰੀ ਦੀ ਅਗਵਾਈ ਕਰਦੇ ਹਨ।

ਕ੍ਰਾਊਨ ਪ੍ਰੋਸੀਕਿਊਟਰ ਨੇ ਰਿਪੋਰਟਰਾਂ ਨੂੰ ਕਿਹਾ ਕਿ ਇਸ ਮਾਮਲੇ ਵਿਚ ਪਿਛਲੇ ਹਫ਼ਤੇ ਉਨ੍ਹਾਂ ਨੂੰ ਨਵੇਂ ਸਬੂਤ ਮਿਲੇ ਸਨ, ਜਿਸ ਨਾਲ ਉਨ੍ਹਾਂ ਨੂੰ ਦੋਸ਼ੀ ਸਾਬਤ ਨਹੀਂ ਕੀਤਾ ਜਾ ਸਕਦਾ। ਐਂਡਰਸ ਦੇ ਵਕੀਲ ਨੇ ਕਿਹਾ ਕਿ ਇਸ ਫ਼ੈਸਲੇ ਨਾਲ ਉਨ੍ਹਾਂ ਦੇ ਕਲਾਈਂਟ ਨੂੰ ਬਹੁਤ ਰਾਹਤ ਮਿਲੀ ਹੈ। ਉੱਥੇ ਹੀ, ਰੌਬ ਐਂਡਰਸ ਖੁਦ ਅੱਜ ਅਦਾਲਤ ਵਿਚ ਨਹੀਂ ਸਨ।