ਡੈਨੀਅਲ ਸਮਿਥ ਨੇ ਐਲਬਰਟਾ ਨੈਕਸਟ ਪੈਨਲ ਦੀ ਮੈਡੀਸਨ ਹੈਟ ਤੋਂ ਕੀਤੀ ਸ਼ੁਰੂਆਤ

ਐਲਬਰਟਾ ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਅਗਵਾਈ ਵਾਲੇ ਐਲਬਰਟਾ ਨੈਕਸਟ ਪੈਨਲ ਦਾ ਅਗਲਾ ਟਾਊਨ ਹਾਲ ਅੱਜ ਰਾਤ ਮੈਡੀਸਨ ਹੈਟ ਵਿੱਚ ਹੋਵੇਗਾ। ਪੈਨਲ ਆਪਣੇ ਮੈਡੀਸਨ ਹੈਟ ਟਾਊਨ ਹਾਲ ਤੋਂ ਅੱਜ ਦੱਖਣੀ ਪੜਾਅ ਦੀ ਸ਼ੁਰੂਆਤ ਕਰੇਗਾ । ਇਹ ਟਾਊਨ ਹਾਲ ਪ੍ਰੀਮੀਅਰ ਡੈਨੀਅਲ ਸਮਿਥ ਦੇ ਆਪਣੇ ਰਾਜਨੀਤਿਕ ਖੇਤਰ ਵਿੱਚ ਹੋਣ ਜਾ ਰਿਹਾ ਹੈ।

ਸਰਕਾਰ ਦੇ ਪੈਨਲ ਨੂੰ ਐਡਮਿੰਟਨ ਅਤੇ ਰੈਡ ਡੀਅਰ ਵਿੱਚ ਅਲੋਚਨਾ ਦਾ ਸਾਹਮਣਾ ਕਰਨਾ ਪਿਆ ਸੀ। ਪਰ ਪਿਛਲੇ ਦਿਨੀਂ ਲੋਇਡਮਿੰਸਟਰ ਵਿੱਚ ਹੋਏ ਟਾਊਨ ਹਾਲ ਵਿੱਚ ਪੈਨਲ ਨੂੰ ਚੰਗਾ ਹੁੰਗਾਰਾ ਮਿਲਿਆ ਸੀ। ਪੈਨਲ ਅਗਲੇ ਮਹੀਨੇ ਲੈਥਬ੍ਰਿਜ, ਏਅਰਡ੍ਰੀ, ਗ੍ਰੈਂਡ ਪ੍ਰੈਰੀ ਅਤੇ ਕੈਲਗਰੀ ਦੇ ਲੋਕਾਂ ਨੂੰ ਸੁਣਨ ਲਈ ਤਿਆਰ ਹੈ।

ਪ੍ਰੀਮੀਅਰ ਸਮਿਥ ਦਾ ਕਹਿਣਾ ਹੈ ਕਿ ਐਲਬਰਟਾ ਨੈਕਸਟ ਪੈਨਲ ਦਾ ਇੱਕ ਉਦੇਸ਼ ਸੂਬੇ ਵਿੱਚ ਵੱਖਵਾਦੀ ਭਾਵਨਾ ਨਾਲ ਉੱਠਣ ਵਾਲੀਆਂ ਆਵਾਜ਼ਾਂ ਦੀ ਸੁਣਵਾਈ ਕਰਨਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਪੈਨਲ ਦੇ ਤਹਿਤ ਲੋਕਾਂ ਦੀਆਂ ਫੈਡਰਲ ਸਰਕਾਰ ਪ੍ਰਤੀ ਚਿੰਤਾਵਾਂ ਨੂੰ ਸੁਣ ਕੇ ਉਨ੍ਹਾਂ ਚੀਜਾਂ ਨੂੰ ਠੀਕ ਕਰਨ ਦੀ ਮਨਸ਼ਾ ਹੈ, ਜੋ ਸ਼ਿਕਾਇਤਾਂ ਦਾ ਕਾਰਨ ਬਣਦੀਆਂ ਹਨ।