22.11C Vancouver 22.11C VancouverJul 15, 2021 8:56 PM -
ਬੀ.ਸੀ. 'ਚ ਵਾਈਲਡਫਾਇਰਸ ਕਾਰਨ ਘਰਾਂ ਅਤੇ ਪ੍ਰਾਪਰਟੀਆਂ ਲਈ ਖੜਾ ਹੋਇਆ ਖਤਰਾ ਹੋਰ ਵਧਦਾ ਜਾ ਰਿਹਾ ਹੈ।
ਸੂਬੇ 'ਚ 300 ਤੋਂ ਵਧੇਰੇ ਅੱਗਾਂ ਬਲ ਰਹੀਆਂ ਹਨ।
ਇਸ 'ਚ ਕੈਰਿਬੂ ਅਤੇ ਕੈਮਲੂਪਸ ਦੇ ਇਲਾਕੇ ਦੀਆਂ ਅੱਗਾਂ ਨੂੰ ਵਧੇਰੇ ਖਤਰਨਾਕ ਦੱਸਿਆ ਜਾ ਰਿਹਾ ਹੈ।
ਇਹਨਾਂ ਇਲਾਕਿਆਂ 'ਚ 1,400 ਤੋਂ ਵਧੇਰੇ ਪ੍ਰਾਪਰਟੀਆਂ ਲਈ ਕੱਲ ਤੋਂ ਹੀ ਖਾਲੀ ਕਰਨ ਦੇ ਨਿਰਦੇਸ਼ ਜਾਰੀ ਕਰ ਦਿੱਤੇ ਗਏ ਹਨ।
ਓਕਾਨਾਗਨ ਦੇ ਇਲਾਕੇ 'ਚ ਪੀਚਲੈਂਡ ਦੇ ਕੋਲ ਬਲ ਰਹੀ ਅੱਗ ਕਾਰਨ ਦਰਜਨਾਂ ਪ੍ਰਾਪਰਟੀਆਂ ਨੂੰ ਖਾਲੀ ਕਰਨ ਦੇ ਨਿਰਦੇਸ਼ ਅੱਜ ਜਾਰੀ ਕਰ ਦਿੱਤੇ ਗਏ ਹਨ।
ਇਸ ਅੱਗ ਨੇ 12 ਘੰਟੇ ਵਿਚਾਲੇ ਢਾਈ ਸਕਵੇਅਰ ਕਿਲੋਮੀਟਰ ਤੋਂ ਵਧੇਰੇ ਇਲਾਕੇ 'ਚ ਨੁਕਸਾਨ ਪਹੁੰਚਾਇਆ ਹੈ।
ਇਸ ਤੋਂ ਇਲਾਵਾ 100 ਮਾਈਲ ਹਾਊਸ, ਐਸ਼ ਕਰੌਫਟ ਅਤੇ ਕੈਸ਼ ਕਰੀਕ ਦੇ ਇਲਾਕੇ 'ਚ ਵੀ ਦਰਜਨਾਂ ਪ੍ਰਾਪਰਟੀਆਂ ਨੂੰ ਖਾਲੀ ਕਰਨ ਲਈ ਐਲਰਟ ਜਾਰੀ ਕੀਤੇ ਗਏ ਹਨ।
