ਡੈਨੀਅਲ ਸਮਿਥ ਵਲੋਂ ਅੱਜ ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਨਾਲ ਟੋਰਾਂਟੋ ’ਚ ਕੀਤੀ ਗਈ ਮੁਲਾਕਾਤ

ਅਲਬਰਟਾ ਦੇ ਪ੍ਰੀਮੀਅਰ ਡੈਨੀਅਲ ਸਮਿਥ ਵਲੋਂ ਅੱਜ ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਨਾਲ ਟੋਰਾਂਟੋ ਵਿਚ ਸਥਿਤ ਉਨ੍ਹਾਂ ਦੇ ਨਿਵਾਸ ’ਤੇ ਮੁਲਾਕਾਤ ਕੀਤੀ ਗਈ। ਸਮਿਥ ਅੱਜ ਤੋਂ ਵਾਸ਼ਿੰਗਟਨ ਡੀ.ਸੀ. ਦੇ ਦੌਰੇ ਤੇ ਜਾ ਰਹੇ ਹਨ।

ਉਨ੍ਹਾਂ ਦਾ ਇਹ ਦੌਰਾ ਕਾਫੀ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ। ਇਸ ਦੌਰਾਨ ਉਹ ਅਮਰੀਕਾ ਦੇ ਉਦਯੋਗ ਆਗੂ ਨਾਲ ਮੁਲਾਕਾਤ ਕਰਨਗੇ ਅਤੇ ਅਲਬਰਟਾ ਲਈ ਨਵੀਆਂ ਡੀਲਸ ਹਾਸਿਲ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।

ਪ੍ਰੀਮੀਅਰ ਸਮਿਥ ਇਸ ਦੌਰੇ ’ਤੇ ਅਲਬਰਟਾ ਦੇ ਊਰਜਾ ਖ਼ੇਤਰ ਨੂੰ ਵੀ ਪ੍ਰਮੋਟ ਕਰਨਗੇ। ਸਮਿਥ ਨੇ ਇਕ ਬਿਆਨ ਵਿਚ ਕਿਹਾ ਕਿ ਅਲਬਰਟਾ ਹਮੇਸ਼ਾ ਅਮਰੀਕਾ ਦਾ ਭਾਈਵਾਲ ਰਿਹਾ ਹੈ ਅਤੇ ਐਨਰਜੀ ਸੈਕਟਰ ਵਿਚ ਦੋਹਾਂ ਦੇ ਉਦੇਸ਼ ਇਕੋ ਜਿਹੇ ਹਨ।

ਜ਼ਿਕਰਯੋਗ ਹੈ ਕਿ ਅਮਰੀਕਾ ਅਲਬਰਟਾ ਦਾ ਵੱਡਾ ਵਪਾਰਕ ਸਹਿਯੋਗੀ ਰਿਹਾ ਹੈ ਅਤੇ ਅਲਬਰਟਾ ਵੀ ਅਮਰੀਕਾ ਦਾ ਵੱਡਾ ਨਿਰਯਾਤ ਰਿਹਾ ਹੈ। 2022 ਵਿਚ ਅਲਬਰਟਾ ਵਲੋਂ ਅਮਰੀਕਾ ਵਿਚ 141.3 ਬਿਲੀਅਨ ਦਾ ਨਿਰਯਾਤ ਕੀਤਾ ਗਿਆ ਸੀ।

ਸਮਿਥ ਅੱਜ ਵਾਸ਼ਿੰਗਟਨ ਡੀ.ਸੀ. ਦੇ ਦੌਰੇ ਦੌਰਾਨ ਕਾਂਗਰਸ ਮੈਂਬਰ ਨਾਲ ਮੁਲਾਕਾਤ ਕਰਨਗੇ। 8 ਫਰਵਰੀ ਨੂੰ ਸਮਿਥ ਕਾਂਗਰਸ ਮੈਂਬਰਾਂ ਸਮੇਤ ਵਪਾਰਕ ਨੁਮਾਇੰਦਿਆਂ ਅਤੇ ਥਿੰਕ ਟੈਂਕ ਨੂੰ ਮਿਲਣ ਤੋਂ ਬਾਅਦ 9 ਫਰਵਰੀ ਨੂੰ ਵਾਪਸ ਅਲਬਰਟਾ ਪਰਤ ਆਉਣਗੇ।