12.29C Vancouver 12.29C VancouverJan 10, 2023 12:24 AM - Connect News
ਰਿਚਮੰਡ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਇੱਕ 'ਰੋਡ ਰੇਜ' ਅਤੇ ਫਿਰ ਵਾਪਰੇ ਹਮਲੇ ਦੇ ਮਾਮਲੇ 'ਚ ਲੋਕਾਂ ਤੋਂ ਮਦਦ ਦੀ ਅਪੀਲ ਕੀਤੀ ਜਾ ਰਹੀ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਜੇਕਰ ਕਿਸੇ ਕੋਲ ਘਟਨਾ ਸੰਬੰਧੀ ਡੈਸ਼ਕੈਮ ਫੁਟੇਜ ਜਾਂ ਕੋਈ ਤਸਵੀਰ ਜਾਂ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
ਪੁਲਿਸ ਮੁਤਾਬਿਕ ਘਟਨਾ 27 ਦਿਸੰਬਰ ਨੂੰ ਸ਼ਾਮ ਕਰੀਬ 7.06 ਵਜੇ ਅਫਸਰਾਂ ਨੂੰ ਸਟੀਵਸਟਨ ਹਾਈਵੇਅ ਦੇ 600 ਬਲੌਕ 'ਚ ਸੱਦਿਆ ਗਿਆ ਸੀ।
ਘਟਨਾ 'ਚ ਹਮਲੇ ਦਾ ਸਾਹਮਣਾ ਕਰਨ ਵਾਲੇ ਵਿਅਕਤੀ ਦਾ ਕਹਿਣਾ ਸੀ ਕਿ ਇੱਕ ਕਾਲੇ ਰੰਗ ਦੀ ਹਯੂੰਡਾਈ ਗੱਡੀ ਮੈਸੀ ਟਨਲ 'ਚ ਉਸ ਦੇ ਪਿੱਛੇ ਆ ਰਹੀ ਸੀ।
ਦੋਵਾਂ ਗੱਡੀਆਂ ਨੂੰ ਹਾਈਵੇਅ 99 'ਤੇ ਸਟੀਵਸਟਨ ਹਾਈਵੇਅ ਵਾਲਾ ਐਗਜ਼ਿਟ ਲਿਆ ਅਤੇ ਫਿਰ ਪਿੱਛੇ ਆਉਂਦੇ ਗੱਡੀ ਨੇ ਪੀੜਤ ਵੱਲੋਂ ਚਲਾਈ ਜਾ ਰਹੀ ਟੈਸਲਾ ਗੱਡੀ ਨੂੰ ਓਵਰਟੇਕ ਕੀਤਾ ਅਤੇ ਨੰਬਰ 4 ਰੋਡ ਕੋਲ ਗੱਡੀ ਰੋਕ ਲਈ।
ਦੋਵੇਂ ਗੱਡੀਆਂ ਦੇ ਚਾਲਕ ਬਾਹਰ ਨਿਕਲੇ ਤਾਂ ਕਥਿਤ ਤੌਰ 'ਤੇ ਹਯੂੰਡਾਈ ਗੱਡੀ ਦੇ ਚਾਲਕ ਨੇ ਟੈਸਲਾ ਦੇ ਚਾਲਕ 'ਤੇ ਬੇਅਰ ਸਪਰੇ ਕਰ ਦਿੱਤਾ ਅਤੇ ਫਿਰ ਮੌਕੇ ਤੋਂ ਨਿਕਲ ਗਿਆ।
ਸ਼ੱਕੀ ਚਾਲਕ ਨੂੰ ਦੱਖਣ ਏਸ਼ੀਆਈ ਮੂਲ ਦਾ ਵਿਅਕਤੀ ਦੱਸਿਆ ਜਾ ਰਿਹਾ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਕਿਸੇ ਕੋਲ ਘਟਨਾ ਦੇ ਇਲਾਕਿਆਂ ਸੰਬੰਧੀ ਰੋਡ ਰੇਜ ਦੀ ਕੋਈ ਫੁਟੇਜ ਹੋਵੇ ਤਾਂ ਦੱਸਿਆ ਜਾਵੇ।
