15.82C Vancouver 15.82C VancouverJul 15, 2020 9:37 PM -
ਵੈਨਕੂਵਰ ਦੇ ਨਾਮੀ ਵਪਾਰੀ, ਡੇਵਿਡ ਸਿਡੂ ਨੂੰ ਯੂ.ਐਸ. ਕਾਲਿਜ ਐਡਮਿਸ਼ਨ ਘਪਲੇ ਦੇ ਮਾਮਲੇ 'ਚ ਸਜ਼ਾ ਸੁਣਾਈ ਗਈ ਹੈ।
ਡੇਵਿਡ ਸਿਡੂ ਨੂੰ 90 ਦਿਨ ਦੀ ਜੇਲ੍ਹ ਅਤੇ $2,50,000 ਦਾ ਜੁਰਮਾਨਾ ਠੋਕਿਆ ਗਿਆ ਹੈ।
ਜੇਲ੍ਹ 'ਚ ਬਿਤਾਏ ਜਾਣ ਵਾਲੇ ਸਮੇਂ ਦੀ ਸਿਫਾਰਿਸ਼ ਇੱਕ ਪਲੀ ਕਰਾਰ ਦੇ ਆਸਰੇ ਕੀਤੀ ਗਈ ਸੀ।
ਇਸ ਨੂੰ ਬੌਸਟਨ ਦੇ ਇੱਕ ਫੈਡਰਲ ਕੋਰਟ ਜੱਜ ਨੇ ਮੰਨ ਲਿਆ ਹੈ।
ਸਜ਼ਾ ਦੇ ਐਲਾਨ ਮੌਕੇ ਸਾਬਕਾ ਸੀ.ਐਫ.ਐਲ. ਖਿਡਾਰੀ ਡੇਵਿਡ ਸਿਡੂ ਨੇ ਇੱਕ ਵੀਡੀਓ ਜ਼ਰੀਏ ਹਾਜ਼ਰੀ ਭਰੀ ਸੀ।
ਸਿਡੂ ਦੇ ਵਕੀਲ ਅਤੇ ਅਮਰੀਕੀ ਸਰਕਾਰ ਦੇ ਵਕੀਲ ਵੀ ਵੀਡੀਓ ਜ਼ਰੀਏ ਹੀ ਹਾਜ਼ਿਰ ਰਹੇ।
ਸਿਡੂ ਨੇ ਅੱਜ ਕੋਰਟ ਸਾਹਮਣੇ ਆਪਣਾ ਪੱਖ ਰੱਖਦਿਆਂ ਮੁਆਫੀ ਵੀ ਮੰਗੀ, ਅਤੇ ਕਿਹਾ ਕਿ ਉਹ ਕੋਈ ਬਹਾਨਾ ਨਹੀਂ ਲਗਾਉਣਾ ਚਾਹੁੰਦਾ, ਉਨ੍ਹਾਂ ਨੇ ਕਨੂੰਨ ਤੋੜਿਆ ਹੈ।
ਯਾਦ ਰਹੇ 13 ਮਾਰਚ ਨੂੰ ਸਿਡੂ ਨੇ ਮਾਮਲੇ 'ਚ 'ਵਾਇਰ ਅਤੇ ਮੇਲ ਘਪਲੇ' ਸੰਬੰਧੀ ਦੋਸ਼ ਕਬੂਲੇ ਸਨ।
ਇਹ ਦੋਸ਼ ਕਬੂਲਣ ਤੋਂ ਬਾਅਦ, ਡੇਵਿਡ ਸਿਡੂ ਨੂੰ 'ਆਰਡਰ ਆਫ ਬ੍ਰਿਟਿਸ਼ ਕੋਲੰਬੀਆ' ਦੀ ਮੈਂਬਰਸ਼ਿਪ ਤੋਂ ਵੀ ਹਟਾ ਦਿੱਤਾ ਗਿਆ ਸੀ।
